وقفة لمن يملك m11

**ahmad--ezzat** · 02-04-2010 01:11 PM

المشاركة الأصلية كتبت بواسطة khashem

على فكرة يا أستاذ أحمد أنا ليسة الناهردة مسفف واحد معا صنى 2010 التراب ورايا بعريتى m11 فأكيد عربية محترمة زيها متورها سفف اليابانى التراب ورا لازم أكون أجابى معاه ورعى علشان لو بأيت سلبى معاه مش هيخلنى أسفف عربيات كتيررررررررررررررررر وراه

طب كويس انك سبقته عقبال اليوبارو والهوندا والتيدا ....هو انت بقا من النوع اللى بتجرى مع اى حد؟؟؟....حافظ على العربيه واكرمها عشان متبهدلكش...

**bishoy02010** · 02-04-2010 01:39 PM

ربنا يوفقكوا وتاخدوا حقكم

**khashem** · 03-04-2010 03:51 AM

المشاركة الأصلية كتبت بواسطة ahmed_nubira

طب كويس انك سبقته عقبال اليوبارو والهوندا والتيدا ....هو انت بقا من النوع اللى بتجرى مع اى حد؟؟؟....حافظ على العربيه واكرمها عشان متبهدلكش...

دا كان بس تست مش هيس وبعدين الرك على السواق ممكن يجرى من غير مايهين العربية وممكن يبأ بهيم على العربية

**medoragab** · 03-04-2010 04:03 AM

ياجماعة مش عاوزين نخرج برة الموضوع عيب الي بيحصل دة
الموضوع دة خاص بأصحاب m11 وليس بأصحاب السيارات الاخري
ياريت الناس تلتزم بالموضوع
الي معاة العربية ياريت يشارك و غير كدة مش محتاجين نصايح من حد كل واحد يخلية في عربيتة
و مشاكلة

**hemaa_82** · 03-04-2010 04:36 AM

المشاركة الأصلية كتبت بواسطة aftr

ياجماعه ده العيب الى موجود عندى والحمد لله اتعمل بعد 6سعات ----------الحمد لله المشكله اتحلت تمام اول حاجه فك الجنط الامامى قعد يغسل فيهم وجاب المفاتيح وظبط الطقم الامامى -- وبعدين فك الجنوط الخلفيه غسلهم بردوه وجاب المفاتيح قعد يزبط فيهم بس خدو وقت معاه ربط الجنوط قالى على فكره الجنوط رومانى ومفتيح الصمويل bmw قعد فيها اكثر من 3سعات تزبيط فى 4 فرد ياله ياباشا اركب وندهت صاحبى السروجى اركب يامعلم بسم الله - التصفير راح والصوصوه راحت بس فى رجرجه وره رجعنا الورشه قالى هنفك كل الى وره ده قولتله شغال ولا يهمك صاحبى السروجى بسم الله صوبعه تتلف فى حرير فك الفبر الى وره مطرح السمعات وشال الكنبه الى وره العفشجى قعد يبص قالى يالا اركب سوقت انا وهو ركب فى الشنطه قالى بس ياسيدى ارجع الورشه تانى رجعنا الورشه لقيته جايب شكوش كبير وحاجه كده زى المثلث قولتله خير قالى تعاله بص قالى فى زنب مش مضروبه كويس وفعلا قعد يضرب فى كل حته قعد بتاع نص ساعه قالى اركب بقا طول منا ماشى شغال خبط ارجع يالا ياعم الورشه قفل ياعم كل حاجه قالى اركب انت وره الحمد لله كل حاجه بقت فل وتمام التمام -- رجعنا على الورشه قالى البيبان الى وره قفلتهم مش مظبوطه بعد القفل بيدخلو لجوه مسك اللسان زبطه وزبط الاربع بيبان قالى المفروض الباب يقفل من ضغطه واحده المفروض بعد الاقفل ميروحش ويجى لازم يكون ثابت قولتله تسلم قيدك ياوليد الشغل خلص من الظهر لحاد المغرب 6سعات شغال فى العربيه لحاد التقفييل قالى يالا نجرب سوى بقا ماشى على 140والسرينه شغاله وشغال غرز انا كنت قاعد فى زهول ساكت خالص مش عارف اتكلم-- لحاد 160 المهم بعد ماجرب العربيه قالى بسم الله ما شاء الله عليه سابته على الطريق --قالى سابته عن الالنترا بقوله طيب الافيو والاكسنت قالى على 120شكرا مفيش سبات قالى بس اوعه تعمل زى ماكنت بعمل قولتله انت مجنون انا اخرى 100 وشكرا على كده ده لو جبت 100 اصلا معلش اخوكم بيخاف وانتهت حكايه الصوصوه والنونوه والهوهووه مع تحياتى وتقديرى m11 معلش انا طولت عليكم ولو محدش عرف يظبط العربيه انا تحت امره فى اى وقت واروح معاه ولكم جزيل الشكر

