+111111111111111
عرض للطباعة
اخلص النية واعزم وان شاء الله ربنا يكرمك بالخير ان شاء الله
ثانيا اي واحد بيبدأ يمشي في طريق الألتزام بالدين صدقني لازم يكون له عواقب وصعوبات لأن لازم تثبت لله انك ناويها من جواك فعلا لأخر لحظة وفجأة تلاقيها فتحت بإذن الله
ولكن لازم من الأمتحانات اللي في الأول دي شئ اكيد
وقرأ قصص كل من تاب عن شئ حرام او عرف طريق الله ماذا حدث معه وانت هتعرف
وربنا يهدينا جميعا لما يحبه ويرضاه
اكيد ربنا هيكرمك علشان خاطر اولادك
حضرتك بتقول انك دخلت مشروع الزيتون والمحاصيل والحاجات دى من فلوسك يعنى من فلوس شغلك فى السياحه يمكن ربنا مأردش انك تنجح فى المشاريع دى علشان مصدر الفلوس
بس انت مكنش لازم تياس وتحاول تانى يعنى اختبار من ربنا هتكمل ولا هترجع للسياحه
المهم انت فكرتنى بمشهد فى فيلم كباريه مع احمد بدير وفتحى عبد الوهاب لما كان بيقولو الفلوس لو كانت فيها بركه حتى لو كانت قليله هتكفى
ربنا يخليلك شهد وعبد الرحمن ونسمع عنك اخبار حلو قريب ان شاء الله
ربنا يوفقك للخير
بص يا أخ نبيل
أولا يا ريتك كنت حكيت المشكلة قبل ما تتصرف مش بعد الرحلة الطويلة دي لإن فايدة المنتديات هي المشاركة في المعلومات , فكنا حنفكر سوا
ثانيا : من أفتاك بتحريم العمل في الفنادق -وإن كان على حق_ لكنه ليس فقيه أو ليس واسع العلم الفقهي بخاصة فقه الأولويات و الضروريات , لإن الفتوى لمن هو مقدم على العمل في الفنادق شيئ و الفتوى لمن يعمل بالفعل فيها شيئا أخر , وهذه تعتبر أبجديات الفتوى أن الفتوى لا تصلح لكل الناس في كل زمان و مكان , على سبيل المثال الشهير أن فقة الشافعي في العراق تغير عندما عاش في مصر
ثالثا : طبعا العمل يالفنادق في مصر حرام لأنها تتعامل في الخمور ولأنها تسمح بالخلوة الغير شرعية إذا ما كان أحد الطرفين على الأقل غير مصري ولأنها توفر بيئة للعري كحمامات السباحة ولإنها تسمح بالتلامس للأجانب في غرف الماساج
رابعا : أربكان زعيم حزب الرفاة التركي لما تولى الحكم صنع شيئا يدل على إنه مستعوب جيد للفقة الإسلامي وفقه الضرورات , فلم يصنع ككثير من الحركات الدينية الغير رشيدة في العالم الإسلامي وأمر بغلق بيوت الدعارة وجلد العاهرات , بل فعل شيئا فيه من الذكاء والفطنه ما يدل أنه مسلم زكي - نحسبه و الله حسيبه و لا نزكي على الله أحدا-
قام الرجل بنوفير عمل شريف للعاهرات ووفر لهم إسكان حكومي وذهب إليهم وخيرهم إما أن يأخذوا هذا العرض أو يظلوا عاهرات
النتيجة كانت
أن 80% من العاهرات تابوا إلى الله و يعملن الآن في وظائف حكومية بدخل محترم و سكن كريم ,جزاه الله عن أعراض المسلمات خير جزاء-
لو كان الرجل متسرع ومتعصب بلا وعي وأصدر فرمان بإغلاق بيوت الدعارة عنوة لأستفحلت المشكلة و حدث خلل إجتماعي في الشارع التركي عظيم حيث إنه لا يغيب عنكم أن عدد الممتهنات لهذه المهنة في تركيا كبير
رابعا : ليه بأقولك الكلام ده لإن لو كنت لسه ماشتغلتش كانت فتوتك حتكون إبعد يا بني عن المجتمع ده و شوف شغل تاني و مكنتش حتفرق معاك ساعتها لإنك لسه على البر
