اللى معاه سيارة ريجاتا يا ريت يراسلني

**sab3aawy** · 25-05-2008 09:14 AM

اى حاجة بخصوص الريجاتا انا تحت امرك،

الريجاتا سيارة ممتازة واعطالها مش صعبة وانا معايا واحدة فى الوقت الحالى وعدت عليا كثير من مشاكلها، فلو محتاج لها اى استشارات اسأل وهتلاقى مليون واحد يجاوبك

بس الأفضل تكون الإستشارات على صفحات المنتدى علشان الكل يستفيد

**homme49** · 27-05-2008 11:37 PM

عزيزى الأخ سبعاوى
هل من الممكن التنبؤ بتكلفة عمرة الريجاتا (مصنعية + قطع غيار)
و ماهى محلات قطع الغيار التى تبيع قطع غيار أصلية بصرف النظر عن شركة النصر للسيارات
و لكم جزيل الشكر

**wsamir** · 29-05-2008 08:47 AM

اخى العزيز
انا عندى ريجاتا من سنة و نص و تقريبا عملت فيها كل حاجة فلو محتاج حاجة معينة اسال و إن شاء الله احاول افيدك و طبعا البركة فى استاذنا الكبير سبعاوى معاه ريجاتا و هو حتى لو مش معاة ريجاتا بردة هيفيدك

**wsamir** · 29-05-2008 09:00 AM

بص يا سيدى انا لسه عامل عمرة من قريب بس العمرة بردة بتختلف حسب حالة الموتور
يعنى ممكن تعمل نص عمرة و تغيير طقم شنبر دى مش مكلفة قوى ممكن تخش فى الف جنية او اقل شوية يعنى انا جبت بعض الحاجات كالاتى
1- طقم شنبر + جوانات حوالى 180
2-خراط اللى خرط وش السلندر و البساتم خد 80
3-مصروفات اخرى (تغيير زيت + فلتر +بنزين لتلين العربية) 120
4- مصنعية الميكانيكى 300
دة بصراحة اللى انا فاكره
و عموما متقلقش حاجات الريجاتا رخيصة مش غالية
اما عن اماكن بيع قطع الغيار عندك فى وسط البلد فى التوفيقية هشام لهيطة و فى الدقى امام سينما التحرير محمد يوسف كمان فى شارع السودان فى المهندسين امام التوحيد و النور محمد و احمد
وربنا يوفقك إن شاء الله