عيز اشترى 316 ومحتار

**hossamgh1312** · 30-12-2011 02:04 PM

بسم االه الرحمن الرحيم
الاخوه الاعضاء انا عايز اشتر 316 من موديل 95 لحد 99
العربيه دى اخبارها ايه فى قطع الغيار والاعطال وبتعمل كام تقريبا علشان انا مقتنع بالالمانى بس الناس مخوفانى منها وبتقول ان قطع الغيار غاليه ومفيش حد بيعرف فيها كتير
معلش على الاطاله

**hossamgh1312** · 30-12-2011 02:06 PM

معلش نسيت اقول انى عايزها اتوماتيك

**fahd_628** · 30-12-2011 02:28 PM

بص يا باشا

فقط تعملها الصيانة الدورية بقطع غيار اصلية و لو محتاجة حاجة بحكم عمرها لازم تغيرها بواحدة اصلية و سيبك من الأستيراد الا فى حاجات بسيطة يعنى عاوز اكصدام مثلا او رفرف او كبوت او جنط الحاجات دية تتجاب استيراد لكن انا مش بحب اجيب حاجات ميكانيكية استيراد !

المهم ان حاجتها مش غالية يعنى قولى مثلا عاوز اقولك على سعر اية و انا اقولك !

يعنى مثلا طقم الفوانيس امامى و خلفى اصلى Bosch بعدسات بيعمل 1000 جنية و حالة نضيفة طبعا

تيل ....ar ب 250 جنية ( و فية ب 150 و فية باللى انت عاوزة بس انا بقولك بحب الحاجة الأصلى )

فلتر الزيت ب 40 جنية Mahle اصلى

قطع الغيار الأستهلاكية اسعارها حلوة فى رأى

بالنسبة للأعطال فا لازم تاخد واحدة متصانة و معمولها صيانتها كاملة و دية مش حتلاقيها بسعر رخيص و يستحسن متكنش بتاعت شاب علشان حيبقى هاريها !

بص ان شاء الله اول ما تجيبها تعمل حسابك على 1000 جنية كدة تعمل بية سيرفيس للعربية ( تغيير الزيوت و الفلاتر و البوجيهات و سيور و الحاجات دية )

تكشف على العفشة كويس و على الجلب علشان الجلب و المقصات بتتعب من الشوارع

تكشف كويس على الصدأ

الموتور و الفتيس طبعا تكشف عليهم عند حد بيفهم

و ان شاء الله ربنا يكرمك بواحدة كويسة

بس خد بالك العربية كجرى مش طيارة زى الفيرنا يعنى علشان متبقاش فاكر انها طيارة لكنها كويسة جدا

**hossamgh1312** · 30-12-2011 08:05 PM

الاخ فهد مشكور على مرورك الكريم والمفيد بس حضرتك تقصد ايه بانها مش طيارة زى الفرنا لان فيه ناس بتقول ان سحبها ضعيف بس انا ركبتها وكانت جامده جدا
كنت عاوز اسال حضرتك الموديل من 96 الى 98 لوكامل اتوماتيك ومن غير فتحة سقف لو فبريكا بره وجوه يعمل كام ولو فبريكا جوة بس يعمل كام

**fahd_628** · 30-12-2011 10:11 PM

حضرتك احساس السرعة دة احساس نسبى

حسب انت كنت راكب اية قبلها

و حضرتك ركبتها كانت كام سى سى ؟؟؟؟؟

يعنى انا عربيتى 1600 و مقارنا بالفيرنا فا هية مش سريعة زيها مثلا !

لكن اسرع من الأوكتافيا و الجيتا و الميجان و الحاجات دية

المهم مادام انت شايفها كويسة يبقى خلاص مفيش مشكلة :)

بالنسبة للأسعار فا الأسعار متفاوتة حسب الحالة

و انا بالنسبالى مش مشكلة انها تبقى فابريكة من برة علشان مهما كان دية عربية بقالها 15 سنة ماشية فى مصر !

اكييييييييييييييد لازم تكون اتحكت و اتخبطت

و طبعا هنا فى مصر الناس مش بتهتم بالبوية فا تلاقى اللون بقى بهتان !