إنما بما إنك بتشتغل بالفعل و فاتح بيتك من دخلها , فليس من الذكاء أن يفتيك أحد بأن تهدم بيتك ,كانت المفروض الفتوى تكون كالآتي:
العمل حرام , ولكن لا تتركه
وعليك بالبحث الدؤوب -أمام الله- وألا تتكاسل عن البحث عن غيره حتى تستقر الأمور خارج الفندق و تعرف أنك لن تتأثر "كثيرا" -فلا مانع من اليسير من التنازل إبتغاء مرضاة الله- وساعتها أترك هذا المجال للأبد دون أن تتأثر أسرتك
خامسا : الآن و بعد أن خسرت كل شيئ (أحتسب ما خسرته عند الله يرده إليك أضعافا مضعفة بإذن الله) أصبح عملك في الفندق ضرورة قصوى و الضروريات تبيح المحظورات , ولكن عليك الرجوع للنقطة الرابعة بألا تتوانى في البحث عن عمل لا ريبة فيه , ولو أخلصت النية لله إن شاء الله ستجد ربك عند حسن ظنك
سادسا : على كل الأخوة في المنتدى -وأنا أولكم- إذا ما تيسر لهم فرصة عمل تصلح للأخ نبيل ألا يبخلوا عليه بها ولكم الأجر و الثواب عند الله
ان شاء الله ربنا هيرزقك بعمل في احسن فنادق مكه المكرمه او المدينه المنورة
بس انت دايما اطلبها من ربنا و ان شاء الله هيكرمك
ربنا يهديك للى فيه الخير .. ويباركلك فى اولادك
صباح الخير على الجميع .....
انا متشكر جدا عى تفاعلكم معايا ودعاؤكم لى .. ربنا ان شاء الله يبارك فيكم جميعا ويرزقنا الرزق الحلال - ان شاء لله .
مع احترامى لاراء الجميع بس انا فعلا باحاول جاهدا اما عن طريق البحث عن شىء اخر او تطهير الاموال ... يعنى باحاول واعدكم فى حالة حدوث اى تطورات هاحكيهالكم عى طول.
معلش ممكن توضح شوية هو استاذ وائل عمل ايه ؟ وياريت مانحكمش علي حد ومنعرفش ايه ظروفه لان كتير منا بنقول غير ما بنعمل او علي الاقل بنضعف لما الدنيا بتقفل في وشنا او زي ما بيقوله اللي ايده في الميه مش زي اللي ايده في النار
انا عن نفسي لو مكان صاحب الموضوع مش عارف هيكون ايه اختياري وهي الحياة كلها اختبارات بس اهم حاجة ان الواحد يفوق ويندم وميفضلش مكمل في طريقه
وعلي فكرة انا اشتغلت فترة في السياحة بس كانت قليلة قوي ماتكملش شهر بس ماكملتش بردو بسبب اني عايز ابعد عن الشبهات بس انا ساعتها اختياري كان سهل لاني لسا في الاول ومفيش ورايا اي مسؤليات
وعموما ربنا يهدينا جميعا ويتجاوز عن خطايانا
اكيد قصده انه بيحكى قصته علشان نتعلم من خبراته
ونستفيد من اخطاؤه
مش قصده التجريح
لان استاذ وائل يعتبر رحله كفاح بحلوها وبمرها
وكمان هو حكى عن حاجات غلط هو عملها علشان الناس تعرف ان الحاجات دى غلط ومش كويسه زى ما اكيد فى ناس كنير فاكراها احسن حاجه فى الدنيا
يسر الله لك كل خيريا استاذ نبيل
تأثرت كثيرا بمعاناتك لكن ليا عليك عتاب .. اعذرني
ايه الفايدة من القصة للاعضاء
ان لو واحد فكر تفكيرك السليم في الاول و اللي بيرضي بيه ربنا و عايز ياكل ولاده حلال انه مش هيقدر يكمل؟؟
هي دي الفايدة اللي انها شايفها من القصة الحقيقة
ان لو انا مكانك يبقى مسيبش الشغل الحرام - على حد قول علماء الفتوى - و افضل زي مانا!!
