الموضوع: ذل الشغل

يظهر دي بقت ظاهرة مش مشكلة واحدة ولا اتنين ، تفشت في مؤسسات المحروسة.

أحب أقول إن أسوأ إدارات العالم عندنا هنا في مصر.
برضه نفس الكلام معايا في الشغل القديم وسيبتهم وقلتلهم في ستين ألف داهية وماكانش قدامي فرصة تانية ، رحت قاعد في البيت.

المهم ، ما توترش نفسك نهائي واهدى كده واذكر الله. أنا لما كنت زي حضرتك كده أدائي في العمل قل بشكل ملحوظ جدا ، ابتديت أفقد التركيز وابتديت أسرح كتير ، رحت مريح دماغي وقلتلهم سلام عليكم.

فكرتني كنت شغال في شركة مقاولات كبيرة ومرة محاسب سلم مستخلص لشركة غلط المدير دخل القسم ومسكه من القميص وفتح باب الشركة ورماه بره والله حصل الموقف ده من ساعتها وانا اتخذت قرار ان كل شيء في قسم المحاسبة لازم احط فيه عقدة متتحلش الا وانا موجود وبعد شهر مسكت القسم كله والله وبعد شهرين كنت دراعة اليمين وميعملش اي حاجه الا لما يشركني فيها على الرغم ان الشخص ده كان بيغير اصتف الموظفين والمهندسين والسواقين كل كام شهر ولما ربنا كرمني واتجوزت اداني اجازة اسبوع فقط وكان هاريني تليفونات محمول فين الملف الفولاني عطا الشركة الفولانية فين ... الخ الكلام ده كان في 99 المهم جاتلي وظيفة حكومية بربع المرتب اللى كنت بخده وضحيت بالشركة دي وقبلت الوظيفة الحكومية خصوصا انها كانت تعيين ولما مشيت زعل جدا وقالي لو ينفع استنسخ واحد زيك كنت عملت ..... الشطارة انك تخلي الشغل هو اللى عيزك مش انت اللى عايز الشغل طبعا دون التنازل عن كرامتك

حسبي الله ونعم الوكيل في الناس دي ، المشكلة اننا احنى في مصر عاملين زي اللي رقصوا على السلم ، ولا محصلين اشتراكية ولا محصلين رأس مالية .

عموما هدي نفسك ، وربنا يعينك ، وزي مالاستاذ ahmed_su قالك شوف بتقني شغل في مكان تاني بس من غير استعجال ، وفي الاول والاخر الفلوس اللي خصمها دي مش رزقك هو مش هايقدر يقطع رزقك عنك لأنه مش هو اللي بيرزق ، وان شاء الله ربنا يخلفك خير في وظيفة تانية.

مرة كنت شغال فى اوتيل والمدير بتاعنا كان .......................

تم حذف المشاركة لكونها لا تليق بمستوى المنتدى ومراعاة لشعور اخواتنا البنات
رجاء الارتقاء بلغة الحوار
الادارة