يا جماعة أنا شايف إن ١٥٠ مش كتير على واحد بيطلع حاجات فالعربية صعب حد يطلعها
أنا عن نفسي كشفت عندو على جيتا ٢٠٠٨ كانت عملة ٣٢٠٠٠ كم و كانت ذي الفل مفيش حد شافها إلا و قال فبريكة و كان معايا ناس بتفهم أوي فالعربيات و ركبنا العربية و جرينة جامد بيها و كشفنا عليها بنزينه
رحت أنا أخذتها و رحت عندو مع إن الناس كلها بتقولي العربية نضيفة ومش مستهله كفاية كشفنا علها بنزينه أصل أنا موسوس شوية وعشان ربنا كان كتبلي إن ميدحكش عليه طلع الأتي
العربية مغيرة عداد و عامله فالأصل ٦5٠٠٠
رشا بابين بس مرشوشٍ بإحتراف لأن عرف انهم مرشوشٍن بصعوبة هو كمان
الكمبيوتر بين إن الفتيس مطلع errors
كل دة والعربية مرفوعة الكلام دة أخد حوالي ساعة
و في الأخر كان سبب اني ملبس عربية ب-١٥٠٠٠٠ الحمدلله على كل شيء و بعدها أنا قررت مشتريش مستعمل عشان إتعقدت من الي شفتو و رحت جبت سيفيك جديدة
وعلى فكرة كل إلي معه فولكس بيروحو عندو و محترم و شاطر جداً