الياباني و الالماني

**dr.amr** · 12-01-2008 11:17 PM

السلام عليكم..........
منذ فتره شاهدت موضوع مثبت في منتدي تويوتا هل السيارات اليابانيه سيئه؟؟
بالطبع هي ليست سيئه
بس انا كنت عايز اعرف الفرق من وجهة نظر الجميع
مابين الياباني والالماني علي وجه التحديد
وانهي افضل من وجهة نظركم؟؟؟؟؟؟؟؟؟
وياريت اللي يقول يذكر السبب
الموضوع نقاشي لاظهار المميزات والعيوب
وشكرا للجميع......:)

**SEATLOVER** · 12-01-2008 11:54 PM

الالمانى :
*مميزات : صناعة قوية جداّ مدروسة -عمر افتراضى طويل -تكنولجى عالية (ذكية) -تحمل اجهادات -معمرة -خامات عالية الجودة -ثبات رائع -اداء قوى(خشن)-تصميمات راقية
*عيوب: حاجاتة غالية جداً-صوت موتور عالى-تقيل شوية فى السحب -يتخنق فى الزحمة

اليابانى :
*مميزات: تسارع عالى -خامات جيدة -عمر افتراضى معقول نسبياً-تكنولجى عالية (منتشرة)-اداء ناعم
*عيوب: حاجتة معقولة بالنسبة للعمر الافتراضى-خفيف-افضلية فى الاماكن المزدحمة -تصميمات احياناً غريبة بعض الشىء

**dr.amr** · 13-01-2008 12:00 AM

المشاركة الأصلية كتبت بواسطة SEATLOVER

الالمانى :
*مميزات : صناعة قوية جداّ مدروسة -عمر افتراضى طويل -تكنولجى عالية (ذكية) -تحمل اجهادات -معمرة -خامات عالية الجودة -ثبات رائع -اداء قوى(خشن)-تصميمات راقية
*عيوب: حاجاتة غالية جداً-صوت موتور عالى-تقيل شوية فى السحب -يتخنق فى الزحمة

اليابانى :
*مميزات: تسارع عالى -خامات جيدة -عمر افتراضى معقول نسبياً-تكنولجى عالية (منتشرة)-اداء ناعم
*عيوب: حاجتة معقولة بالنسبة للعمر الافتراضى-خفيف-افضلية فى الاماكن المزدحمة -تصميمات احياناً غريبة بعض الشىء

انا شايف ان العيوب اللي انت كتبتها عن الياباني تعتبر مميزات عدا بعض التصميمات الغريبه:D
بس اعتقد برضه ان الياباني مش خفيف خصوصا لو بصينا للكوري

**SEATLOVER** · 13-01-2008 12:08 AM

يا باشا ما انت بتقارن بين حاجتين احلى من بعض فبيتوقف الموضوع على انت بتحب اية اكتر ... انا شايفك انك ميال لليبانى بس المشكلة ان بقى صعب اوى تلاقى يابانى
100% لانة بقى بيتصنع فى بلاد كتير اوى .

**PRO-DRIVE** · 13-01-2008 12:14 AM

اولا لما نتكلم علي الالماني عموما او الياباني عموما نتكلم بخطوط عامه في الصناعه:)

يعني ثبات قوي دي مش صفه عامه في كل الالماني :)
ولا حتي تكييف ضعيف و الحجات دي :)

فا المانيا اللي انتجت مرسيدس و اودي و بي ام و فولكس و بورش

انتجت برضه سيارات اوبل اللي بتتذيل القائمه فيهم العدل فيها اساسا انها تتقارن مع بيجو و رينو و ستروين :) مش مع القائمه اللي فوق

عموما الالماني ( الحب الاول ههههههههه )

هو مميزاته العامه

التصميمات الجميله في جميع سياراتهم :)

و عدم قدم التصميمات

و ارتفاع الجوده السيارات

عموما بيقدموا صناعه بجد :)

عيوب الالماني

العيب الأكبر هو السعر و السعر و السعر

العيب التاني ( اللي تصنف ميزه اساسا )

هو غلو سعر القطع الالكترونيه في السياره
يعني اذا حتغير الشكمان في مرسيدس عندك 500 سنسور تغيره معاها ههههههه

دا اللي مخلي اغلب الناس اللي بتعدل علي السيارات tunning
مبيتجهوش اوي للألماني لأنه حيصرف اضعااااف سعر السياره في التعديل فيها :)

عموما السيارات الالمانيه هي افضل سياره تشتريها 20 سنه و تفضل علي حالتها
و متبدلش اي شيئ

لأنها في الاصل سيارات اغلبها معموله عشان تكون مريحه :)

السيارات اليابانيه تعتبر حاليا منافس بقوه للألماني :)
في جميع الفئات

يعني الشركات اليابانيه الكبيره ACURA , LEXUS , INFINITI

فعلا في مقارنات كتيره حتي من المجلات الالمانيه

اذا هي بتخسر .. بتخسر بنسب ضعيفه جدااااااا

محدش حتي بيحس بفرق :)

في حتي حاليا صراع الماني الماني :)

AUDI حاليا بشهاده كل المحلليين الالمان تفوقت علي BMW في تقريبا كل شيئ
و هي حاليا بتنافس مرسيدس :)

غير كدا انا شخصيا ضد اني اتكلم علي صناعه دوله بالكامل و الا حيبقي تعميم عام جدااا و ملوش فايده اللي ممكن اننا نقارن شركه بشركه او حتي موديل بموديل

مفيش شركه بتصنع كل سياراتها بنفس المستوي ابدااا

**dr.amr** · 13-01-2008 02:20 AM

المشاركة الأصلية كتبت بواسطة SEATLOVER

يا باشا ما انت بتقارن بين حاجتين احلى من بعض فبيتوقف الموضوع على انت بتحب اية اكتر ... انا شايفك انك ميال لليبانى بس المشكلة ان بقى صعب اوى تلاقى يابانى
100% لانة بقى بيتصنع فى بلاد كتير اوى .

