حكايتى مع الشيخ اســـــــعد
انا باشتغل فى السياحة من فترة طويلة وطول الفترة دى ما يقارب من 20 سنة الحمد لله كنت ملتزم الى حد كبير مع ان مجالى بالذات ( قطاع الغرف ) الموضوع اسهل من انك تهرش فى رجلك .... لغاية ما اتجوزت وكله تمام والدنيا جميلة .. مع انى واجهت مشاكل زوجية عديدة جدا بسبب مهنتى والشك الدائم لغاية ما فكرت انه بدل كده كده فى شكوك وبتحصل مشاكل خلاص انا هاعمل اللى انا عايزه لكن الحمد لله ربنا عافانى وعصمنى .
تدرجت فى العمل حتى اعلى المناصب الفندقية وخلال التدرج ومن يمكن 5 سنين بدأت اشعر ان كل الفلوس اللى باقبضها حرام فى حرام حتى شاهدت ابنتى كانت بتشرب اللبن _ نسيت اقولكم انى رزقت بشهد بعد حوالى عام من زواجى الحمد لله - حينها سالت نفسى سؤال هو اللبن اللى البنت بتشربه ده وضعه ايه .... الموضوع خد منى بحث حوالى سنة .. سألت شيخ مشهور قالى انت لو جبت جرير وبعته ابرك ليك من العمل بالسياحة ... ذهبت الى دار الافتاء وقابلت شيخ مارضيش يجاوبنى حتى احتديت عليه فارسلنى الى من هو اكبر منه فقال لى _ على مضض من الاجابة وبعد الحاح _ انها حرام أى السياحة .
بعدها مباشرة وبدون تفكير بدأت التفكير جديا بترك العمل بالسياحة والتفكير جديا طب هاعمل ايي- بعد ما اسيب الشغل .
على فكرة مراتى كانت تارة تؤيدنى وتارة لا ... باردو هى معذورة لان العمل هو مصدر الدخل الوحيد لنا.
حتى اخذت القرار وتركت العمل بالسياحة.
هاكمل لحضراتكم بعد شوية