تقوية الاكصدامات

**ehabspc** · 11-08-2010 03:05 AM

السلام عليكم و رحمة الله
كان فى موضوع حاجة شاغلنى جدا ان اكصدامات النيسان الصنى تحس ان وراها فاضى كدة و مفيش شاسية يحميها و يادوب متثبتة بكلبسات و كنت ايامها

بفكر ان افصل شريحة صاج و اطبعها على الاكصدامات من

جوة و تبقى تقوية و بعدين جاتنى فكرة افضل بكتير و إن شاء الله حنفذها:

فى فوم عازل للحرارة اللى هوة الازرق المضغوط و دة بيكون تخانات مختلفة فان شاء الله ناوى اجيب لوح و اقص منه شرايح و ألزقها بسيليكون او غراء ابيض على الصاج ورا الاكصدامات من ورا و من الجنبين و بعدين نثبت الاكصدام و كدة يكون الفوم ورا الاكصدام ميزته انه خفيف و يمتص الصدمات بمرونة و ميبقاش فيه نقط ضعيفة ورا الاكصدام

و أحد الأساتذة الأفاضل قاللى كلمة سحرية

( روح لبتاع فوم يظبطها ) بسرعة افتكرت ان فى علب شبه الاسبراى كدة بيكون فى مادة سائلة و مجرد ما تخرج فى الهواء بتتحول لفوم (زى العزل البارد بتاع التلاجات اللى بيكون بين الصاج و العلبة الداخلية للتلاجة

و هنا فىه ميزة حلوة جدا ان الفوم حيملى كل الفراغ بيم الاكصدام و الصاج و كمان من غير ما تفك الاكصدام
بس السؤال هل كدة الاكصدام حيفقد مرونته و لا ايه ؟؟

فا ياريت نسمع توجيهات حضراتكم لو فى افكار افضل

و كل عام و انتم بخير صوما مقبولا و افطارا شهيا

**hatchy** · 11-08-2010 02:57 PM

فكرة كويسة بس محتاجين نسمع من حد جربها

**tigernet** · 11-08-2010 08:32 PM

احلى حاجة ياباشا الفوم المضغوط لانة مرن

**ahmedbasto** · 12-08-2010 01:16 AM

فكرة جامدة جدا انا معاك علشان اكصدامات الشاهين نفس النظام

**SkyBird** · 12-08-2010 04:27 AM

يا ريت حد جرب يقولنا

**HeMa_LanCeR** · 12-08-2010 04:39 AM

أنا عملت الحركه دي في الكريستاله
بس جبت عازل لزق عامل زي الدبل فيس بس اقوي وبيتباع بالمتر
هو عموما بيستخدم اصلا في طبله الباب
واحنا كنا بنجيبه علشان الصدر بتاع العربيه الجامبو بيكون خفيف وده بيقويها
هي المشكله بقي ان مش انا اللي اشتريته ده سواق كان عندنا وللأسف مشي دلوقتي
بس عموما هو كان بيقولي بيتباع عند الناس بتوع مستلزمات السروجي زي اللي بيبيعو جلد وموكيت وكلبسات والحاجات دي

**asemx1** · 12-08-2010 04:57 AM

هل صناع السيارات مافكروش فى كدا ؟؟؟؟؟
انا فى رائى من متابعتى لاختبارات الحوادث
بيخلوا الاكصدام كله كلبسات وضعيف جدا ومفيش وراه حاجه
علشان لما الى وراك يريح عليك وهوا بيركن ميعلمش حته على العربيه ولا يخدش البهيه
وفى الخبطات البسيطه تلاقى الاكصدام كله اتفك ونزل على الارض وقع بس تركبه بكل سهوله وماتلاقيش فيه كسر واحد
انما لو الاكصدام وراه مانع او اى مصد يبقى لما تيجى الاكصدام يتخبط يقوم خابط فى المانع دا فيتشكل عليه او يتخرم او يتشرخ نتيجه لانه اتعرض لاجهاد من الطرفين
وكل دا والله اعلم دى وجهه نظر

**SkyBird** · 12-08-2010 05:33 AM

المشاركة الأصلية كتبت بواسطة hema_lancer

أنا عملت الحركه دي في الكريستاله
بس جبت عازل لزق عامل زي الدبل فيس بس اقوي وبيتباع بالمتر
هو عموما بيستخدم اصلا في طبله الباب
واحنا كنا بنجيبه علشان الصدر بتاع العربيه الجامبو بيكون خفيف وده بيقويها
هي المشكله بقي ان مش انا اللي اشتريته ده سواق كان عندنا وللأسف مشي دلوقتي
بس عموما هو كان بيقولي بيتباع عند الناس بتوع مستلزمات السروجي زي اللي بيبيعو جلد وموكيت وكلبسات والحاجات دي

وايه رايك يا هيما في الحوار ده ؟

**mohmswailam** · 12-08-2010 04:43 PM

من كام يوم وانا بفكر ازاى اقوى الاكصدامات ولو ينفع اصفحهم يكون احسن
ياريت حد يشوف لينا حل لموضوع الاكصدامات
عشان انا تعبت قوى من الناس اللى لازم تريح عليك وهيا بتركن

**HeMa_LanCeR** · 12-08-2010 05:49 PM

المشاركة الأصلية كتبت بواسطة skybird

وايه رايك يا هيما في الحوار ده ؟

انا اللي خلاني اعمل كده علشان الاكصدام الخلفي عندي كان القواعد اللي ورا مكسوره لكن مع الجديد مكنش في مشكله وكان اي حد يريح بيرجع تاني لوحده

الموضوع: تقوية الاكصدامات

LinkBack

أدوات الموضوع

عرض

تقوية الاكصدامات - انشر الموضوع فى :

-

-

-

-

-

-

المواضيع المتشابهه

رش الاكصدامات ؟؟؟

تقوية الاكصدامات!!!

تنكيل الاكصدامات

تقوية الاكصدامات

الاكصدامات

الكلمات الدلالية لهذا الموضوع

المفضلات

المفضلات

ضوابط المشاركة