أرجو من سيادتك الرد على هذا السؤال لأنى مهتم بشراء اكسارا2
عرض للطباعة
انا معروض عليا اكسارا 2 موديل 2003 عامله 150000كم فابركة دواخل ورشة برة نظافة السعر 35ستيب ترونيك
بس العربية فيها مشكلة
العربية بتسخن جامد جدا لدرجة الغليان ولما بتسخن مش بتدور
ممكن يكون ايه العيب وعلى فكرة جابت وش سلندر كذا مرة
هل تنصحنى بالشراء ؟؟
وهل السعر مناسب ؟؟
انا من الإسماعيلية
معلش طولت عليكوا
وشكرا
اخي العزيز لو العربيه عجباك توكل علي الله وخدها .....مفيش في العربيه حاجه تخوف...عيوب السخونه متعدده ووش السلندر احد الاعراض وليس العيب!!وانصحك بفك الوش والكشف عليه فنيا...واستعمال جوان وش سلندر اصلي...والتاكد من سلامة الرادياتير وسلامة توزيع المياه بداخله...وعدم وجود وصلات في خراطيم المياه تسمح بدخول الهواء وعدم انتظام الدائره...وهل المشكله تزيد في الطرق السريعه؟ام في داخل المدن؟؟؟
بس العربيه زي ماقلت مفيهاش حاجه تخوف ان شاء الله
ستروين c4 العربية ديه حلم حياتي بجد اتمني اجيبها و اخلص من السقف العالي اللي انا راكبه ده :)
عربية ثبات و امكانيات و مميزات غير متوفرة في فئتها في اي عربية غيرها و فخامة و شبابية
انا هبيع عربيتي و اجري اشتري c4 وقتي ان شاء الله
و احب اشكر م \ رامي علي المجهود الاكثر من رائع في تعامله مع محبي الرفاهية الفرنسية
مساء الخير على الجميع ومساء خاص للمهندس رامي
برجاء الافادة انا معايا ax - 1996 وكنت جيتلك مرة بيها عند امير وجوزيف المهم انا عندي مشكلة حاليا في الجزء اللي هو بتاع الهوا بتاع الموتور الاخير اللي موجود فيه توزيع الخراطيم مش اللي في الموتور نفسه المشكلة ان البلف بالقلاوظ نفسه اتقطم فما هو الحل مع العلم اني مش لاقي القطعة دي جديد فهل اشتريها استيراد وله اعمل ايه ولو موجودة عندكم جديد بكام وهل ممكن خراطتها نحاس مثلا وتركيبها بدل ماهي فيبر على كاوتش
ارجو الافادة وياريت تكون بالاسعار
وشكرا
انا لسه جايب اكسارا2 موديل 2002 من حوالي شهر و كانت كما قال الميكانيكي و السمكري بحاله جيده جدآ و كان سعرها 35000 و لكن صرفت عليها كتير و كل ما اصلح حاجه اكتشف غيرها حتى غيرت العفشه بالكامل و اشياء كثيره كانت مخفيه و تظهر فقط مع التصليح و الفحص عند المتخصصين في هذا النوع لأن للاسف مش اي ميكانيكي او كهربائي بيفهم فيها و طبعآ اتجددت بالكامل و كلفتني حوالي 15000
نصيحه افحصها عند متخصص قبل الشراء بدل ما تتدبس
الاكسارا ممتازه بس لازم تتظبط كويس و الا هات نوع اي حد يشتغل فيه
انا بتعامل حاليآ مع فريد شوقي و هو في مدينه نصر امام بوابه الوفاء و الامل و تليفونه 0123236021 انا كمان عرفته من المنتدى و بكل امانه هو ممتاز و امين و متخصص في عمله و حيرشدك للصح بكل صراحه و لو عايز حتلائي عربيات معروضه للبيع عن طريقه من زبائنه و بحاله ممتازه على ضمانته و هو جايب عربيتين لأختي بحاله ممتازه واحده اكسارا 1 موديل 2002 و الاخرى اكسارا 2 موديل 2003 بس 1400سي سي ولكن للأسف اختي لسه فلوسها مش جاهزه لأنها عارضه عربيتها للبيع عشان تجيب اكسارا.
ربنا يوفئك و يهديك للفيه الخير
يوم مبيت العربية عند فريد شوقي قالي انو غيرلي علبة الفيوزات ب 2000 جنيه وهو معملش حاجة خالص وهي اصلا مش بالتمن ده
حاول ماتبيتش العربية عندوا وهات قطعك بنفسك