حلو انك تكون جرئ و تعمل الحاجة طالما مش مؤثرة برة التوكيل ..... بس السؤال هوه هل فعلا الموضوع كان يستاهل.......؟؟؟؟
انا شايف ان لو هتتربط كل 5 الف في التوكيل مش هحتاج اعمل حاجة برة و كدة كدة ال 3 سنين هايخلصوا هوا و نبقي نتشقلب مع العربيات براحتنا انما خلال فترة الضمان انا اخد حقي من حباب عنيهم لو شايف ليا حق او شايف حاجة اقدر اقول عليها عيب

المشاركة الأصلية كتبت بواسطة khashem

أستاذ محمود ظبتلنا معاد بمأنك منشىء الموضوع وفرصه الكام يوم الجايين أجازة

معاكوا في المقابلة ان شاء الله ...انا شغال من يوم الاحد القادم الساعة ال9 مساءا حتي صباح الاثنين....شغال لمدة 7 ايام شفت مسائي ....راعوني في المواعيد بالله عليكم

**aftr** · 03-04-2010 09:56 AM

شكرا ياهيما على الرد الجميل بس فى حاجه عايز اقولها التوكيل يومه بسنه والتوكيل معرفش يوصل للعيب فى اخ موجود راح التوكيل عشان مشكله التصفير والتخبيط بعد مالف على جميع مراكز الصيانه قالوه ده عيب تصنيع والمهندس ايلى كان هناك قالوه سدء عندى نفس المشكله بردوه 516 بس مش حططها فى دماغى شوف اما يكون مهندس ويقول كده-----------والله ياهيما واحد صحبى كان معاه لانوس رايح عشان مشكله فى التكيف المهندس بعد نص ساعه طلع وقال معلش القطعه دى مش موجوده هنا روح مركز تانى وقال احنا ربطنا على العفشه دفع 50جنيه ورحنا مركز تانى وعمل التكيف وقالو احنا هنربطللك على العفشه قولنا لا لسه ربطنها المهم باصوكده قالو مفيش حد ربط على العفشه دى قولنا ازاى روحنا فرجنا عليهم الناس هناك واخدنا 50جنيه كان صحبى رشوهم على الصنايعيه شوفت لدرجه ايه قله ضمير واستفزاز

**fghahkj** · 03-04-2010 12:22 PM

المشاركة الأصلية كتبت بواسطة medoragab

يسم الله الرحمن الرحيم
مش حطول عليكم
اولا - الموضوع خاص لمن يمتلك السيارة m11 فقط
ثانيا - برجاء الجدية

----------------------------------

انا امتلك السيارة من شهر 11 -2009 وعامل بيها 10250 كيلو تقريبا
ولي صديق اشترها في 12 -2009 وعاميل بيها 7500 تقريبا

