الموضوع: اي حد عندة استفسار في ستروين انا في الخدمة

السلام عليكم
م/رامى
عربيتى ax 1995
انا كان عداد البنزين مش بيقرا صح كان دايما عند التوين باكامل يقرا تلات ارباع المهم رحت لواحد
عدل الريشه شويه وبعد كده ركب العداد لاقيت انه عداد السرعه وقف وكمان بعدها عداد الكيلو متر وعداد المسافه وقف هو كمان ياترى ايه المشكله
ثانيا صوت الشكمان عالى لاقيت انه الزور بينفس
ممكن الحل

السلام عليكم يا أ . mostafa وأشكرك وربنا يبارك لك..بخصوص استفسارك ,اشتريت سيارتي ب 48الف وكانت عامله90الف كم .. والسيارة فابريقه بالكامل

المشاركة الأصلية كتبت بواسطة mostafassy

سلام عليكم يا A_gamaledeen

بص يا باشا انا معايا c3 2003 و كان فيها نفس المشكله

موضوع الرجه ده يبقى انت محتاج تغير موبينه و يفضل معاها بوجيهات الموبينه فى التوكيل ب 1100 و امير و جوسيف ب 800 بس هاتها من التوكيل احسن بس خد بالك لو العربيه بتسخن يبقى هتحتاج تغير المروحه كمان عشان السخونيه هى البوظت الموبينه تمام كده

مش عارف موضوع الزيت ايه الصراحه بس فى جوان كان ب 150 تقريبا جيبتو انا من عز العرب بردو ده يقفل الموتور من فوق اكيد نشف عندك و محتاج يتغير اعتقد كده
رزعه فى الدريكسيون فى المطبات اعتقد نفس المشكله العندى فى رجه فى علبه الدركسيون و متفكرش تسأل عليها فى التوكيل عشان غاليه فوق ماتتخيل و بلاش اقولك عشان هتبيع العربيه تانى يوم
سؤال اخير ليك انت عربيتك عامله كام كيلو و جبتها بكام عشان انا بفكر ابيع عربيتى اليومين دول
شكرراااااااااااا
لو عايز تستفسر عن حاجه تانيه ممكن افيدك العربيه معايا من 2005 لانى كنت جايبها مستعمله و غيرت فيها حاجات كتير

احب استفسر عن حاجه يمكن يكون ليها علاقه بالموبينا اللي عيزه تتغير ...عزم العربيه عندي اعتقد انه اقل من المعتاد لاني جربت عربية صاحبي وبالمناسبه انا نزلت معاه علشان نشتريهابعد ما اشتريت عربيتي وعجبتوه بحوالي شهرين وخدناها بفصال يومين ب 42 الف فابريقه وعامله 170 الف كم ...ولقيت عزم عربيتي اقل بكتير..وكمان لما اضغط عليها في المطالع او مع الوزن الاقيها بتكركر ..معلش اتمنى اكون وصلت الصورةكويس ...ولسه مغير لها بطاريه لانها فصلت مره مني وقالوا انها البطاريه...بناء على ردك اروح لمين اركب الموبينا ..ومو ضوع الرزعه بتاعة علبة الدركسيون عرفت انها ب 20الف من التوكيل لكنه بتعمل من 900ل1500 استيراد ...رايك ايه في كل اللي فات؟ وشكرا

بص يا باشا ) a.gamaledeen )
انا غيرت الموبينه مرتين مره كانت العربيه بتلت يعنى كأنها شغاله 3 بوجيهات بس او 3 بخاخات بس يعنى كانت بتترج و عزمها مكنش كويس تمام كده اياميها جبتها من امير و جوزيف الفى التوفيقيه ب 800
و لسه مغيرها تانى من اسبوع كده فى عز العرب الاصلى ب 1100 انصحك تجيبها من عز العرب و تركبها عند اى حد برا لانى هى تركيبها سهل مفهوش اى حاجه انت بس عايز ميكانيكى كويس يفكلك الكابل الرابط فيها لكن تركيبها سهل
انا بنصحك ب بتاعت عز العرب لان امير و جوزيف بتاعتهم كان فيها سنه كده زياده كان لازم تتشال على الكابل يركب
انا عايز اقولك ان حاجات الكهربا فى العربيه دى بتخليها تخرف ساعات يعنى البطاريه لما تضعف تلاقى لمبه الايرباج نورت و تطفى و ساعات المساحات كانت بتتشغل لوحدها
موضوع علبت الدريكسيون هى فعلا ب 18 الف انا عن نفسى مش هغيرها هى مش عامله مشاكل عندى
هو فى حته تانيه عندى بتخلى الباور يعلق و يفصل اسمها ecu power دى ب 8 الاف مش عارف استيراد بكام
انا عربيتى دلوقتى عامله 154 الف
خلاصه الكلام يا مان
العربيه دى ركوبتها حلوه يعنى احلى من الكورى بكتير اوى كمان بس المشكله ان قطع غيراها غاليه ناااااااااااااار و الاستيراد بتاعها مش موجود كل حاجه انا عايز اقولك روحت الحرفيين اجيب مرايتين عشان الاتنين اتكسرو لقيت الواحدع عامله 300 و 400
و كان فى تايوانى زيرو ب 160 جيبتها بس ماركبتش بتبقى بارزه و روحت رجعتها
رأيى الشخصى ليك لو تقدر تبيع العربيه بيعها انا عن نفسى مستنى اظبط امورى و اجيب حاجه تانيه
لو حبيت تستفسر عن حاجه تانيه تحت امرك يا مان

