بص يا عم خالد ... انا هاقولك على الملخص المفيد لو انا مكانك
اولا موضوع الجنوط ده بالنسبه للحجم يكون الافضل لو يكون 13 زى ما هو الاصلى لان القطر الاكبر ياثر على سحب العربيه وممكن الات الجر على المدى البعيد بالاضافه الى الدبرياج
وبينى وبينك الافضل ما اركبش جنوط من اساسه اذا كنت انا فى منطقه شوارعها مكسره لان الجنط المعدن (بتاع العربيه) يبقى اريح فى الامور دى واقوى
كل اللى تعمله تركب كاوتش مستورد نضيف ماليزى او كورى يكون كاوتش مرن بما فيه الكفايه عشان يريحك فى الصالون ويريح عفشه العربيه, ويا عم ابقى ركب طاسات شياكه وادى العربيه شويه بوليش وتبقى الدنيا فى عينك حلوة
العفشه هات قلوب او الحشو للامامى يابانى من وسط البلد من شارع زكى نوعه kyb بلاش المونرو للعربيات دى
والعفشه اللى ورا غالبا هتكون سوست كويل حلزونى مش ورق, المهم تغير المساعد بالكامل جديد ولو السوست فيها حاجه تتغير والبطاحات طبعا..مفيش حاجه اسمها مساعدين استيراد او تتملى تانى
على الفكره ما سمعتش قبل كده ان اليبانى نزل شاسيه علب خالص....!
تمت المهمه
المفضلات