المهم يعنى سعر العربية لو حالة ممتازة ( و انا بقولك الغالى تمنة فية يعنى ممكن تلاقى عربية ب 65 و تقرفك )

يعنى سعرها علشان تبقى حالة ممتازة من 70- 80 و ممكن 85 الف بس دية يبقى مفيهاش الهوا و مش محتاجة جنية مصروف و فيها حاجات كتيير جديدة !

علشان تلاقى واحدة ممتازة و كيلومتراج قليل الى حد ما

يستحسن تاخدها من واحد صاينها و محافظ عليها و انت تحس بالكلام دة و انت بتشترى منة !

تحسة فاهم يعنى ولا مش فارقة معاة و بيجيب اى حاجة و خلاص !

و ربنا يوفقك

حاول برضة تشوف واحدة جاية معاقين العربيات دية بتبقى حالات ممتازة !

**sheko_2000eg** · 31-12-2011 03:01 PM

المشاركة الأصلية كتبت بواسطة fahd_628

حضرتك احساس السرعة دة احساس نسبى

حسب انت كنت راكب اية قبلها

و حضرتك ركبتها كانت كام سى سى ؟؟؟؟؟

يعنى انا عربيتى 1600 و مقارنا بالفيرنا فا هية مش سريعة زيها مثلا !

لكن اسرع من الأوكتافيا و الجيتا و الميجان و الحاجات دية

المهم مادام انت شايفها كويسة يبقى خلاص مفيش مشكلة :)

بالنسبة للأسعار فا الأسعار متفاوتة حسب الحالة

و انا بالنسبالى مش مشكلة انها تبقى فابريكة من برة علشان مهما كان دية عربية بقالها 15 سنة ماشية فى مصر !

اكييييييييييييييد لازم تكون اتحكت و اتخبطت

و طبعا هنا فى مصر الناس مش بتهتم بالبوية فا تلاقى اللون بقى بهتان !

المهم يعنى سعر العربية لو حالة ممتازة ( و انا بقولك الغالى تمنة فية يعنى ممكن تلاقى عربية ب 65 و تقرفك )

يعنى سعرها علشان تبقى حالة ممتازة من 70- 80 و ممكن 85 الف بس دية يبقى مفيهاش الهوا و مش محتاجة جنية مصروف و فيها حاجات كتيير جديدة !

علشان تلاقى واحدة ممتازة و كيلومتراج قليل الى حد ما

يستحسن تاخدها من واحد صاينها و محافظ عليها و انت تحس بالكلام دة و انت بتشترى منة !

تحسة فاهم يعنى ولا مش فارقة معاة و بيجيب اى حاجة و خلاص !

و ربنا يوفقك

حاول برضة تشوف واحدة جاية معاقين العربيات دية بتبقى حالات ممتازة !

1+++++

**hossamgh1312** · 31-12-2011 04:41 PM

شكرا ليك يا فهد على المرور وللاخ شيكو مش فاهم يقصد ايه بس والله ربنا يباركلكم جميعا على النصايح المفيدة وان شاء الله حنكون فى تواصل لما اشترى

**sheko_2000eg** · 01-01-2012 05:01 PM

باشا انا قصدي ان الكلام بتاع فهد كلام سليم 100*100
طبعا ده مش تقييم ده رايي بس

**m_samy2008** · 01-01-2012 11:26 PM

ربنا يوقعك فى حاجه كويسة ان شاء الله انا كمان بدور اليومين دول على 316 اوتوماتيك وفى قدامى كذا عربيه لو كده خليك متواصل معايا وان شاء الله ممكن نلاقى حاجه لو مش هتناسبنى ممكن تناسبك او العكس

**hossamgh1312** · 02-01-2012 08:39 AM

مشكور سامى على المرور وياريت نكون متواصلين لو قدامك حاجه قولى يا ريت نلاقى حاجه كويسه بس لو قدامك حاجه اكتب المواصفات والمطلوب كام وانا كمان هعمل كده

الموضوع: عيز اشترى 316 ومحتار

LinkBack

أدوات الموضوع

عرض

-

-

-

-

المواضيع المتشابهه

عاوز اشترى لانسر ومحتار

عاوز اشترى بروتون ساجا ومحتار !!!!!!!

عايز اشترى عربية جديدة ومحتار

عايز اشترى كاويتش ومحتار

عايز اشترى عربية ومحتار ؟؟؟؟؟؟!

الكلمات الدلالية لهذا الموضوع

المفضلات

المفضلات

ضوابط المشاركة