الموضوع: اللوجان فول أوبشن بـ 56 ألف جنيه فقط

تعالو نحسب حسبه صغيرة كده

اللوجان الروماني فول أوبشن كان سعرها 75000 جنيه مظبوط ؟؟
طيب الجمارك عليها قد ايه ؟


الجمارك 58% = 40% سيف وارد + 15% ضريبة مبيعات + 3% رسم تنمية
طيب نعمل حسبه بسيطة كده


بفرض x = اللوجان
يبقى : X + 0.58x = 75000


بأخذ عامل مشترك x


يبقى : X1.58 = 75000
بالقسمة على 1.58


يبقى : X = 47468.35


طيب دلوقتي هي اتشال من عليها الجمارك اللي هي 40% سيف وارد تمام
لكن عليها لسه ال 15% ضريبة مابيعات + 3% رسم تنمية
يبقى اجمالي سعر اللوجان كام ؟


x * 1.18 = 1.18 * 47468.35 = 56012.65

يعني سعر العربية شامل المكسب طبعا ( لأنه كان بيبعها بـ 75 ألف بالمكسب برضه ) قول 56050 جنيه فقط لا غير
وخلي بالكو ، دي الروماني مش المغربي .


طبعا في واحد من الخوة الكرام هايقول هو عامل الموضوع ده ليه اساسا ، وممكن واحد تاني يقول انا مضحوك عيه وعاجبني دي نفسنة وحاجات زي كده.


انا احب أولا اقول اني اكن كل الاحترام سواء لأصحاب العربية أو حتى العربية نفسها ، واللي اشتراها خلاص ربنا يباركله فيه ان شاء الله .


لكن انا بوجه كلامي للكل وخصوصا المقبل على الشراء ، لأن بصراحة انا شايف ان الوكيل بيحقق ارباح خيالية على حساب دم الغلابة ، خصوصا ان معظم اللي بيشتري
العربية دي بيكون من الفئة المتوسطة زي حلاتنا ، والمشكلة اننا احنى اللي ادينا له الفرصة دي وده طبعا في غياب الدور الرقابي ، لكن لو ماكناش ادينالوا الفرصة انه
يفتري كده ، كان زمانه نزل سعرها للسعر الطبيعي .


لأ وشوف البجاحة كمان ، رايح يزود على جميع فئاتها 1000 جنية ، طب على اي اساس ، حسبي الله ونعم الوكيل في جشع الناس دي .

وفي النهاية بقول ، ماتنسوش حملة خلوها تصدي ، وعلى فكرة الحملة دي عملت شغل فعلا سواء في مصر أو في بعض الدول العربية .

المشاركة الأصلية كتبت بواسطة Abdm

على فكرة ذى ما حضرتك بتقول فى بداية موضوعك أحنا اللى أدنا الفرصة دية ليهم . لكن الكلام دة المفروض يكون موجة لكل التوكيلات بردة مش رينو لوجان بالذات . يعنى لا نشترى أى سيارة سواء كانت شفرولية لانوس أو أفيو أو فيرنا أو كيا أو ..أو .. ألخ .
حضرتك كل السيارات بالذات شفرولية لانوس وأفيو والفيرنا كانوا بكام أخر سعر كان للانوس على سبيل المثال 63 ألف هاف أوبشنز والآفيوا كانت ب 70 ألف من حوالى سنة أو سنتين دلوقتى زادوا 4 ألاف جنية فى خلال سنة أو أثنين أنا أكلمت بس على وكيل واحد فقط شوف أنت بأة باقى التوكيلات . مش لمأخذة حضرتك بتكلم فى ألف جنية فقط زيادة للوجان

العربية حلوة وتستاهل بالمقارنة بباقى السيارات فى فئتها
مش عايزين تحامل على العربية لو سمحتوا يا جماعة
الموضوع تم مناقشتة كثيرا فى قسم الرينو لوجان وتم حسمة
عايزين مشجعين كتير يا جماعة لشراء اللوجان مش نطفش الناس من شرائها
العربية لما تنتشر قطع غيارها هترخص وبالشكل دة ما فيش حد عايزها تنتشر . ودة مش عارف بصراحة لصالح معين ؟ بس أكيد مش لصالح مالكى الوجان ولا لصالح المستهلك المصرى اللى عايز عربية حلوة وعملية وكويسة وتكون رخيصة وقطع غيارها تكون منتشرة ورخيصة

والله المستعان

هو ليه اللوجان بالذات ، هو مش علشلن العربية نفسها ، انا بالنسبالي العربية دي زي المعادلات اللي فوق X
بمعنى تاني اي عربية ممكن تكون مكانها وكنت هقول نفس الكلام ، ليه ؟
لأن إن شاء الله - ربنا يدينا طولت العمر - سنة 2019 نفس الموقف هايتكرر ، الجمارك هاتتشال من على العربيات الاوروبي كلها ، وبالشكل ده هنلاقي برضه كل حاجة زي ماهيه ، كل الاسعار مالهاش علاقة بالسعر الرسمي بتاع العربية زي مابيحصل في العربية دي ، لأننا برضه اللي عودناهم على كده .

وبعدين ماتقلقش من موضوع قطع الغيار ده ، انا عربيتي رينو اوبتيما 97 ، والعربية دي ما باعتش ولا هيه ولا اختها القديمة - رينو 9 - في مصر 6000 عربية ، ومع ذلك قطع الغيار العادية بتاعتها موجودة بره ومش موجودة في التوكيل ، يعني المسألة مسألة وقت ومستوردين مش اكتر ، أو ممكن واحد من المستوردين يودي عربية للصين يفككوها حته حته ويعملوا قطع غيار زيها بالظبط