الموضوع: تلين الموتور بعد العمرة

بص يا باشا
هو التليين دة عبارة عن انك بتخلى اجزاء الموتولر الشمايز و البساتم يطبعوا على بعض
يعني يوصلوا لمرحلة انهم يكونوا محكومين مع بعض و في نفس الوقت الاحتكاك ما بينهم اقل ما يمكن
اعلى كبس و اقل احتكاك

طبعا في العربيات الزيرو الموضوع بيكون التليين اسهل لان المصنع طبعا هيكون خارط الموتور احسن من الورش
عشان كد التليين بعد العمرة بيكون ارخم شوية

انا معايا 128 كنت لسة عاملها عمرة من شهر

الراجل قالي انت تمشي بيها 300 كيلو ما تزودش عن سرعة 70
انا مشيت 500 عشان زيادة في التاكيد و كنت حنين عليها
بعد كدا غيرت الزيت بزيت امارات 3000 ك
المكنة صوتها هدي شوية
تالحمد لله انا بلحظ ان كل مدى الموتور بيفتح اكتر و صوت الموتور بيكون اهدى و الكبس بيعلى اكتر

بس اهم حاجة في التليين انك تكن حنين على العربية عشان عمر المكنة يكون اطول و يفضل انك تلين بزيت عادة بحيثانه ثقيل و كويس في التليين و دة بياخد كل وساخة الشغل و الزيادات اللي في الوتور من نتيجة خرط الموتور و بعد كدا تغير بزيت نضيف و كدا تكون العمرة خلصت

و العمرة يفضل انها تكون في الشتا عشان العربية ما تسخنش منك

و اهم حاجة ان الميكانيكي يكون فاهم و شاطر

و اي خدمات

جزاك الله خيرا على المعلومات القيمة فعلا دلوقتى فهمت ليه المكنة صوتها بقى عالى مع انى مغير سير الكاتينة الى هو مفروض يهدى الصوت فى الفيليشيا وكنت خايف تكون العمرة مش مظبوطة
الميكانيكى عندى قالى امشى بيها 1000 كيلو وانا شايف ده كتير
انا مشيت حوالى 350 وزهقت ومش فاضى اطلع مشوار طويل ومشاويرى قريبة قوى من البيت
هل ينفع اغير الزيت قبل كده واظبط التاكيهات
ولا استنى بعد 1000 نغير الزيت ونضبط التاكيهات
وكمان انا ملاحظ ان السحب قل شوية هل ده ليه علاقة بفترة التليين ولا فتح التاكيهات

وجزاك الله خير

المشاركة الأصلية كتبت بواسطة zyadahmed

جزاك الله خيرا على المعلومات القيمة فعلا دلوقتى فهمت ليه المكنة صوتها بقى عالى مع انى مغير سير الكاتينة الى هو مفروض يهدى الصوت فى الفيليشيا وكنت خايف تكون العمرة مش مظبوطة
الميكانيكى عندى قالى امشى بيها 1000 كيلو وانا شايف ده كتير
انا مشيت حوالى 350 وزهقت ومش فاضى اطلع مشوار طويل ومشاويرى قريبة قوى من البيت
هل ينفع اغير الزيت قبل كده واظبط التاكيهات
ولا استنى بعد 1000 نغير الزيت ونضبط التاكيهات
وكمان انا ملاحظ ان السحب قل شوية هل ده ليه علاقة بفترة التليين ولا فتح التاكيهات

وجزاك الله خير

متابع

المشاركة الأصلية كتبت بواسطة zyadahmed

ياريت لو حد يعرف الاجراءات المتبعة والنصائح فى فترة التلين بعد العمرة
وايه اصلا الحكمة من عملية التلين دى سواءا للزيرو او بعد اى عمرة

علشان تليينك يبقى سليم اعمل الاتى:
1: خللى الميكانيكى يعلى لك الموتور علشان العربية تمشى اول ما تسيب دبرياج و ماتزهقش
2: حرق تنك بنزين على الواقف
3: اول 200 كم سرعة لا تزيد عن 30 او 40
4: 800 كم على سرعة لا تزيد عن 60 كم
5: يستحسن يكون التليين بعد المغرب علشان العربية ما تسخنش و فى طريق طوالى علشان تديها الرابع او الخامس و ماتغيرش السرعات علشان تلين و الماكنة مستريحة يعنى لو تطلع بيها الصحراوى او اكتوبر
خد بالك من الاتى:
1: العربية ما تسخنش
2: ال rpm لا يزيد عن 15 طوال فترة التليين
3: ما ترميش بالعربية و خلى معاك كابل تاخد بيه وصلة لو البطارية ضعيفة
4: بعد 1000 كم تروح للميكانيكى يعشق العربية و يلف الموتور بايده لو كان خفيف يبقى خلصت تليين و لو تقيل زود كمان 200 كم على التليين و ارحع له
4: بعد التليين غير زيت موتور و فلتر
و اخيرا خلى عندك صبر علشان ما تتخنأش لان موضوع التليين ده ممل

جزاك الله خير هى فعلا فترة التليين دى مملة
لكن انا خرجت مع الميكانيكى اول يوم استلمتها مشوار 100 كيلو وكانت السرعة بتوصل 70
وحضرتك قايل يكون 30او 40 فى اول 200كيلو عل تحصل مشكلة
وكمان لما حملت عدد كبير فى العربية حسيتها انها بتموت منى ومش بتسحب هل الحمولة غلط فى فترة التليين وجزاكم الله خير ويارب الفايدة تعم الجميع

المشاركة الأصلية كتبت بواسطة zyadahmed

جزاك الله خير هى فعلا فترة التليين دى مملة
لكن انا خرجت مع الميكانيكى اول يوم استلمتها مشوار 100 كيلو وكانت السرعة بتوصل 70
وحضرتك قايل يكون 30او 40 فى اول 200كيلو عل تحصل مشكلة
وكمان لما حملت عدد كبير فى العربية حسيتها انها بتموت منى ومش بتسحب هل الحمولة غلط فى فترة التليين وجزاكم الله خير ويارب الفايدة تعم الجميع

التليين ده زى فترة النقاهة او العلاج الطبيعى بعد اصابة كبيرة .. اللى ممكن حد يعمله فى الفترة دى هو اللى بيعمله و هو بيلين ..يعنى ماينفعش حد يقوم من السرير بعد مايفك الجبس و يجرى و يطلع سلالم و هو بيجرى او يشيل حاجة تقيلة ..