سؤال عاجل بخصوص فرامل اليد

**bodi** · 13-01-2008 10:27 AM

اخواني الافاضل
السلام عليكم
احييكم علي هذا المنتدي الرائع و اريد ان اسالكم بخصوص فرامل اليد
زوجتي من يومين ساقت العربية مسافة 1.5 كيلو وفرمل اليد مرفوعة و بعدين اخيرا خدت بالها وهي بتركن وقالت لي انها شمت رايحت شياط بعد ما نزلت من العربية فانا عايز اعرف تاثير هذا علي العربية و علي الفرامل العادة و فرامل اليد و الموتور وهل عند زيارتي للتوكيل لاجراء الصيانة هل يجب ان افحصي اجزاء الفرامل و هل ما فعلتة قد يوثر علي عمر الموتور
ثانيا لاحظ بعد قيادتي للسيارة بعد موضوع فرامل اليد ان فرامل العادية قد ضعف تاثيرها فهل فقيادتها و الفرامل مرفوعة قد ادي الي ضعف الفرامل العادية
وشكرا مقمدما علي مساعدتكم

**Khalid_Mostafa** · 13-01-2008 10:38 AM

بالنسبة لفرامل اليد فأكيد ادي ذلك لتأكل الفرامل الخلفية وريحة الشياط دي ريحة تيل الفرامل الي بيتحرق من السخونية اما الموتور فتأثيره تأثير السيارة و هي بتجر عربية نقل مثلاً او انك دايس علي البنزين ومريح رجلك علي الفرامل في نفس الوقت .ولكن لا اعتقد انه تكون سببت اضرار لموتور السيارة حيث ان المسافة صغيرة ولكن في المستقبل يجب ان تأخد بالها من اللمبات المضاءة في التابلوه .حيث ان لبمة الهاند بريك كانت مضاءة طوال الوقت ويمكن ان يحدث هذا مع لمبة الحرارة او زيت الموتور مما قد يؤدي لكارثة

ما ستفعله هو الكشف علي الفرامل الخلفية فقط وتغيير التيل إذا لزم الأمر

**memo_hefnawy** · 13-01-2008 10:59 AM

المسافة الصغيره دى مش هاتأثر على أى حاجة فى العربية (تأثير لا يذكر)

إطمن و مفيش أى داعى لزيارة التوكيل بس نبه على زوجتك إن تاخد بالها مش أكثر و كثير مننا بينساها أحيانا

**bodi** · 13-01-2008 11:54 AM

المشاركة الأصلية كتبت بواسطة captinhaddok

بالنسبة لفرامل اليد فأكيد ادي ذلك لتأكل الفرامل الخلفية وريحة الشياط دي ريحة تيل الفرامل الي بيتحرق من السخونية اما الموتور فتأثيره تأثير السيارة و هي بتجر عربية نقل مثلاً او انك دايس علي البنزين ومريح رجلك علي الفرامل في نفس الوقت .ولكن لا اعتقد انه تكون سببت اضرار لموتور السيارة حيث ان المسافة صغيرة ولكن في المستقبل يجب ان تأخد بالها من اللمبات المضاءة في التابلوه .حيث ان لبمة الهاند بريك كانت مضاءة طوال الوقت ويمكن ان يحدث هذا مع لمبة الحرارة او زيت الموتور مما قد يؤدي لكارثة

ما ستفعله هو الكشف علي الفرامل الخلفية فقط وتغيير التيل إذا لزم الأمر

شكرا لردك الكريم
افهم اني يجب ان اكشف علي تيل الفرامل الخلفي في التوكيل اذا كان محتاج للتغيير وذلك في صيانة ال 1000 كيلو المجانية (حيث ان السيارة لازالت جديدة و عملت 600 كيلو) انا اعرف ان تيل الفرامل متوسط عمره حوالي 20000 ك فهل القيادة مع شد فرمل اليد ممكن يقلل عمر التيل و يتغير عند 1000 ك . ثانيا حضرتك تعرف ان خلال ال 1000 ك الولي لسيارة الزيرو يجب الا نحمل علي الموتور فهل ما قامت به زوجتي كان تاثيره مضاعف لاننا في فترة التليين

**bodi** · 13-01-2008 11:57 AM

المشاركة الأصلية كتبت بواسطة memo_hefnawy

المسافة الصغيره دى مش هاتأثر على أى حاجة فى العربية (تأثير لا يذكر)

إطمن و مفيش أى داعى لزيارة التوكيل بس نبه على زوجتك إن تاخد بالها مش أكثر و كثير مننا بينساها أحيانا

