صوت غريب لطلمبة البنزين

**ahmedfra** · 13-01-2008 09:58 PM

من فترة بسمع صوت غريب لطلمبة البنزين صوتها غير منتظم و الزنة بتاعتها بتعلى و توطا و ليس زنه منتظمة و بحس برعشة بسيطة فى العربية . معرفش لها دخل بالصوت الغير منتظم من الطلمبة و لا لأ . هل دا معناها ان الطلمبة تالفة و لا ايه الموضوع ارجو المشورة .

**elshinawy80** · 13-01-2008 10:31 PM

السلام عليكم
شوف يا استاذ احمد انا كان عندى مشكلة فى الطلمبه قبل كده كنت اول ما افتح الكنتاكت اسمع صفارة جامدة واحيانا تفضل مستمرة و انا ماشى بالعربية و احيانا تروح
و طلع العيب فى الطلمبة و غيرتها
هى الصينى بــ 180 جنيه و الكورى بــ 420 جنية انا اشتريت الصينى و معايا شغالة ممتازة
و تركبها بسيط جدا و مش مكلف و بتركب فى 10 دقايق
من بعدها الصفارة دى راحت و العربيه ماشية الحمد لله كويس

**Hossam_Hassan** · 13-01-2008 10:47 PM

فى كمان أنواع كورى من 250 - 350 و المهم لما تيجى تغير يكون التنك مفيهوش أكتر من 3 - 4 لتر و تخلى بالك اللى هيغير ما يتعافاش أو يدق علشان بيبقى منه للتنك

**Sherif Khalifa** · 14-01-2008 12:55 AM

دى اعراض بوظان الطرمبة
خلى بالك ممكن تقطع معاك فى لحطة (انا باظت معايا فى ثوانى و سبت العربية فى الشارع)

و اسعار الطرمبات الاخوة ذكروها

انا جربت الكورى كويسة بس فيها عيب ان العوامة مش مظبوطة فا مؤشر البنزين حركتة على العداد هتختلف تانى حاجى ضغط البنزين مش عجبنى بالنسبة للصينى كتير قال بتبئة انت و حظك و الاجزاء الكهربائية دى مش بترجع للمحل تانى فا خليك فى الاصلى

فى حاجة كام الكهربائى قال لى عليها ان ممك تجيب متور لوحدة ب 150 جم بس معرفش عنة حاجة

**ahmedfra** · 14-01-2008 05:54 PM

شكرا يا جماعة على الردود . يعنى رأيكم انها كدة بايظة و لازم تتغير . طب ايه رأيكم فى طلمبة استيراد من الحرفيين .

**Hossam_Hassan** · 14-01-2008 07:28 PM

لالالالالا انصحك بالأستيراد فى الطرمبة

**Dr_Smart** · 14-01-2008 08:09 PM

ممكن حد يشرحلنا اعراض تلف طلمبة البنزين ؟؟ او ضعفها وكده

وجزاكم الله كل خير

**Sherif Khalifa** · 15-01-2008 12:03 AM

الدفعات الاولى من لانوس كانت فيها الطرمبة مش كويس بس دا على ما اعتقد مش متئكد اوى
بلاش حاجة زى كدة استيراد علشان هيبعهالك بى 300 هو 350 فا خليك فى الاصلى جديد اضمن