الموضوع بسيط جداااااا بس بشرط ؟ انك تكون حابة تتعلمى مش غصب عنك
بالنسبة للتعليم مادام العربية جديدة وعليها اقساط يبقا من الافضل تتعلمى فى مدرسة
سواقة الاول وتخبطى وتعملى اللى انتى عايزاه فى العربية بتاعتهم وبعدين تركبى العربية الجديدة
ولو مصممة على التعليم على العربية الجديدة :) لازم يكون فى حد معاكى وتتعلمى فى مكان فاضى
الاول كويس وبعدين تبتدى تنزلى فى الزحمة وتلتحمى مع العربيات اللى حواليكى واهم حاجة تكونى
جريئة ومايهمكيش اى حد يقلبلك نور او يديكى كلاكسات إطلاقا
بالنسبة للركن باردو زى ما قال analyzer بالظبط لما تيجى تركنى تخلى كبوت عربيتك عند
الباب الاول من الامام للعربيه الى انتى هتركنى وراها وبعدين تحودى الدركسيون وترجعى
وممكن فى البداية قبل ما تركنى تظبطى المراية الجانبية لتحت بحيث تكونى شايفة الرصيف اللى
جمبك وماتخبطيش فيه لحد ما تتعودى على اجناب العربية وابعادها