سيدي الفاضل /
هدي نفسك ....كل وكلاء السيارات في مصر ...يعملون في مشاريعهم الخاصة....ولا علاقة لة بالمٌصنع سوي انة بياخد الكمية المتفق عليها ...ويدفع ثمنها ...مما يعود بربح علي صاحب العلامة التجارية...
أولا تويوتا اليابان....لا يهمها سوي النتائج النهائية....يعني الشركة بتبيع وبتكسب....والوكيل ملتزم بالكمية المتفق عليها ودة لان طول ما في طلب علي السيارة ...معناة نجاح المنتج....لو الطلب بدأ يقل..والمعدلات بدأت تتراجع ...هنا بيحصل مراقبة وتحقيق...وبيحلوا المشكلة....ودة برضة بيتحكم فية قوة السوق ...يعني هنا في مصر ...غير الخليج ...غير امريكا غير اوروبا...غير آسيا ..وهكذا..
حكاية بقي خدعة العملاء والكلام بتاع الجودة والحجات بتاعة العالم المتقدم دة....تويوتا ايجيبت او اي وكيل سيارات في مصر مالوش فيها ...لاسباب كتير متشعبة ومتراكبة ومتراكمة كمان...
حضرتك غلط انك وافقت علي الذهاب في موعد غير مناسب ليك...ولو كنت أصريت بانك مش فاضي كانت البنت ايلي بتاخد المعاد هاتختار معاد يناسبك انت مش هم...لان هم ايلي عايزين يقفلوا الشكوي...يعني انت صاحب الموقف الاقوي....والدليل ان هم ايلي اتصلوا بيك ...وعايزين يحددوا معاد..
خلي دايما تعاملك مع المشاكل في صورة ورقية او دلالية ..يعني يكون في دليل عليها...ايميلات.. خطابات بعلم وصول ...خطابات مسجلة...أو حتي فاكسات...
علشان تقدر تسجل ردود أفعال الشركة علي المشكلة ..وتصعيدها اذا لزم الامر...سهل قوي ان الكلام في التليفون يٌنفي...ويٌنكر...وتقول ما قولتش...
وعلشان برضة احق الحق.....ما زالت تويوتا مصر بكل عيوبها تتربع علي عرش افضل خدمات مستهلك في سوق السيارات في مصر...
وممكن حضرتك تعمل زيارة صغيرة لموضوع عن الشيفورلية الكروز..وتشوف رد فعل التوكيل علي أخطاء وعيوب مميتة..كان عامل ازاي...
وربنا يوفقك...وتحل مشكلتك...
المفضلات