مشكلة العجلة الإستبن فى الباب الخفى

**mkamel52** · 28-03-2010 11:39 PM

مع شدة فرحتى بالعربية التيجو بتاعتى إلا إن أسخف عيب فيها هو العجلة الإستبن على الباب الخلفى فهى عرض للخبطات طول الوقت عند ركن العربية وإتخبطت منى تلات مرات وأصبح بها خدوش ومع الأسف سألت فى التوكيل على الباركينج سينسور قالوا لى مفيش للتيجو ، ومش عارف إيه الحل ، ومش عارف أعالج الخدوش اللى فى العجلة إزاى ، فكرت فى شراء الإستيكر الكبير اللى بيغطى العجلة بالكامل ومش عارف أجيبه منين ، ياريت ياجماعة اللى عنده حل للمشكلة دى ينصحنى بيه

**ash257** · 29-03-2010 12:17 AM

روح التوفيقية وأسأل على الكفر الجلد اللي بيغطي فردة الاستبن هايمنع الخدوش البسيطة بس لو خبطة جامدة هايتكسر
وربنا يحميهالك
ومتنساش ان دي ضريبة العربية الجديدة .. لازم تاخد عين بسيطة كدة .. الحمد لله

**aboomarahmad** · 29-03-2010 12:56 AM

المشاركة الأصلية كتبت بواسطة mkamel52

مع شدة فرحتى بالعربية التيجو بتاعتى إلا إن أسخف عيب فيها هو العجلة الإستبن على الباب الخلفى فهى عرض للخبطات طول الوقت عند ركن العربية وإتخبطت منى تلات مرات وأصبح بها خدوش ومع الأسف سألت فى التوكيل على الباركينج سينسور قالوا لى مفيش للتيجو ، ومش عارف إيه الحل ، ومش عارف أعالج الخدوش اللى فى العجلة إزاى ، فكرت فى شراء الإستيكر الكبير اللى بيغطى العجلة بالكامل ومش عارف أجيبه منين ، ياريت ياجماعة اللى عنده حل للمشكلة دى ينصحنى بيه

السلام عليكم:
بص يا صديقي::::أخوك بردو في الأول نتيجة ان أبعاد العربية جديدة عليا لمست بيه في أثناء الركنة
لكن بقيت أعمل حسابي بعد كدة اني اقف قبلها بشوية
2- مفيش حاجة اسمها مش بيركب للتيجو باركنج سنسور...بيركب طبعا عند اي حد بتاع اكسسوارات ياعم دا بيركبلها مثبت سرعة لكن المشكلة ان ده ممكن يطلعك برة الضمان وهم الله يكرمهم لا بيرحموا ولا بيسيبوا رحمة ربنا تنزل
3- انا بقى عملت حاجة حلوة...ركبت هوك خلفي من اول شارع معروف على الشمال ب230ج. ده فايدته انه يحميك لو اللي وراك كان سرحان ولبس فيك من ورا لا قدر الله بالإضافة انه لما بتركن ولو هترجع قوي بيلمس اللي وراك قبل الإستبن فبالتالي يحميه...لكن طبعا تحرص انك متبوظش عربيات الناس
4- هحاول انزل صورة العربية بعد تركيب الهوك لو ماكانش انا تحت امرك ممكن تقابلني تشوفه بنفسك

م.ياسر

**mohamed9999** · 29-03-2010 11:34 AM

متاااااابع

**fgfg1975** · 29-03-2010 01:43 PM

المشاركة الأصلية كتبت بواسطة aboomarahmad

السلام عليكم:
بص يا صديقي::::أخوك بردو في الأول نتيجة ان أبعاد العربية جديدة عليا لمست بيه في أثناء الركنة
لكن بقيت أعمل حسابي بعد كدة اني اقف قبلها بشوية
2- مفيش حاجة اسمها مش بيركب للتيجو باركنج سنسور...بيركب طبعا عند اي حد بتاع اكسسوارات ياعم دا بيركبلها مثبت سرعة لكن المشكلة ان ده ممكن يطلعك برة الضمان وهم الله يكرمهم لا بيرحموا ولا بيسيبوا رحمة ربنا تنزل
3- انا بقى عملت حاجة حلوة...ركبت هوك خلفي من اول شارع معروف على الشمال ب230ج. ده فايدته انه يحميك لو اللي وراك كان سرحان ولبس فيك من ورا لا قدر الله بالإضافة انه لما بتركن ولو هترجع قوي بيلمس اللي وراك قبل الإستبن فبالتالي يحميه...لكن طبعا تحرص انك متبوظش عربيات الناس
4- هحاول انزل صورة العربية بعد تركيب الهوك لو ماكانش انا تحت امرك ممكن تقابلني تشوفه بنفسك

م.ياسر

حلوه فكرة الهوك الخلفى لكن السؤال هو بيثبت فى ايه علشان لا سمح الله لو اللى ورايا سرحان و خبطنى فى الهوك .....الخبطه دى هاتروح على فين
م/نبيل

