نصيحة منكم بخصوص سيريون مستعملة

**M_ElSabaa** · 20-05-2007 09:08 PM

يا شباب انا قدامى سيريون مسعملة موديل 2004 فابريقة كلها وعاملة 14000 الف كيلو بس فول اوبشن اوتوماتيك وكنت بفكر اجيبها للمدام والراجل ممكن يخلص على 55-56 كده كويس ولا افكر فى اى جديدة فى حدود 60 (بيكانتو - شاريد) ؟؟

**M_ElSabaa** · 21-05-2007 12:23 AM

انا رحت اتفلاجت على العربية ما فيهاش غلطة بس الراجل مصمم على 57.500 مش عارف كده كتير ولا ايه هيه زى الصورة

**أبو عبدالله** · 21-05-2007 01:06 AM

هو الأختيار يرجع لحضرتك

لأن هي طبعا حلوه وشيك أشيك من الشاريد

ولو حالتها حلوه زي مما حضرتك بتقول يبقى كويس ولكن اتأكد من موضوع السعر ده لأني مش عارف بصراحه بيطلب فيها كام

هو ده اللي كان عامل اعلان في الاهرام مش كده .........

**د.أحمد سمير** · 21-05-2007 02:14 AM

أنا معرفش بصراحة هل هناك اختلافات في الموديلات بين سيريون 2000 وموديل 2004 دي حاجة ممكن يشرحها لنا أخونا ابو عبد الله . لكن أنا قدامي سيارة سيريون 2000 فابريقة ماشية 80 ألف بسعر 36 ألف ، وأخرى مش فابريقة 26.500 ، وبحسبة بسيطة بناء على الفروق في الموديل والحالة أعتقد أن المطلوب في هذه السيارة لا ينبغي أن يتعدى 50 ألف جنيه بأي حال . وأنتهز الفرصة هنا لللاستفاضة حول هذه السيارة الرائعة وضرورة تقييمها ومعرفة وضعها في السوق ومقارنتها بالموديلات الأخرى في نفس الفئة السعرية ونفس إمكانياتها

**Abdallah** · 21-05-2007 02:30 AM

يا تجيب سيريون زيرو يا تخليك فى حاجة تانية مستعملة لان 2004 مكانش الدايهاتسو ليها انتشار فى مصر وبالتالى مكانش ليها سعر, فكر فى الشاريد زيرو.

**M_ElSabaa** · 21-05-2007 09:40 AM

هو ده اللي كان عامل اعلان في الاهرام مش كده .........

مش عارف والله انا شفتها فى معرض

أنا معرفش بصراحة هل هناك اختلافات في الموديلات بين سيريون 2000 وموديل 2004 دي حاجة ممكن يشرحها لنا أخونا ابو عبد الله . لكن أنا قدامي سيارة سيريون 2000 فابريقة ماشية 80 ألف بسعر 36 ألف ، وأخرى مش فابريقة 26.500 ، وبحسبة بسيطة بناء على الفروق في الموديل والحالة أعتقد أن المطلوب في هذه السيارة لا ينبغي أن يتعدى 50 ألف جنيه بأي حال

هو فى فرق فى الشكل بين الاتنين وكمان الى انا شفتها دى فول اوبشن اوتوماتيك اصل فى بيبقى مش فول اوبشن بس اوتوماتيك ودى عاملة 14 الف كيلو وهو كان طالب 59 ونص فضلت انزل معاه وكان اخره 57 ونص وانا محتار جدا مش عارف كده كتير ولا ايه !

يا تجيب سيريون زيرو يا تخليك فى حاجة تانية مستعملة لان 2004 مكانش الدايهاتسو ليها انتشار فى مصر وبالتالى مكانش ليها سعر, فكر فى الشاريد زيرو.

انا فعلا كنت نويت اجيب واحدة زيرو بس قلت اجيبلها حاجة ارخص شوية عشان دى اول عربية للمدام وممكن تبهدلها