دلوقتى انا احتمال اخد الشاهين بعد شهرين او 3 المهم انا عايز اعدل الموتور ومش عايز أسقط مواتير للعلم العربية 1400 حقن2007 فايه التعديلات اللى ممكن اعملها فيها
عرض للطباعة
دلوقتى انا احتمال اخد الشاهين بعد شهرين او 3 المهم انا عايز اعدل الموتور ومش عايز أسقط مواتير للعلم العربية 1400 حقن2007 فايه التعديلات اللى ممكن اعملها فيها
عاوز تركب فلتر رياضى وسلوك بوجيهات يعنى؟ ولا تربو؟ ممكن توضيح أكثر والميزانية كام
الميزانية 2000 جنيه وفى دماغى الأول فلتر وسلوك بوجيهات اول حاجة تنصحنى بأيه يا باشا
هو معلومه صغيره
السلوك والبوجيهات مش هتزود ليك اى اداء للعربيه
الحاجت دى معموله عشان لو هتركب تربو او ماتور كبير محتاج انك تقوى الشراره اللى واصله للسلندر
والفلتر هيزود الاداء بس مش بشكل كبير خصوصا ان ماتور الشاهين ال 1400 ال horse power بتاعه مش كبير
مثلا ال bmw أل m5 لما بيتركبلها 2فلتر رياضى k&n بتزيد 22 hp
لو عاوز تعلى الاداء فعلا لازم تسقط ماتور اكبر او تركب تربو
انا فى دماغى تيربو بس نبدأ حاجة حاجة
أصل هى العربية اساسا موتورها ليه فلترين مش فلتر واحد
خد شاهين 1600 افضل لك حيث ان بها باور وتكييف ,,
وعدل فيها بانك تركب زجاج كهرباء بزراير في المقبض ( هتحتاج تغيير فرش الأبواب الأمامية ) وتغير طقم الصوت وبس
هي دي أفضل تعديلات من موجهة نظري
لا يا دكتور انا عايز تعديل فى الموتور
وهل موتور الشاهين يتحمل تربو ؟؟؟
لانة ممكن تحتاج تغير حجات كتير فية ؟؟
مش عارف بس انا مشوفتش ابدا ولا سمعت ان حد مغير او مسقط مكنة فى الشاهين قبل كدة .
وخلى باللك الشاسية بتاعها ضعيف شوية ....
لو فعلا عاوز تعدل في الموتور, حوش لحد ميبقى معاك 5000 جنيه و ادخل على التربو على طول.
لو مش عاوز, يبقى ابدأ البداية التقليدية, فلتر سبور, هيدرز و شكمان 2.25 بوصة وعلبة شكمان كويسة
(ارجوووووك بلاش العلبة الهبلة الصناعة المحلية اللي متسمية كدبا ديفل و كل الناس بتركبها وتخلينا مش عارفين ننام)
هو نظريا اه يستحمل, انما عمليا لازم يتجرب لاني مسمعتش عن حد جرب تربو في شاهين قبل كده.
في عضو على المنتدى اسمه محمد ممدوح عنده خبرة سابقة في الموضوع ده تقدر تتابع معاه.
فعلا استاذ محمد ممدوح استاذ بس هو فين على فكرة موتورها يستحمل وكل حاجة انا بجيب بيها على الأول 45 من غير ما تفصل والتانى 70 على 4000 لفة يعنى الموتور جامد لانه فيات دى كفاية
بص انا اساسا هركب تيربو مرحلة أولى يعنى مثلا يزود 50 حصان دة مبدئيا على ما أعتقد ان المكنة ممكن تستحمل ولا أنت ايه رأيك
نظريا اه, الا لو كان فيه حد جرب قبل كده ومنفعش. ممكن برضه تدور على النت على العربيات اللي راكبلها تربو و قريبة من عربيتك.
هي الفكرة بس ان كل موتور له حد اقصى يستحمله واكتر من كده يتطلب تغيير بعض مكوناته عشان ميحصلش مشاكل. انا معرفش طريقة تانية للحكم غير بالتجربة والمقارنة, خاصة ان الموتر مش حينفجر يعني مرة واحدة الا لو في حاجة غلط اوي اتعملت, لكن في المعتاد بتبقى فيه مؤشرات بتقول اذا كان الموتور مستريح ولا لأ سواء بتربو ولا من غير.
ممكن برضه تدور على النت على العربيات اللي راكبلها تربو و قريبة من عربيتك.
