الموضوع: نادى المهندسين

اقولك انا بقى يا باشا على اللي اعرفه عشان انا كنت لسه فيه من حوالي اسبوع
اللي انا اعرفه ان المهندس بيطلع كارنيه النقابه ولازم كارنيه النقابه مش مثلا كليه او حاجه عشان انا في هندسه ولما جيت ادخل بكارنيه الكليه مرضيوش ونظام الدخول بقى كالاتي :
المهندس نفسه مجانا والمرافقين حتى 5 افراد درجه اولى ( يعني اب وام وزوجه واولاد ) ب 5 جنيه وغير كده ب 10 جنيه سواء داخل تبع مهندس او لا
وطبعا النادي لسه مافتحش كرياضي هو اجتماعي بس لحد دلوقتي عشان كده هتلاقي الخدمات قليله وحمام السباحه والملاعب لسه مفتحتش
اما بالنسبه لموضوع الاشتراك ده فانا معرفوش خالص ولما اروح تاني هبقى اسئل عليه ان شاء الله
وموقعه لو انت رايح الشيخ زايد وفي اتجاه جامعة مصر هتلاقي قبل الجامعه على الجنب التاني من الطريق ( الشمال يعني ) النادي
وده كل حاجه انا اعرفها عن النادي واتمنى تكون معلومات كافيه

بالنسبة لأي نادي غير اكتوبر ، العضو يدخله بالكارنيه فقط ، وممكن يعمل اشتراك لأهله علشان يدخلو من غير الكارنيه سعر الاشتراك مش غالي ، ده المعظم عارفه طبعا

أما بالنسبة لنادي أكتوبر :

نظام دخول النادى

- أسعارالدخول للأعضاء :-

دخول العضو المهندس بالكارنية شرط أن يكون مجدد للسنة الحالية .
دخول الزوجة تذكره فئه (5 جنيهات) .
دخول الأبناء حتى 7 سنوات مجاناً .
الأطفال أكبر من 7 سنوات تذكره (5جنيهات) .
دخول الوالد والولده (5جنيهات ) للفرد .
أسعاردخول ألأقارب والمرافقين (10جنيهات) للفرد ويسرى على أبناءهم مايسرى على أبناء الأعضاء بشرط مرافقة المهندس .

ب - أسعار الدخول لمستخدمى الملاعب (تأجير الملاعب):-

دخول المهندس بالكارنية .
دخول الغير مهندس تذكره (5جنيهات) بحد أقصى 5 أفراد ومازاد على ذلك تذكره (10جنيهات) بالنسبه لحجزملاعب (كره القدم - سله – طائرة – يد - )
أسعار دخول مرافق الأطفال بالأكاديمية الرياضية (5جنيهات) للتذكره .

وده منقول من موقع النقابة نفسه ومافيش اخبار عن الاشتراكات لحد دلوقتي على الموقع

طيب المشكلة بقى في ايه ، انا ليه واحد صحبي كان حاضر ندوة في النادي من اسبوعين ، وكان نقيب المهندسين هناك وقالهم بالنسبة للنادي ده ، هما شغلوا المرحة الاولى بس ولسة المرحة التانية ، الغريب بقى انه بيقول انه مش هايبقى الدخول بالكارنيه وهيبقى ليه اشتراك من 5 لـ 10 ألاف جنيه بالتقسيط ، ده غير الاشتراك السنوي طبعا ، ولما قلت له الموقع بيقول غير كده ، قالي يبقى الموقع غلط ومش متحدث

ياريت حد يتأكد من الموضوع ده في النقابة والنادي عشان نتأكد .

المشاركة الأصلية كتبت بواسطة eng_ahmedryad

طيب المشكلة بقى في ايه ، انا ليه واحد صحبي كان حاضر ندوة في النادي من اسبوعين ، وكان نقيب المهندسين هناك وقالهم بالنسبة للنادي ده ، هما شغلوا المرحة الاولى بس ولسة المرحة التانية ، الغريب بقى انه بيقول انه مش هايبقى الدخول بالكارنيه وهيبقى ليه اشتراك من 5 لـ 10 ألاف جنيه بالتقسيط ، ده غير الاشتراك السنوي طبعا ،

المشكلة انه مش نقيب، ده بالتعيين

وطول ما النقابة تحت الحراسة ماتتوقعش أي خدمات حقيقية لصالح المهندسين

.....

شكرا على المعلومات والصور