موضوع الطيران من الأرض وعدم الثبات أنا كنت سمعته (ومجربتوش) عن الماروتي .. بس حتى ولو كان ده بيحصل .. فدي ماروتي محدش يلوم عليها ........
إنما لانوس ؟
موضوع الطيران من الأرض وعدم الثبات أنا كنت سمعته (ومجربتوش) عن الماروتي .. بس حتى ولو كان ده بيحصل .. فدي ماروتي محدش يلوم عليها ........
إنما لانوس ؟
أنا جربت أزود وزن العربية من خلال وضع أوزان ثقيلة جدا في الشنطة وفي داخل السيارة (طبعا للتجربة فقط)
لكن اللي اكتشفته إن الوزن مش هو عامل الثبات في حاجات تانية مجهولة بالنسبة لي والعربية ما زالت بتطير
ومتأكد إن العيب ده مش هيطلع بره شوية حاجات منها
1- العلايات (لأني لاحظت فعلا إن العربية الثابتة دي مش متعلية وبتخبط في أي مطب ، وعربيتي متعلية حتة صغيرة والعربية التانية متعلية جامد وهما الإتنين بيطيروا
وممكن تكون العربية محتاجة تتعلى قدام بنفس مقدار ورا علشان يبقى مستواها متساوي
(طبعا هاجرب كل ده يوم الجمعة إن شاء الله علشان أفصل حكاية العلايات )
2- المساعدين - البطاحات لأني من ساعة ماغيرتهم بدأت أحس بالمشكلة
3- عيب خفي بالنسبة لي :- حاجة لم يكتشفها أي عفشجي ممكن قطعة فيها مشكلة غير مرئية
4- ممكن يكون كل اللانوس كده (لأني سألت أكتر من واحد على موضوع الثبات معاه محدش شكرلي فيها )
عندي استعداد نتقابل واجيبهالك وأديك أي تمن تحدده لكن تصلحهالي ولو ماتظبطش العيب ده هترجعلي ضعف اللي هتاخده للتصليح
لأني حاولت كتير وغيرت حاجات كتير ومفيش فايدة أقضيها مواصلات واتبهدل ولا امشي بيها على مهلي وخلاص
على رأي المثل
( حمارتك العرجاء ولا سؤال اللئيم ) مش كده ولا إيه ؟
وغير كده أنا زهقت من الميكانيية والعفشجية فقلت عيش وتعايش
ومعنديش استعداد أشتري عربية غير اللانوس لأني باحبها جداااااااااا لو جبت عربية تاني هتكون لانوس ثم لانوس لعدة أسباب رئيسية
ولو الموضوع ده هيعمل تفرقة بين الأعضاء ومشاكل يبقى بلاش منه أصلا إحنا بنتعامل على أساس إن كلنا اخوات واللي عنده مشكلة بيطرحها اللي يعرف يحلها بيقول على حلولها
لو حصل الموضوع ده معاك شخصيا هتلاقي نفسك مش عارف تتصرف لأن العربية بتطير فعلا فعلا أنا مش بابالغ ولولا إني مش لاقي حد عفشجي يفيدني كل ماروح عند حد يقولي كل الكوري كده والحاجات دي ثباته مش قد كده علشان هو مش فاهم
لو حسابي إن ده كله هيحصل مكنتش غيرت أي قطعة كنت استحملت أي حاجة بسيطة وخلاص (زي ما بعمل حاليا ) علشان من ساعة التغيير وحصل كل الحاجات دي
مفيش مشكله ولا تفرقه ولاحاجهاقتباس:
ولو الموضوع ده هيعمل تفرقة بين الأعضاء ومشاكل يبقى بلاش منه أصلا إحنا بنتعامل على أساس إن كلنا اخوات واللي عنده مشكلة بيطرحها اللي يعرف يحلها بيقول على حلولها
الكل بيهزر معاك
وأمال أنت بتقول أننا أخوات أزاى
أنا حتى هزرت معاك فى الموضوع فى أوله
لأنى عارف أن روحك خفيفه وبتحب الضحك والهزار
فبلاش تاخد الأمور قفش كده
وأنا مصدقك فعلا ( أن عندك مشكله )
وبأحاول معاك
وقولتلك على أقتراح أخير بتاع الباور
لما لقيت عندك أستعداد تجرب أى حاجه فى العربيه
علشان نوصل للسب الغريب ده
وصدقنى لو أنت فعلا واثق فى كل مكونات العفشه
حتلاقى عيب دايرة الباور ده من الأحتمالات الوارده جدا
ومش عاوز أخش معاك فى تفاصيل فنيه
حيطول شرحها
وعاوزه وقت أكبر من اللى أتعمل فى الموضوعين بتوعك
بتوع الطيران دول
ففكر كويس فى اللى قولتهولك وجرب
مش حتخسر حاجه لو جربت
طالما أنت متأكد من كل مكونات العفشه والزوايا
على فكره
لو لم نتناول المواضيع مع توافر روح المرح الخفيف
البعيد عن التريقه والأبتذال
المنتدى حيبقى طعمه مش مستساغ
وأهم شىء طبعا
توافر الأحترام بيننا ....بعيدا عن الأبتذال والذى منه
يعنى تبقى قعدة عرب كده
كلها محبه وأحترام
للتفكير سويا فى مشاكلنا
موضوع غريب فعلاً
لو الأخ صاحب المشكلة مش المالك الأول للسيارة ممكن يكون صاحبها السابق عامل بيها حادثه والعربية مشيسة وبعد كده خلاص متسألش عن اي اتزان ولا ثبات.