وكل ما يلاقي فيها مشكلة يجري عليا يجرب عربيتي و انا كذلك
وغير لما بروح التوكيل بلاقي نفس المشاكل في نفس الموديل
-------------------------------------------------------------------------
المهم اكتشفت العيوب المشتركة في الموديل m11 وهي
1- تسفيق او سكة في الموتور وهذا العيب خطير جدا علي الموتور "الموتور مصمم علي اوكتين 93 ودة غير موجود في مصر "
2- اصوات غريبة وغير مفهومة المصدر من الخلف " مشاكل في العفشة وتأفيل الشنطة "
3- تزيق الزجاج " التافيل من الداخل سيئ"
4- سحب الخامس ضعيف جدا -- والعيب دة ممكن يعدي
5- نقرة في الدريكسيون -- "علبة الدريكسيون غير ممبطنة "
6- عيب في كل العربيات ومحدش واخد بالة خالص كل العربيات الي جربتها حوالي 6 عربيات لقيت العيب ظاهر فيها ----> البلي الامامي خشن يمين وشمال
بمعني امشي جنب الرصيف علي التاني واقفل جميع الزجاج ما عدا الزجاج بتاعك حتسمع صوت احتكاك معدن بسيط و بيظهر خالص في الملفات بشرط تكون قريب من الرصيف عشان الصوت يرد عليك
7- صوت الباور عالي و شفت بعض العربيات بيسرخ جامد اوي -- "مش في كل العربيات"
---------------------------------------------------------------------------
المطلوب :-
----------
كل من يمتلك m11 يدخل ويسجل مشاركة ب تاريخ الشراء و عدد الكيلو متر و متفق معي علي العيوب او لا
لو اتفقنا علي العيوب دي مش شرط كلها بس انا مع تجربتي اراهن علي كل العربيات فيها نفس العيوب
لية :-
عربيتي و عربيت صحبي و مفيش مرة اروح فيها التوكيل غير لما اجرب عربية واحد وبلاقي فيها كل العيوب دي و صاحب العربية بيتفق معايا علي نفس العيوب

المهم نتفق ونكون يد واحدة ونتفق علي سبيل لحل مشكلتنا لان فعلا لو المشاكل دي اتحلت العربية دي حتكون افضل عربية في مصر

ممكن نجتمع ونروح الادارة في القاهرة او نروح حماية المستهلك

ياعني يد الله مع الجماعة و ايد لوحدها متسأفشي

ولو حد يعرف اي حد عندة m 11 يبلغة عشان نبقي مجموعة كويسة

يارب نكون ايجابيين ونعمل حاجة

على فكره انا مش معايا m11 لكن انا معجب بيك جدا والله
حقيقى انت انسان ايجابى وبالتوفيق ان شاء الله...

**medoragab** · 03-04-2010 01:37 PM

الاخ hemaa_82
اتصلت بيك كتير وللأسف الموبايل مغلق علي طول
وبالنسبة للمعاد انا شايف لسة بدري شوية لان احنا عددنا دلواتي تقريبا سبع اشخاص
ياعني لما نعدي العشرة ولا اية رايكو ؟؟؟؟؟؟؟؟؟؟؟؟؟؟؟

-------------------------------------------------------------------
وبردة للبيقرأ الموضوع لو الزمن رجع بيا حشتيري M11 تاني وتالت ورابع

**samehsalem** · 03-04-2010 02:08 PM

انا معاكوا في المقابلة انشاء الله وكمان معايا واحد صاحبيمعاه نفس العربية بس يا ريت حضرتك تقرب المعادي عشان انا بدرس وداخل علي ايام مزاكرة.

**medoragab** · 03-04-2010 03:08 PM

المشاركة الأصلية كتبت بواسطة samehsalem

انا معاكوا في المقابلة انشاء الله وكمان معايا واحد صاحبيمعاه نفس العربية بس يا ريت حضرتك تقرب المعادي عشان انا بدرس وداخل علي ايام مزاكرة.

شكرا اخي علي المشاركة والجدية
بالنسبة للميعاد الموضوع مفتوح شوية عشان نجمع اكبر قدر من اصحاب m11
و احنا مش مستعجلين خالص احنا معانا 3 سنين او 100 الف ضمان والعيوب مش خطيرة اوي

اهم حاجة لازم نكون عدد كويس عشان لما نعمل حاجة نعملها صح و بإسلوب ناجح و مدروس

انا منتظر بس لما نعدي عشر اشخاص ممكن نحدد ميعاد بالمقابلة