**kimocyc** · 29-03-2010 07:27 PM

متااااااااااااااااااااااا اابع

**aboomarahmad** · 30-03-2010 12:22 AM

المشاركة الأصلية كتبت بواسطة fgfg1975

حلوه فكرة الهوك الخلفى لكن السؤال هو بيثبت فى ايه علشان لا سمح الله لو اللى ورايا سرحان و خبطنى فى الهوك .....الخبطه دى هاتروح على فين
م/نبيل

السلام عليكم:
الهوك ملحوم عمودي على ماسورة عرضية3" ودي مثبتة في الشاسيه للسيارة من نقطتين:
الأولى..يمين عبارة عن حلقة الجر الخلفي للسيارة
الثانية..شمال عبارة عن خرمين12مم تقريبا الراجل بيثبت فيهم مسمار مقلوظ من الجهتين شكل حرف u ومنه لماسورة الهوك
.... لكن ياريت تخليه يرفع الهوك قدر المستطاع بحيث لا يخبط في باب الشنطة و كمان يخرجه برة ابعد من الإستبن عشان ياخد الخبطة قبله لا قدر الله........والله اعلم
م. ياســـــر

**fgfg1975** · 30-03-2010 02:22 AM

المشاركة الأصلية كتبت بواسطة aboomarahmad

السلام عليكم:
الهوك ملحوم عمودي على ماسورة عرضية3" ودي مثبتة في الشاسيه للسيارة من نقطتين:
الأولى..يمين عبارة عن حلقة الجر الخلفي للسيارة
الثانية..شمال عبارة عن خرمين12مم تقريبا الراجل بيثبت فيهم مسمار مقلوظ من الجهتين شكل حرف u ومنه لماسورة الهوك
.... لكن ياريت تخليه يرفع الهوك قدر المستطاع بحيث لا يخبط في باب الشنطة و كمان يخرجه برة ابعد من الإستبن عشان ياخد الخبطة قبله لا قدر الله........والله اعلم
م. ياســـــر

كده زى الفل يا باشمهندس ياسر ربنا يباركلك فيها
م/نبيل

**max_ziro** · 30-03-2010 02:27 AM

طب ياباش لقدر الله لو كان الى وراك دة سرحان
لية حضرتك تخلى عربيتة تتدمر من قدام مع الملاحظة انى تخيلت شكلة زى ما حضرتك وصفتة زى بتوع البيجو الورانيين
ف دة لقدر الله لو واحد سرح هيكون عواقبة سدر و ريداتير و سربنتبنة و اكصدام و مش بعيد مش عربية كامل عشان الوش هيتكرمش على بعضة من الخبطة
ف لو سمحت حضرتك لو مركبة فعلا بنفس الطريقة تحاول ترفعة حبة عشان ميدمرش اى عربية وراة
ياريت تتقبل وجهة نظرى بدون زعل عشان ولله انا اقصد خير
او ممكن حضرتك نركب الى عامل زى الماسورةالنيكل الى بيجيب من اول الاكصدام لاخرة و الله اعلم
و انا اسف على التدخل ..

**amir** · 30-03-2010 04:01 PM

المشاركة الأصلية كتبت بواسطة mkamel52

مع شدة فرحتى بالعربية التيجو بتاعتى إلا إن أسخف عيب فيها هو العجلة الإستبن على الباب الخلفى فهى عرض للخبطات طول الوقت عند ركن العربية وإتخبطت منى تلات مرات وأصبح بها خدوش ومع الأسف سألت فى التوكيل على الباركينج سينسور قالوا لى مفيش للتيجو ، ومش عارف إيه الحل ، ومش عارف أعالج الخدوش اللى فى العجلة إزاى ، فكرت فى شراء الإستيكر الكبير اللى بيغطى العجلة بالكامل ومش عارف أجيبه منين ، ياريت ياجماعة اللى عنده حل للمشكلة دى ينصحنى بيه

ركب عند كهربائي نضيف
التوكيل بس بيستسهل و يستعبط
الغطا اللي في الشنطه من جوه ده المنفذ بتاع التوصيل
هما بس شاريين دماغهم بزياده

المشاركة الأصلية كتبت بواسطة aboomarahmad

3- انا بقى عملت حاجة حلوة...ركبت هوك خلفي من اول شارع معروف على الشمال ب230ج. ده فايدته انه يحميك لو اللي وراك كان سرحان ولبس فيك من ورا لا قدر الله بالإضافة انه لما بتركن ولو هترجع قوي بيلمس اللي وراك قبل الإستبن فبالتالي يحميه...لكن طبعا تحرص انك متبوظش عربيات الناس
4- هحاول انزل صورة العربية بعد تركيب الهوك لو ماكانش انا تحت امرك ممكن تقابلني تشوفه بنفسك

م.ياسر

يا باشمهتدس و النبي بلااااااااااش
ده ايام الاسكودا مش عايز اقولك علي الضرر اللي اتسببلي فيه تاكسي حاطط بس حته معدن فوق الفوانيس الاماميه بتاعته زي رفرف الكاب كده
مع ان الخبطه حصلت في اشاره واقفه و هو اللي "ريح" عليا بس الدمار عندي كان حاجه محزنه
و النبي بلاش موضوع الهوك ده الله يكرمك
الباركينج سينسور او ديفيندرات هتكون احسن ليك و لغيرك