بسم الله الرحمن الرحيم
المهندس رامي التحية الطيبة
ارجو المساعدة انا كنت جيتلك عند رامي وجوزيف من فترة عشان الصوت بتاع النحره اللي كنا شكين انه بليه الدينمو عموما هو مطلعش بلية الدينامو لكنه طلع بليه الكمبروسور بتاع التكيف عموما انا حطيت سير اصغر لاني كدة كدة مش بشغل التكيف غير في السفر
لكن كان في صوت تاني زي ما يكون تنفيس وطلع ان مسامير الفلانشه محلوله ودة طبعا بسبب المطبات لكن بتاع الشكمانات قالي اظبط كهربة الموتور عموما انا تطوعت ولعبت في المسمار اللي فوق الكاربرتير صوت الموتور بقي ناعم اوي والعربية هديت لكن للاسف وانا بدور والعربية باردة بتطلع عيني وصوت المارش بيكون ضعيف جدا كان البطارية نايمة (مع العلم ان شحنها مظبوط والدينامو برضه مظبوط والحمد لله) ويزيد تدريجيا لحد ما تدور لاني خايف الصراحة ان كدة يأثر على المارش فماذا افعل وهل المسمار يتربط يمين وله شمال (المسمار اللي راكب على السوستة) عايز اظبطه عشان العربية تدور عادي زي الاول
العربية ستروين ax حضرتك شوفتها وقولت لي لو كانت بنفس الحالة دي بس 1400 كانت بقت افضل
اللهم صل على محمد وعلى آله وصحبه أجمعين