صح وعن تجربة بس مش مخيفة للدرجة اللي البعض بيوصفها
خللى بالك ان احساس الثبات احساس نسبى و جزء منة بيعتمد على السواق و على هو معتاد على ايه... يعنى لو واحد كل ركوبة بى ام و مرسيدس و ركب دايو حيحس انة راكب مراجيح.... و اللى كان ركوبة سيات 133 و فيات 127 و ركب دايو حيحس انة ملزوق فى الارض... الموضوع نسبى الى حد ما
كان فيه عضو هنا قال ان اللانوس بتعوم بعد 80... و لما قولتلة دة عيب سواق زعل اوى :mahf(5):
MMamdouh
هههههههههههه
الإسم / أحمد
تاريخ الميلاد 1985
الوظيفة / للأسف صعب أقولها علشان أنا مشهور شوية ولو حد عرفني وعرف موضوع طيران العربية هيضحك عليا وبالأدلة وخصوصا إن معظم مواضيعي غريبة شوية :E_braces[1]: وهو ده أحد أسباب تأخري عن الرد
أنا منتظر أشوف حل في حكاية الطيران دي وبعديها هاغير النيم ( بعد مناقشة الحكاية دي مع الإدارة ساعتها علشان مادخلش في حكاية تعدد أسماء الدخول )
وبعديها هابقى أقول الوظيفة
وعلى فكرة أنا روحت لميكانيكي فك سير الباور والدينامو وهو في قمة الإستغراب ومش عارف السبب :E_braces[1]:
والدريكسيون بقي تقيل جدا ومشيت مسافة 25 كيلو علشان أجرب وللأسف الموضوع في الهواء زي ما هو لكن لو مفيش هواء الثبات بيكون ممتاز
وطبعا البطارية نامت مني والراجل جالي مشكورا ركب لي السير واداها زقة ورجعت البيت :POINTIy2[2]:
وجاري ترصيص العجل الأمامي بالموتوسيكل
لكن عندي ملاحظة بسيطة قد تؤدي لحل المشكلة والحكاية دي لاحظتها أثناء تجربة العربية اللي مش بتطير
هو أنا حاسس إن في حاجة في الزوايا هي السبب في المشكلة دي
لأني مع تجربة العربيتين وملاحظة الفرق حاسس إن دقة توجيه العربية اللي مش بتطير أفضل بكثير جداااا واتزان الطارة على الطريق واضح
وعلى الرغم من إني ظبطت زوايا عند 3 أشخاص في أماكن مختلفة وطرق مختلفة وكانت مظبوطة عند الكل لكني حاسس بإن في حاجة مش مظبوطة
فأعرف منين إن الزوايا عندي مظبوطة مع العلم إن العربية اللي مش بتطير الطارة مش بترد لوحدها أبدااااااااااااااا
أسمك هو أحب الأسماء الى قلبىاقتباس:
الإسم / أحمد
بعد أسم والدى طبعا
لأنه أسم أبنى الوحيد
وكويس أوى لحد كده
وجارى المتابعه
وخليك فى الجو شويه
يمكن نلاقى وسيله ونعملك landing
أو نزول على الأرض
زى مخاليق ربنا
http://i728.photobucket.com/albums/w...titled-108.jpg
شايف الصوره دى يا أبو حميد
دى صوره لأتصال الأسكترا بشمعدان العجل الأمامى
موجود عندك فى العربيه ( أثنين ) يمين وشمال
الصوره بتتكون من بيضة الدركسيون ثم بارة طرف مقلوظه قدامك ثم تيش أسكترا ( من اليمين للشمال )
حتروح لعفشجى كويس أو بتاع زوايا بيفهم
وقوله شوفلى بارة الطرف مربوطه كويس بين البيضه والتيش ولا لا
للجانبين طبعا
ولو لقيت مسامير بايظه ..............غيرها
أو بارات بايظه وسنها حالق .............غيرها
أحتمال كبير يكون ده السبب للمشكله اللى عندك
بحيث لو الحاجات دى مش محكومه كويس ومربوطه كويس
العربيه حتلعب معاك فعلا ...........مع السرعات العاليه