على فكرة أنا مقصدش أي تلميح بالجملة دي غير إني أثبت لك إن المسألة مش مسألة حاجة عايزة تتصلح إنما في تحديد الخلل اللي عامل المشكلة دي ، وعايز أقول إنك لو مكاني هتحتار وهتكون عاجز عن حل الغموض ده مهما كان معاك مال وأدوات وتفكير
وبأعتذرلك لو زعلت مني بسبب أي تلميح أو حاجة غير مقصودة لأن الكلام الكتابي لا يعبر عن الحالة المزاجية والفعلية للرد
معاك حق فعلا لكن أنا زعلت لما لقيت كل الأعضاء بدأوا ياخدوا كلامي على أساس إني كداب أو باتسلى أو حاجات زي كده
لكن الهزار والضحك حاجة عادية وأنا من الشخصيات المرحة أصلا
وفعلا والله النهاردة أعصابي اتدمرت مش عارف أمشي بالعربية ، مش عارف أوصف الوضع ، أنا كنت هاغير اللانوس فعلا بسبب حكاية الطيران دي لكن للأسف حبي لها مش قادر أفرط فيها ، وكنت فرحان لما لقيت عربية مش بتطير وهو ده اللي خلاني متفائل إن في أمل
-----------> وبالنسبة لموضوع البور ، البور عندي خفيف جدا جدا جدا أخف من أي عربية دايو لكن العجل محكم الحركة يعني لو رفعت أي عجلة أمامية وحاولت تحركها والدريكسيون ممسوك مش هتتحرك ، هل ده دلالة على حاجة ؟
ميهمكشاقتباس:
وبأعتذرلك لو زعلت مني بسبب أي تلميح أو حاجة غير مقصودة لأن الكلام الكتابي لا يعبر عن الحالة المزاجية والفعلية للرد
أخونا / محمد
راجل طيب
وأنتم أخوات
وصافى يالبن ....حليب يالوبيا
وكبر دماغك شويه
علشان الموضوع الأساسى ميطرش مننا
زى العربيه مابطير معاك
أمسك فى الحته دى بأيديك وأسنانكاقتباس:
-----------> وبالنسبة لموضوع البور ، البور عندي خفيف جدا جدا جدا أخف من أي عربية دايو
وأوعى تطير منك زى العربيه
وأدرس الموضوع ده
مع نفسك بهدوء شديد
لأن ممكن تكون دايرة الباور
هى السبب الفعلى
لما أصابك من قلق
وطيرت الأفكار من دماغنا كلنا
والكلام ده شىءاقتباس:
لكن العجل محكم الحركة يعني لو رفعت أي عجلة أمامية وحاولت تحركها والدريكسيون ممسوك مش هتتحرك ، هل ده دلالة على حاجة ؟
وما أعنيه هو شىء آخر خاااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا الص
طيب غيرت حاجه عند نهايات الأسكترااقتباس:
ومبديتش أحس بموضوع الطيران غير بعد تغيير أجزاء من العفشة
بارات طرف مثلا أو بيض دركسيون
وهل أطمنت عليهم وتركيبهم الصح عند بتاع الزوايا
عموما
مشكلتلك فى منطقة علبة الدركسيون
أما من توصيلات ميكانيكيه حالتها مش تمام على نهايات العلبه مع العجل الأمامى
أو عيب فى ضغط زيت تشغيل دايرة الباور ( وده ممكن يكون عيب طارىء )
والطلمبه معاك ضغطه زياده عن اللزوم
علشان كده البور خفيف معاك عن أى عربيه تانيه ( أنت جربتها )
هو أنا مش عايز أخونا محمد أو أي من الأعضاء يزعل مني أو أزعل منه علشان كلنا اخوات
هو أو لو أي حد مكاني هيبقى محتار فعلا ( أعصابي اتحرقت النهاردة زي معظم الأيام ) ومكنتش عارف أمشي بس تعايشت مع المشكلة لحين الوصول لحل
وبالنسبة لموضوع خفية الدريكسيون هو خفيف لكن خفيته ثابتة على كل السرعات ، مش ممكن تكون خفيته بسبب الشحم الزايد الموجود في البطاحات ؟ أو بسبب بارات جديدة أو حاجات زي كده ؟
زي دواسة الدبرياج كل اللي يجربها عني كان بيقول إنها خفيفة لدرجة مريبة ، لكنها كده من ساعة ما غيرت اسطوانة الدبرياج
نسيت أقول حاجة إن العربية اللي مش بتطير الراجل قاللي إنها كوي مش مصري هل تفرق في حاجة ؟
فهل أجرب كده حكاية فك سير البور مشوار قصير مؤقتا ؟