فلعلك لم تقص القصة أو لعلك طلبت المساعدة دون ذكر هذه النهائية المأساوية ... غفر الله لنا و لك
قريبي يمتلك سلسلة مطاعم شهيرة سأعرض عليه الموضوع ان شاء الله
الاستاذ:abou_ruqi
حضرتك اتهمت من افتاه انه - ليس فقيه أو ليس واسع العلم الفقهي بخاصة فقه الأولويات و الضروريات -.
ثم افتيت فتوى من عندك -العمل حرام , ولكن لا تتركه وعليك بالبحث الدؤوب -.
هل حضرتك مؤهل للفتوى
هل تتحمل مسؤولية هذه الفتوى امام الله
فتواك تعارض كلام الله
(ومن يتق الله يجعل له مخرجا ويرزقه من حيث لا يحتسب)
اما فتواك فهي تشترط الرزق من الله اولا ثم التقوى
كلمة اخيرة
علماء الدول ناس عندهم عقل زينا برضه .. مش لازم كل فتوى مش على هوانا نتهم فهم العلماء
و مش كل فتوى برضه لازم تعقل ... ما دام ثبت فيها حكم شرعي يعمل بيها حتى لو لم تعقل
فالله استعبدنا بالامر و ليس بالعقل
فَاسْتَقِمْ كَمَا أُمِرْتَ وَمَن تَابَ مَعَكَ وَلا تَطْغَوْا إنَّهُ بِمَا تَعْمَلُونَ بَصِيرٌ (112) هود
و لم يقل كما عقلت !!
اقتباس:
على سبيل المثال الشهير أن فقة الشافعي في العراق تغير عندما عاش في مصر
ياريت امثلة
1- أنا مسؤل عن كلامي أمام الله طبعا
2- ما قلته ليس فتوى من بنات أفكاري فقط إنما هي معلوم بإجماع كل من نثق فيهم أن العمل في مصر بالسياحة على وضعها الحالي حرام لا شك في ذلك
3- أنا لم أعارض آيات الله إلا بحسب فهمك -وهو اتهام خطير لا أعلم كيف جرؤت أن ترمي به مسلما !!! - ولا تستطيع بفهمك الشخصي أن تفرض على أمر غير حادث , متى أمرته انا ألا يتقي الله ؟؟؟؟؟ وهل خالف عمر رضي الله عنه آيات الله بتعطيل حد السرقة في أم المجاعة أم أن المسألة كان فيها نظر و إجتهاد وأولويات و ضرورات ؟؟؟
4-للشافعي فقهان القديم و الجديد
أعاد في الجديد تصنيف بعض كتبه في الفقة القديم وهي
كتاب الصيام - كتاب الصداق - كتاب الحدود - كتاب الرهن الصغير - كتاب الإجارة - كتاب الجنائز
يمكنك الإطلاع على كتاب (مناقب الشافعي) للبيهقي صفحة 255 و 256
وهذا رابط تحميل المجلد الأول
http://www.archive.org/download/waqmnsh/01_mnsh.pdf
انا اشتغلت فتره فى شركه سياحه بين القاهره و الغردقه و شرم و اؤيد اللى وصله الراجل
من اقذر المجالات اللى ممكن تشتغل فيها فى مصر
؟؟؟؟؟!!!!!!!!!!!
