الموضوع: مشكلة العجلة الإستبن فى الباب الخفى

[QUOTE=aboomarahmad;3872508781]

المشاركة الأصلية كتبت بواسطة amir

ركب عند كهربائي نضيف
التوكيل بس بيستسهل و يستعبط
الغطا اللي في الشنطه من جوه ده المنفذ بتاع التوصيل
هما بس شاريين دماغهم بزياده

السلام عليكم:
أنا سألت على تركيب الباركنج سنسور برة التوكيل وكذلك كنت هركب مثبت سرعة حذروني في أبوغالي وقالولي هتطلع برة الضمان
فياريت اللي عاوز يتأكد الأول من الكلام ده عشان الله يهديهم بيتلككوا

يا باشمهتدس و النبي بلااااااااااش
ده ايام الاسكودا مش عايز اقولك علي الضرر اللي اتسببلي فيه تاكسي حاطط بس حته معدن فوق الفوانيس الاماميه بتاعته زي رفرف الكاب كده
مع ان الخبطه حصلت في اشاره واقفه و هو اللي "ريح" عليا بس الدمار عندي كان حاجه محزنه
و النبي بلاش موضوع الهوك ده الله يكرمك
الباركينج سينسور او ديفيندرات هتكون احسن ليك و لغيرك[/QUOT

والله يادكتور انا مش بتاع أذية لكن لقيت ان الدفندر الخلفي ضرر على العربية اكتر من نفعه لأن لو أي خبطة متوسطة هو نفسه اللي هيرزع في الباب الخلفي وكمان بيكون راجع خلف الإستبن عني الخبطة هتيجي في الإستبن مش فيه...صدقني ده منظر بس لو ركب للتيجو بالذات
أما الهوك انا فكرت فيه بعد تجربتي في النيوبيرا قبل التيجو لما كنت بأمشي على كوبري 6اكتوبر في الزحمة واللي قدامي يقف وانا اضطر اقف الاقي اللي ورايا رزعني لو سرحان
ياراجل دا انا مرة كنت مسافر الإسماعيلية وواقف في بوابة الرسوم بأدفع لقيت قنبلة ورايا ولقيتني اندفعت مترين قدام نزلت لقيت الباشا اللي ورايا عربية دبابة كان مشغول في تطليع الفلوس وسايب العربية لسة ماشية
ومرة بالهيونداي قبل النيوبيرا كنت في طريق بلبيس وداخل على مطب صناعي وبأهدي شوية لقيت عربية أمريكاني ورايا راح لابس فيا عشان بيتكلم في الموبايل...ولك ان تتخيل حرقة الدم والغيظ في الحالات دي وفي الآخر معلش ياباشا الحمدلله اللي جت في الحديد و....و....
انا بس بأحاول اتفادى اخطاء الآخرين وعشان كدة مافكرتش اركب دفندر امامي لأني ان شاء الله مخلي بالي
آسف اني طولت أصلك فكرتني بالذكريات

م.ياسر

ربنا معاك الي ان ياتي الله بالفرج و نكون زي باقي مخلوقات الله علي الارض و المتسبب يجبر علي الاصلاح
و اللي بيقول عوض يشوف الحديث الشريف:من اتلف شيئا فعليه اصلاحه
صدق رسول الله صلي الله عليه و سلم