الموضوع: مركز محمد سمير ؟؟

المشاركة الأصلية كتبت بواسطة islamaboelnaga

كنت عايز اعرف نمره مركز محمد سمير و عنوانه بالظبط ياجماعه ؟؟ و هل هو شغال فى فولكس فقط ؟؟؟ و هل هو ميكانيكا و عفشه بس و لا كل حاجه (علشان عندى مشكله فى المرايه الضم ) ؟؟؟ و هل هو عنده فلاتر الزيت و الزيت نفسه و كدا و لا بجيبهم و انا جاى ؟؟ و احسن زيت للجيتا ايه ؟ و صيانه ال 5000 كم تتكلف اد ايه ؟؟

المركز بيشتغل فى العفشه والميكانيكه والكهرباءوتخصصه فى مجموعه فولكس فاجن
وأفضل زيت هوزيت شل الترا والفلتر ياما تجيبه من أشرف الشهابى من مصر الجديده يأما هتلاقيه عنده موجود وبيتهيئلى بيبقى عندو الزيت كمان
التكلفه مضحكش عليك معرفش

العنوان ش الأربعين خلف حديقه بدر جسر السويس
هتدخل يمين من أخر سور حديقه بدرهتلاقى مزلقان هتعدى المزلقان وتكمل على طول هتلاقى أول ورشه دى ورشه هانى عصمت وبعدها بحوالى 200 ل 300 متر الهنجر الخاص بمحمد سمير

رقم محمد سمير 0122354589

فى الغالب مفيش حجز بس لازم تروحلو بدرى على 10 11 كدا لأنو على العصر على ما اسمع ما بيقبلش عربيات تانى
وبيتهيئلى انو بيبقى عندو الأصلى

المشاركة الأصلية كتبت بواسطة newman3000

محمد سمير اسعارة غالية جدا وللاسف انة معندهوش قطع غيار ولما تعطل العربية يقولك اصل قطعة الغيار مش اصلى وهو بيبعت يجيبها من عند عاصم وهو متفق مع عاصم ان اسعارة زيادة 100 جنية عن السوق وللاسف ان الصنايعة عندة كان فى مرة قطعة غيار قالى عليها ب 1700 لما اعطيت الصنايعى اللى عندة 10 جنية قالى ممكن تجبيها 1100 من نفس المحل او المحل اللى جنبة بس متقولوش ان جاى من عند محمد سمير وبردوا مصنعيتة غالية جدا وايضا فواتيرة مضروبة يعنى معلهاش اى حاجة تدل على انك عملت حاجة عندة عبارة عن ورقة بيضاء مطبوعة يعنى لو رجعت لة باى مشكلة مالكش الحق فى اى حاجة ولما قلت لة اختمها او فاتورة معتمدة هرب والموضة الجديدة لما تروحلة هيقلوك هات بيانات السيارة من تانى لان الضغط العالى حرق الجهاز ودة غلط هو لاغى البيانات لان حصلت مشكلة مع واحد ووعملة محضر ودايما خلى بالك هتلاقية بيخلى الصناعية يقولوا لك فى الاول الجاحة دى موجودة وباسعار اغلى او هو بيقولك هبعت الواد يجيب قطعة الغيار ويقولة امامك خلية يجيب فاتورة وبعدين بعد الاصلاح يقولك عربيتك عاوز يتعمل فيها المرة الجاية الحاجات دى ازاى لو مركز محترم وشايف ان العربية فيها حاجة يخرجها من عندة من الاخر اشتغالات مش كفاية المصنعايات الغالية لو رحت الحرفين لسيد جولف عندة قطع غيار واللى مش عندة بيوجهك تجيبة من فين وبيطن شغلة ولو ممكن تجيب الحاجة استعمال بيقولك وبيقولك سعرها كام ويخليك انت اللى تجبيها من عند اى واحد وكشف الكومبيوتر مجانا على الشغل ولاكتر من مرة لو الموضوع مش مستاهل مش بيفتح شغل محمد سمير بيزود الكومبيوتر على المصنعية وبردوا خلى بالك من مفردات الفاتورة علشان بيزود حاجات او حاجات تكون جايبها يحسب انة اللى جايبها واوعى تغسل ماتور عندة هو بيعتمد على ان الناس مش عارف وطالما فقدت الامانة انتهى الموضوع والناس اللى بتشكر فية على النت اصدقائة وروح وجرب بنفسك وشوف الوضع

مش عارف عندى أحساس ان حضرتك اللى قريب سيد جولف مش اللى احنا اللى اصحاب محمد سمير عشان نشكر فيه طب تصدق انا اتعاملت معاه مره واحده ولولا انو بعيد عنى وان عربيتى سهله مش صعبه كنت هبقى زبون دائم عنده ومع ذلك هو راجل محترم والأنطباع الأول يدوم
لا حول ولا قوه الا بالله