عيز نصيحة منكم

**zizo50001** · 04-02-2009 07:36 PM

يا جماعة انا كان حصل عندى مشكلة كدة انى فكيت البطارية فى العربية بتاعتى فيكترا موديل 2000 المهم الكمبروسير و المروحة اول مشغل الكونتاك يشتغله روحت لواحد كهربائى عندنا فى العبور قلى دى عيز واحد بتاع تكيفات وقلى هفصلك الكمبروسير علشان ميبوظش وروحت لواحد بتاع تكيفات كشف على العربية وقلى ودى العربية عند واحد كهربائى حكتله على الكهربائى اللى انا روحتلة قلى دة حمار ووصفلى واحد تانى روحتله قلتلة الكمبروسير شغال و المروحة راح قيلى انت فكيت البطارية قلتلة اه رح جايب سلكة وقعد يلعب فى فيشة بيها راح فاصل وقلى انا كدة برمجت الكمبيوتر تانى و المروحة فعلان فصلت انا مش عارف كدة صح ولا غلاط بس هو شكلة فعلا فاهم

تانى حاجة ودى الاهم انا عندى عمود الاسكترا نحية اليمين بيخر زيت يعنى لما الف الدريكسيون يمن زيت البور يقع فا كذة واحد قلى روح شارع شمبليون هصلحة هناك فا انا مش عارف اروح اصلحة ولا اغيرة انتم اية رائيكم
معلش انا رغاى جدا استحملونى

**zizo50001** · 04-02-2009 07:37 PM

اه وياريت حد يقولى شارع شمبليون فين دة

**rabbat5** · 05-02-2009 02:21 AM

بتوع الباور اللى فى شارع شمبليون نصابين و تقدر تتأكد من ولاد حسن عبداللطيف محل أمريكان ستار لقطع غيار الأوبل و كان معمول عنهم مقالات فى مجلة عربيتي.

**A.Elsheikh.01** · 05-02-2009 02:31 AM

بالنسبه لموضوع الكمبروسر اطلع اكشف اسكانر على اليونت كنترول بتاع المراوح
اما بالنسبه لزيت الباور هو سهل بيشوف مكان التنقيط وبيظبطه على حسب حالته
وربنا يوفقك

**zeyad1810** · 05-02-2009 03:18 AM

المشاركة الأصلية كتبت بواسطة zizo50001

اه وياريت حد يقولى شارع شمبليون فين دة

طبعا عارف طلعت حرب مول فى وسط البلد انت تدخل فى الشارع الجانبى من طلعت حرب هتلاقى سينما اوديون على شمالك تكمل فى الشارع لحد ماتلاقى شارع موازى لطلعت حرب هو دة بقى ش شامبليون وهتلاقى فية ابو طارق بتاع الكشرى والكيلانى بتاع الفيات

**nemonemo430** · 05-02-2009 11:42 PM

اخى الكريم

ولا

المرواح شغالة بدفيرة لوحدها

مكوناتها

فيشة المروحة الداخلية
فيشة المروحة الخارجية
فيشتين سويتشات الريتراتير
قيشتين سويتشات التكيف ا
سلك كهرباء مباشر من البطارية
سلك ارضى تحت علبة ريلاهات العلبة الكبيرة
ريلاهات المراوح
و ريلا الكمبروسر

المرواح عند ك شغالة على ريلاهات مش على الكنترول يونت Ecu

السرعة الاول
6 فولت على التوالى لكل مروحة تبدا بدرجة حرارة 90 الى 92

السرعة الثانية
6 فولت على التوازى 95
السرعة الثالثة
12 فولت على التوازى 98

واى سؤال انا تحت امرك
وحدد المشكلة الى عندك اية بالبظبط والله المستعان