علي فكره انا الالماني بالنسبه لي الحب الاول
زي ماقال برو درايف
انا والدي كان معاه جولف 2 من الزيرو تقريبا
قعدت معانا 20 سنه تقريبا
عربيات مالهاش حل ومبتتعبش
بس الموضوع كله اني شايف ان الياباني دلوقتي هيبدأ يتفوق
مش بسبب التكنولوجيا ولكن بسبب مراعاة كل الاذواق والاحتياجات
مش بس التكنولوجيا والسعر المبالغ فيه

**Ahmed Anwer** · 23-01-2008 01:16 AM

الفرق الكبير و الرهيب بين الألماني و الياباني ،،،

الثبات ،،،،،،،،

لا وجة للمقارنة بين الإثنين في النقطة دي تحديدا ،،،

و ده بتلاقيه حتي في اول فئات الألماني زي البولو و الإبيزا و الكورسا ،،

أنا ركب الأوكتافيا بحس إنها مكلبشة في الأرض بطريقة غريبة ،،

**badblood** · 23-01-2008 01:46 AM

المشاركة الأصلية كتبت بواسطة SEATLOVER

الالمانى :
*مميزات : صناعة قوية جداّ مدروسة -عمر افتراضى طويل -تكنولجى عالية (ذكية) -تحمل اجهادات -معمرة -خامات عالية الجودة -ثبات رائع -اداء قوى(خشن)-تصميمات راقية
*عيوب: حاجاتة غالية جداً-صوت موتور عالى-تقيل شوية فى السحب -يتخنق فى الزحمة

اليابانى :
*مميزات: تسارع عالى -خامات جيدة -عمر افتراضى معقول نسبياً-تكنولجى عالية (منتشرة)-اداء ناعم
*عيوب: حاجتة معقولة بالنسبة للعمر الافتراضى-خفيف-افضلية فى الاماكن المزدحمة -تصميمات احياناً غريبة بعض الشىء

انا عمري ما سمعت صوت بي ام ولا مردسيدس في الموديلاث الحديثه صوت موتورها عالي
يا اخي احنا كان عندنا عربيه مرسيدس موديل 85 (240 sel) الموتور كان ليه زنه غربيه ببقى واقف مستمتع بصوت العربيه واغليه المرسيدس القديم في الصوت ده (بجد بعشق الصوت ده لغايه والله لما تعدي عربيه مرسيدس جنبي من الموديلات القديمه واسمع الصوت ده ببقى مبسوط جدا ) صوت يفرح :D

**Chicco** · 23-01-2008 05:23 AM

صعب المقارنة بدون تحديد العربيات و البلد :o
يعني في مصر مثلا مافيش موديلات تنافس مرسيدس و بي إم و أودي في فئة السيارات الفاخرة و حتى لو فيه محدش حيشتريها ....ثقافة المرسيدس لسه طاغية علينا . أنا فاكر إني قريت مرة إن عدد السيارات المرسيدس في مصر أكتر من اللي في ألمانيا بس مش متأكد من المعلومة ديه ....مين حيجيب انفينيتي بدل مرسيدس
أهم ميزة للالماني البرستيج...... البي إم و أودي و Vw عربيات الواحد بيجبهم عشان المستوى الاجتماعي أكتر من أي حاجة تانية
عيب الالماني السعر طبعا;)
في فئة السيارات المتوسطة و الصغيرة ميزة الياباني جودة عالية بسعر معقول نسبيا و العيب قلة الموديلات و استهبال التوكيلات (محركات صغيرة و كماليات متشالة و لو إن توكيل فولكس نفس النظام )
في كندا مثلا الهوندا و التويوتا بجناحيهم لكزس و اكيورا حاجة و بقية العربيات حاجة تانية ... النيسان + انفينيتي بتنافس بقوة .... الميزة الاساسية للياباني الاعتمادية و تقريبا مافيش عيوب جوهرية
الالماني سمعته وحشة العربيات بيبقى فيها مشاكل تصنيع (الاسوأ على الاطلاق مصنع فولكس المكسيكي) و قطع غياره غالية جدا

**hazem_khidr** · 23-01-2008 06:00 AM

الالماني ل يقارن بحاجه اكيد متفوق عن الياباني بكتير.
يكفي ان هما اللي بيعملو اي تكنولوجيا جديده و بعدها بعر سنين و لا حاجه تلاقي اليابان عملتها بعد ما تعرف عيوبها و زاي تتفاداها.
شوف المرسيدس الفئه سي مثلا من 13 سنه كانت نازله فيها حساسات مطر و ضوء.
يدوب لسه تويوتا منزلاها انهارده!
الاوربيين هما ملاك الصناعه .دا مش معناه ان الصناعه اليابنيه وحشه لكن الالماني احسن