يعني اما تبقى المعصية في كل مكان ده يبقى مبرر ان المعصية تحصل في دارك (ما هو الفندق ده بتاعك و بتاخد فلوس من الناس على دخولهم و نزولهم الحمام)؟؟؟؟
احذر تحليل الحرام لانه خطير جدا جدا جدا
مين كفر حد؟؟؟؟؟؟؟
و شركات الصرافة و الحديد حرام ليه ؟؟؟؟؟؟؟؟؟؟؟
و ازاي الاعمال بالنيات و انا شغال في مكان يقدم الخمور و يسمح باستضافة غير المتزوجين في غرفة واحدة و العري في حمام السباحة و البلاوي دي كلها و اقول نيتي صافية؟؟؟؟؟
بالظبط ......
طيب يبقى العاهرة و الرقاصة شغلها حلال لو مش لاقية أي شغل تاني؟؟؟؟؟ فرقت ايه؟؟؟؟؟؟
بالظبط .... جزاكم الله كل خير .....
فعلا ياجماعة انا حكيت قصتى بحلوها وبمرها علشان أكبر
قدر من الناس تستفيد منها وكمان علشان أفكر نفسى باللى
حصلى قبل كدا... حتى دلوقتى انا سبت شغل السياحة فى ايطاليا
وفتحت محل علشان اكون بعيد عن الشبهات وفى مصر
فتحت شركة مقاولات والحمد الله ربنا كرمنى بيها وبيرزقنى
منها وفاتحه كمان بيوت ناس تانية ويارب اجعلها تفتح بيوت
ناس أكتر من كدة ....
أستاذ حسين إن كنت مضطر فكمل فى شغللك
لحد ما تلاقى مشروع تانى كويس زى مطعم مثلا أو مصنع
صغير المهم يكون عند حضرتك النية انك تسيب المكان اللى
فية شبهه وأنا متأكد ان ربنا هيوفقك فى فندق صغير مايكونش
فية خمرة وانا شفت فنادق زى دى فى الاقصر أسوان
او ربنا يوفقك لمشروع صغير
سيدي الفاضل انت قلت انه يفضل في شغله الحرام لحد ما يلاقي شغل حلال .. يعني امرته او نصحته انه لا يتقي الله حتى يرزقه .. و ده بيخالف ترتيب الآية .. ربنا بيقول اتقيني و انا ارزقك و انت بتنصحه بالعكساقتباس:
3- أنا لم أعارض آيات الله إلا بحسب فهمك -وهو اتهام خطير لا أعلم كيف جرؤت أن ترمي به مسلما !!! - ولا تستطيع بفهمك الشخصي أن تفرض على أمر غير حادث , متى أمرته انا ألا يتقي الله ؟؟؟؟؟ وهل خالف عمر رضي الله عنه آيات الله بتعطيل حد السرقة في أم المجاعة أم أن المسألة كان فيها نظر و إجتهاد وأولويات و ضرورات ؟؟؟
استاذ وائل قال انه يبيع جرجير كان احسن عنده من العودة للسياحة و هو موصلش حتى انه يبيع جرجير بل بالعكس قال ان المشكلة انه عود اهله على مستوى معين ... يعني الموضوع مبقاش مجرد قادر يصرف على اهله و خلاص انما بقى مش قادر يعيشهم في مستوى معين ... هل هي دي الضرورة اللي تبيح الحرام زيها زي اللي هيموت لو مكلش من لحم خنزير او لحم ميته او شرب خمر؟!