الف شكر ليك يا باشا وما نتحرمش منك...

المشاركة الأصلية كتبت بواسطة mostafassy

سلام عليكم يا A_gamaledeen

بص يا باشا انا معايا c3 2003 و كان فيها نفس المشكله

موضوع الرجه ده يبقى انت محتاج تغير موبينه و يفضل معاها بوجيهات الموبينه فى التوكيل ب 1100 و امير و جوسيف ب 800 بس هاتها من التوكيل احسن بس خد بالك لو العربيه بتسخن يبقى هتحتاج تغير المروحه كمان عشان السخونيه هى البوظت الموبينه تمام كده

مش عارف موضوع الزيت ايه الصراحه بس فى جوان كان ب 150 تقريبا جيبتو انا من عز العرب بردو ده يقفل الموتور من فوق اكيد نشف عندك و محتاج يتغير اعتقد كده
رزعه فى الدريكسيون فى المطبات اعتقد نفس المشكله العندى فى رجه فى علبه الدركسيون و متفكرش تسأل عليها فى التوكيل عشان غاليه فوق ماتتخيل و بلاش اقولك عشان هتبيع العربيه تانى يوم
سؤال اخير ليك انت عربيتك عامله كام كيلو و جبتها بكام عشان انا بفكر ابيع عربيتى اليومين دول
شكرراااااااااااا
لو عايز تستفسر عن حاجه تانيه ممكن افيدك العربيه معايا من 2005 لانى كنت جايبها مستعمله و غيرت فيها حاجات كتير

السلام عليكم يا mostafassy و مساء الخير ومعلش على الإزعاج...اكتشفت إمبارح إن التكييف مش شغال ,وفي اخر المشوار وأنا راجع لأقيته إشتغل...ومرة تانيه علق بالليل وماشتغلش..المهم إني اكتشفت إن مروحة الريدياتير معلقه معاه ..يبدو ان هناك صله بعطل الإتنين مع بعض وعملهم مع بعض...الموضوع ده حصل معايا في السيتروينaxوالميكانيكي بتاعها طلعلي ديسك صغير من قلب الإكصدام الأمامي وكان محروق ولما غيرته اشتغل الإتنين....هل فيه تشابه ,,ولا رأيك إيه؟؟؟؟ولا الموبينا ليها علاقه بالقصه؟؟؟ وشكرا

اخي الكريم م/ رامي
وجميع الاخوه الاعضاء

عندي مشكله في الاكسارا 1 وهي ان العربيه علي السلانسيه و الار بي ام تحت 10 فيها رجه عاليه في المحرك
كمان مؤخرا في لمبه بتنور وتطفي في التابلوه وهي
Engine auto-diagnosis
If it flashes or lights while the engine is running
it indicates a fault within the fuel injection,ignition or anti-pollution systems
Consult a the dealer as soon as possible

ده اللي بيقولوا الكتالوج

ارجو الاستفاده من خبرتكم عن حجم هذه المشكله
والف شكر مقدما

مساء الخير
عندي مشكله في تكييف الاكسارا2 مانيوال موديل 2002
التكيف مش عايز يشتغل و كل مره يطلعولي سبب و نصلحه ومفيش فايده و اخر حاجه بعد ما غيرت الكومبرسور و شحنت الفريون و ظبط الكهربه و الكونترول عند فريد شوقي اشتغل التكيف اول يوم و تاني يوم اشتغل على سرعه 3 و 4 فقط ثم ركنت العربيه حوالي 4 ساعات و لما جيت اشغله تاني بئى بيطلع هوا سخن و بس و حلف ما هو شغال
عاوزه اعرف ايه العيب و اروح لمين لحسن الحر حيفطسني كما اريد ان اعرف هل تكييف الاكسارا 2 اصلآ قوي ولا ضعيف
شكرآ و في انتظار رد سريع