شكرا لرد حضرتك بس فعلا اانا قلقان من ريحة الشياط الي حدثت بعد القيادة مع شد الفرامل بالاضافة الي ان احساسي بضعف الفرامل شوية بعد قيادتي للسيارة فهل ما حدث اثر بقوة علي تيل الفرامل

**Khalid_Mostafa** · 13-01-2008 12:09 PM

المشاركة الأصلية كتبت بواسطة bodi

شكرا لردك الكريم
افهم اني يجب ان اكشف علي تيل الفرامل الخلفي في التوكيل اذا كان محتاج للتغيير وذلك في صيانة ال 1000 كيلو المجانية (حيث ان السيارة لازالت جديدة و عملت 600 كيلو) انا اعرف ان تيل الفرامل متوسط عمره حوالي 20000 ك فهل القيادة مع شد فرمل اليد ممكن يقلل عمر التيل و يتغير عند 1000 ك . ثانيا حضرتك تعرف ان خلال ال 1000 ك الولي لسيارة الزيرو يجب الا نحمل علي الموتور فهل ما قامت به زوجتي كان تاثيره مضاعف لاننا في فترة التليين

انا مقلتش انك تغيره ..انا قلتلك اكشف عليه ولو محتاج تغيير غيره خصوصاً انك في الضمان ومتنساش ان انتا حاسس بأن الفرامل ضعفت .اما عن حكياة التليين فالمفروض فعلاً انك متحملش علي العربية في الفترة دي ولكن المسافة الصغيرة دي لا اعتقد انه تكون عملت حاجه إن شاء الله خصوصاً لو عربيتك ماتورها كبير .اما بالنسبة لريحة الشياط دي فزي ما قلتلك اطمأن دي ريحة التيل الخلفي ومفيش مشكلة بس لازم تكشف عليه لأنه تعرض لظروف غير طبيعية (يعني لو متوسط عمر الفرامل 20000 كيلو فده مش محسوب علي انك تمشي بالعربيه و الفرامل مشدوده) مش كده ولا ايه

**bodi** · 13-01-2008 12:49 PM

المشاركة الأصلية كتبت بواسطة captinhaddok

انا مقلتش انك تغيره ..انا قلتلك اكشف عليه ولو محتاج تغيير غيره خصوصاً انك في الضمان ومتنساش ان انتا حاسس بأن الفرامل ضعفت .اما عن حكياة التليين فالمفروض فعلاً انك متحملش علي العربية في الفترة دي ولكن المسافة الصغيرة دي لا اعتقد انه تكون عملت حاجه إن شاء الله خصوصاً لو عربيتك ماتورها كبير .اما بالنسبة لريحة الشياط دي فزي ما قلتلك اطمأن دي ريحة التيل الخلفي ومفيش مشكلة بس لازم تكشف عليه لأنه تعرض لظروف غير طبيعية (يعني لو متوسط عمر الفرامل 20000 كيلو فده مش محسوب علي انك تمشي بالعربيه و الفرامل مشدوده) مش كده ولا ايه

استاذي الفاضل انا شاكر لسرعة ردك
بخصوص موتور عربيتي هو 1300 سي سي ماعرفش هل يعتبر كبير ولا حضرتك تقصد 1600 سي سي
بس اعتقد ان تغيير التيل يكون خارج الضمان يعني انا بادفع تمنه مش كده ولا ايه

**Khalid_Mostafa** · 13-01-2008 01:16 PM

المشاركة الأصلية كتبت بواسطة bodi

استاذي الفاضل انا شاكر لسرعة ردك
بخصوص موتور عربيتي هو 1300 سي سي ماعرفش هل يعتبر كبير ولا حضرتك تقصد 1600 سي سي
بس اعتقد ان تغيير التيل يكون خارج الضمان يعني انا بادفع تمنه مش كده ولا ايه

هو ولا كبير ولا صغير ولاكن معتقدش ان تكون اثر فيه الموضوع ده عشان المسافة صغيره .متقلقش
وبالنسبة للتيل سواء انت الي حتدفع او التوكيل فيجب انه يتغير لو اتاكل (ولو اني مظنش انه يكون خلص) ولكن علي الأقل عمره قصر شويه

**Karim_Monir** · 13-01-2008 01:22 PM

سيدي الفاضل
طبعا اول حاجة يا ريت ثم يا ريت تكتب نوع العربية وحجم السي سي والموديل عشان الناس تقدر تتكلم على نور
-----
غالبا اتطمن ان شاء الله مافيش حاجة واقصاها انك قصرت عمر تيل الفرامل وبسيطة ان شاء الله
لكن هو بس الحمل على الموتور في فترة التليين هو اللي صعب شوية
لو عربيتك مش هاتغير زيت على ال 1000 كيلو يا ريت تغيرة عشان لو في نسبة تاكل تنزل في الزيت