الموضوع: تقوية الاكصدامات

هي مش دي حاجات عادية عشان يتركب عليها الاكصدام ؟؟؟؟؟ قصدي دي يعني في معظم العربيات عشان يتركب عليها الاكصدام

المشاركة الأصلية كتبت بواسطة mshmshm3

هي مش دي حاجات عادية عشان يتركب عليها الاكصدام ؟؟؟؟؟ قصدي دي يعني في معظم العربيات عشان يتركب عليها الاكصدام

اللى فهمته من الصور ان الاكصدام ما بيركبش عليها نهائى الاكصدام بيركب على شفة داير ما يدور حولين وش العربية و فايدته فى الصدمات الخفيفة جدا يعنى زى ما تقول الترييح بالعربية اما الدعامة اللى بالعرض ديه مع المدفعين او فردتين الشاسيه اللى بتبقا راكبه فيهم بتشيل الخبطات التقيلة فقدام عندى مش موجودة الدعامة ففكرت اركبها لانها بتركب فى الموديل الامريكى من عربيتى زى ما تقول مواصفات امان احسن و بتبقا قدام وورا

يا باشا الصوره الاولى دي فيها حضرتك معلم بالاحمر على شاسيه الاكصدام
اما الصوره التانيه دي لعربيه نيسان صني (عربيتي) فيها برضه شاسيه الاكصدام بس حضرتك معلم فيها على قاعده الفانوس الامامي وقاعده الريداتير اللى فوق
شاسيه الاكصدام لو مش راكب فى عربيتك وحضرتك شوفت كورولا زيها راكب فيها يبقى ممكن تشتريه وتركبه بيتباع زيه زي الرفرف وبقيه الصاج ممكن تجيبه جديد او استيراد

ده يا فندم اسمه شاسيه الاكصدام وقعلا مش بيركب عليه لكن هوة متثبت على قواعد كده عشان لو خبطه جامده يحاول يمتضها قب الصدر لكن هوة موجود عندي وموجود في الانوس ومنصحش انك تلعب وتركبه ممكن ساعتها يضر اكتر ما يفيد الكورولا عربيه محترمه واكيد همه معوضين عنه بحاجه تانيه

المشاركة الأصلية كتبت بواسطة aymenseef

يا باشا الصوره الاولى دي فيها حضرتك معلم بالاحمر على شاسيه الاكصدام
اما الصوره التانيه دي لعربيه نيسان صني (عربيتي) فيها برضه شاسيه الاكصدام بس حضرتك معلم فيها على قاعده الفانوس الامامي وقاعده الريداتير اللى فوق
شاسيه الاكصدام لو مش راكب فى عربيتك وحضرتك شوفت كورولا زيها راكب فيها يبقى ممكن تشتريه وتركبه بيتباع زيه زي الرفرف وبقيه الصاج ممكن تجيبه جديد او استيراد

تسلم على الرد بس انا مش معلم على حاجة الصور جبتها من النت زى ما هيا كده و انا قصدى على الحديدة اللى بالعرض هيا راكبة فى الكورولا الامريكانى بس مش عارف بمسامير و لا لحامات

المشاركة الأصلية كتبت بواسطة yahiahelaly

ده يا فندم اسمه شاسيه الاكصدام وقعلا مش بيركب عليه لكن هوة متثبت على قواعد كده عشان لو خبطه جامده يحاول يمتضها قب الصدر لكن هوة موجود عندي وموجود في الانوس ومنصحش انك تلعب وتركبه ممكن ساعتها يضر اكتر ما يفيد الكورولا عربيه محترمه واكيد همه معوضين عنه بحاجه تانيه

انا فكرت فى موضوع الضرر ده لانه فعلا ممكن يكسر حاجات تانية لو راكب غلط انا قلن لو هايركب بمسامير هاجيبه لكن لحامات خفت و هوا بينزل فى الموديل الامريكى من عربيتى و اكصداماتها كمان بتبقا اطول زى الكريسيدا زمان اقوى اكصدامت شفتها فى حياتى بتاعت الكريسيدا

المشاركة الأصلية كتبت بواسطة agmgranturismo2006

تسلم على الرد بس انا مش معلم على حاجة الصور جبتها من النت زى ما هيا كده و انا قصدى على الحديدة اللى بالعرض هيا راكبة فى الكورولا الامريكانى بس مش عارف بمسامير و لا لحامات

دي بتركب عندي بمسامير فى الصدر من عند سلاح فرده الشاسيه
يعني بيبقى فرده الشاسيه قدامها الصدر وقدامه الشاسيه بتاع الاكصدام
الصدر بيبقى ملحوم فى فرده الشاسيه وشاسيه الاكصدام بيركب على الصدر بتاع العربيه بمسامير
وعلى فكره لو كان ليها ضرر مكنوش ركبوها فى معظم العربيات
وعلى العموم اي تقويه تربط فرد الشاسيه مع بعض بتبقى مفيده لانها بتحافظ على اتزان الشاسيه وبالتالى العربيه
انما لو الخوف ان ضررها يبقى ساعه الحوادث ان لو فرده اتخبطت تأثر على التانيه لانها متوصله بيها
فاعتقد ان سلامه اللى راكبين العربيه اهم مليون مره من العربيه نفسها
اتمنى اكون افدتك يا استاذ احمد