موضوع سيدنا عمر انا كنت لسه بفكر انزل موضوع عليه قريب و كنت متوقع برضه ان رأيك في المسألة دي انه اوقف الحد زي كثير من الناس دلوقتي للأسف
لكن ما دام حضرتك ملم بفقه الشافعي المفروض تكون عارف ان اللي ياخد ثمرة من على شجره او رغيف عيش من فرن او مثله عشان هيموت من الجوع دي متبقاش سرقة اصلا عشان نوقف حدها
فسيدنا عمرو لم يعتبر الامر لا ضرورة و لا اولولية و لا حاجة انما هو اصلا مش سرقة عشان كده مطبقش عليه الحد .. و هل يعقل ان سيدنا عمر يوقف حد من حدود الله ؟!
قال رسول الله صلى الله عليه و سلم :من أصاب بفيه من ذي حاجة غير متخذ خبنة فلا شيء عليه. رواه ابو داود و النسائي و صححه الحاكم
غير متخذ خبنة يعني عمل عب كده بالجلابيه و خد شوية معاه بمعنى انه اكل اللي يسد جوعه فقط
انا عايز مثال واحد عن مسأله غير فيها الشافعي رأيه و سبب التغيير ( هل هو للضرورة زي ما حضرتك بتقول ولا لان في دليل جديد صح عنده او دليل قديم ثبت ضعفه؟)اقتباس:
4-للشافعي فقهان القديم و الجديد
أعاد في الجديد تصنيف بعض كتبه في الفقة القديم وهي
كتاب الصيام - كتاب الصداق - كتاب الحدود - كتاب الرهن الصغير - كتاب الإجارة - كتاب الجنائز
و جزاك الله خيراُ
ما شاء الله من واقع دراستى للشريعة بجانب الطب وجدت فيك اخى الكريم فهما واعيا جدا للدين فجزاك الله خيرا على هذا الكلام الرائع وصدق اهل العلم حينما قالوا ليس الفقيه الذى يعرف الحلال من الحرام ولكن الفقيه الذى يعرف خير الخيرين وشر الشرين وللاسف هؤلاء من يعترضون على كلامك صورة سيئة جدا لمن يدعون الدين والالتزام ثم ينفرون الناس ويبغضونهم فى دين الله فاحييك اخى الكريم واخبرك بحبى لك فى الله
اما الاخ الفاضل صاحب الموضوع فقد شعرت فيه باخلاص عجيب فيما يدعيه من كراهيته ان يعمل فى مجال حرام وقد بذل الوسع واجتهد ولم يحالفه التوفيق ولكنه على الاقل اكتسب شرف المحاولة واصبح صاحب عذر عند الله عز وجل لو ساله لماذا لم تترك هذا العمل وتعمل فى مجال حلال ليس فيه شبهة وهذا هو المكسب الحقيقى لما فعل فلا يحزن ولا يعتبر انه قد خسر ارضا او مالا فالله يملك خزائن السموات والارض ويقينا سيعوضوه خيرا عما ضاع منه
والذين جاهدوا فينا لنهدينهم سبلنا وان الله لمع المحسنين
فلا تياس اخى الكريم واستمر فى البحث عن عمل اخر وانا واثق من موعود الله بنص الاية وستجد عملا حلالا طيبا يحفظ لك ماء وجهك وتعيش منه عيشة كريمة ان شاء الله.
يا ريت يا أخواني نحترم بعضنا وكل واحد يحترم صاحب الرأي الأخر وبلاش تجريح و برضو ياريت محدش يقول كلام في الدين برأيه واللي عنده دليل على كلامه يقولهولنا ويبقى استفادة للجميع
ثبتك الله يا اخي الكريم و رزقك الله من حيث لا تحتسب ان شاء الله
جزاك الله خيراً لاكني درست العلم الشرعي و استعمت لاقوال العلماء و فتاويهم و اتكلم بكلامهم و ليس بكلام من عندي
و من اعترضت على كلامه فلم يذكر دليل واحد على ما يقول
و عندما طالبت بالدليل وصف كلامي بانه جدال عقيم!!
صححلي ان كنت على خطأ - لكن برجاء دون كلام مرسل - و جزاك الله خيرا.