العربية 1400 حرام تصرف عليها و تجيب تيربو موش هتتحمله المكنة خااااااااااالص
الاول قبل ما نتكلم فى التربو اللى حيركب... المكنة دى كربراتير ولا انجكشن و نسبة انضغاطها كام؟؟
MMamdouh
أنا عندي شاهين زيك و بعدل فيها حاليا ( بس على مهلي شوية يعني :shyy: )
موتور الشاهين يعتبر من المواتير الضعيفة نسبيا ( بالذات ال 1400) و تمن تركيب توربو قريب من تمن موتور أصلا , نصيحتي سقط موتور أحسن , و بعد كدة حتى لما تيجي تركب توربو هايفرق معاك جدا لأن كل ما كان الموتور اكبر و أقوى بيزيد الفرق كمان بتركيب التوربو (شخصيا انا رأيي أفضل مواتير على الإطلاق مواتير البي ام , بس للأسف ما ينفعش عشان قوانين بلدنا :120146b )
محمد باشا العربية انجكشن ونسبة الأنضغاط8.3:1
يبقى ممكن تركب تربو و توصل لحد 1 بار بدون مشاكل... طبعا بشرط ان كل حاجة تبقى مضبوطة
MMamdouh
محمد باشا 1 بار حضرتك تقصد بى ضغط التيربو يبقى 1 ومين فى مصر يضبط الموضوع من أوله لأخره
ايوة... قصدى ان ضغط التربو يبقى 1 بار
اسال عادل وجدى او تامر فهمى
MMamdouh
طيب ايه رأيك تسقط موتور لانسيا 2000 سىسى 16 صباب وفيه منه اخوه االلى بسوبر تشارجر
وممكن بتاع ال 132 2000
لو عايز رشاشات يبقى بتاع الارجنتا 2000
من غير تعديل في القواعد و لا في الفتيس و من غير مشاكل مع المرور.
التربو بيزود كتلة الهواء اللي داخل الموتور, وبالتالي لازم تزودله البنزين.
ال stand alone fuel management بيبقى كمبيوتر اضافي بيتحط مع ال ecu بتاع العربية عشان يضبط الموضوع ده, بيحط في حسابه عوامل كتير زي كمية الهواء والrpm وضغط التربو...الخ عشان يضخ الكمية المناسبة من البنزين اللي تحقق افضل حرق, و بيبقى programmable طبعا لان مش كل المواتير والتربوهات زي بعض.
اما ال rising fuel pressure regulator معرفش عنه غير انه بيغير ضغط البنزين على حسب ضغط التربو, بس معرفش عنه اي تفاصيل, لما استاذ محمد يخش تاني ان شاء الله ممكن يدينا فكرة اكتر من كده.
stand alone يعنى قائم بذاتة و المقصود بيه هنا هو نظام ادارة للموتور منفصل عن الكونترول الاصلى و من خلالة بتبرمج كميات البنزين و توقيت الاشعال اللى حيمشى عليها الموتور
rising rate fuel pressure regulator دة منظم ضغط للبنزين زى منظم الضغط العادى بتاع العربية بس الفرق انة بيزود ضغط البنزين مع زيادة ضغط التربو
MMamdouh
"هو" بتعود لعى مين؟؟
rising rate fuel pressure regulator جهاز ميكانيكى بيعتمد على الضغط داخل المنافولد لتحديد الضغط داخل دورة البنزين... و كل ما ضغط المنافولد يزيد ضغط البنزين بيزيد و غالبا بتبقى النسبة 1:12 يعنى كل 12 PSI زيادة فى ضغط المنافولد بيقابلهم 1 PSI ضغط فى دورة البنزين
MMamdouh
لان البنزين بيبقى عرضه للانفجار pre-detonation نتيجة لان التربو زود الضغط على محرك ضغطه عالي من الاول. تخيل السيناريو ده: البيستون طالع لفوق بيضغط مزيج الهواء والبنزين, وهو في نص المسافة المزيج ميستحملش الضغط والحرارة وينفجر ويكبس على البيستون لتحت. لازم حاجة هتطرقع, البستون يتكسر, او ال connecting rod, او الصبابات تتني لبره...الخ.
عشان كده المواتير ال high compression بتستخدم بنزين عالي الاوكتين, لانه مقاوم اكتر للانفجار (عكس الاعتقاد الشائع انه بيزود هورس باور او مستوى نقائه اعلى) و ده حيبقى نفس الحال مع التربو برضه.