إن شاء الله حستلم اللوجان 2011 فول أوبشن وعايز مساعدتكم فى شوية حاجات
الف مبروك
1- أنا حستلمها من عند السبع فعايز أعرف إيه الاوراق اللى المفروض أستلمها(العربية كاش)
المبايعة + شهادة البيانات + كتالوج العربية + كتالوج الصيانة+ كتالوج الكاسيت
2- إيه الاكسسورات اللى حستلمها معاها زى الدواسات وخلافه
دي علي حسب المعرض ممكن يدديك دواسات وممكن لا
3- إزاى أشييك على العربية..ىعنى اشيل اللزق الابيض و ابص تحتيه على الخربشه وخلافه ولا لأ
شييك علي كل حاجة في العربية وجرب المفتاحين بتوعها ولف حواليين العربية وتاكد ان الكاوتش كله نوع واحد و جميع الانوار والكاسيت والتكييف والجسم الخارجي للعربية ومش لازم تشيل اللزق ان شاء الله حتلاقي كل حاجة تمام وتاكد من الاستبن والاريال والعدة بتاعة العربية
4- أفتح الكبوت و ابص على اييه بالضبط
كل سوائل العربية فرامل باور مياه تبريد
5- دى أول مرة أسوق عربية لوحدي فقلقان انى اخبطها فهل اخد معايا واحد صاحبى يساعدنى فىموضوع السواقة ولا اتوكل على الله
انت لو قلقان هات واحد صاحبك افضل
6- نظام التأمين اييه بالضبط لأن المعرض حيأمنللى هو على العربية و حياخد 2600 جنيه
تقريبا هو كده بس شوف شركة ايه؟
7-اول حاجه اعملها بعد ما استلم هل اروح أمون وامون بنزين كام
92
8- هل ممكن اوصل الفلاشة بالكاسيت بتاعها و أشغل اى فيلات إم بى ثرى ولا لأ
طبعا بس الاحسن خد اسطوانة اوديو معاك علشان تجرب الكاسيت
يارب ألاقى حد يقدلر يردلى على الأسئلة دى.....وشكرا
يارب اكون افدتك
المفضلات