اي حد عندة استفسار في ستروين انا في الخدمة

**sasoha** · 07-05-2010 10:48 PM

انا عربيتي ax 1100 بس انا بسوق مش بفهم حاجة في الميكانيكة و عندي صوت دب بسيط في المطبات حد قلي ان فية مقص عايز يتغير ممكن اعرف مكونات العفشة و اجزائها و امتي اعمل لها صيانة او اجددها و تكلفتها كام عايزة اعرف ثمن تجديد العفشة و عند مين بليز

**ahmadmounir** · 08-05-2010 02:48 AM

سلام عليكم م/ رامى

انا كشفت على اكسارا عاملة 150 الف كيلو

اما سألت على كبس الموتور عمل حوالى 8.5 - 9 .. و اما سألته كده معناه حالة الموتور كام قاللى يعنى كويس .. بس انا عايز اعرف يعمل كام فى الميه لو بالأرقام دى ؟

و الفرامل حاسس انها خفيفه حتى بعد ما زودت زيت فرامل

الدبرياج احياناً كده كل فتره باسمع صوت طأطأة كده اما ادوس

وحاجه كمان و انا على الأول لسه طالع باسمع زى صوت كركرة تحت .. صاحب العربيه كان قاللى خلى حد يربط المصفحة اللى تحت جامد عشان هى مصدر الصوت ... و غيرت و برضو مفيش فايده لسه الصوت موجود و مزعج

اخر حاجه بقى .. سعر مساعدين الشنطه كام لاكسارا 1 و يكونوا حاجه كويسه مش تركى !

و منتظر رد سيادتك و شكراً مقدماًَ

**Romeo26222** · 08-05-2010 12:42 PM

المشاركة الأصلية كتبت بواسطة ahmadmounir

سلام عليكم م/ رامى

انا كشفت على اكسارا عاملة 150 الف كيلو

اما سألت على كبس الموتور عمل حوالى 8.5 - 9 .. و اما سألته كده معناه حالة الموتور كام قاللى يعنى كويس .. بس انا عايز اعرف يعمل كام فى الميه لو بالأرقام دى ؟
كبس الموتور كدة حوالي 90% لان كبسها الاصلي 9.6 بار
و الفرامل حاسس انها خفيفه حتى بعد ما زودت زيت فرامل
لازم يتكشف عليها وتتجرب
الدبرياج احياناً كده كل فتره باسمع صوت طأطأة كده اما ادوس
احتمال يكون الصوت دة من سلك الدبرياج ولازم يتجرب علشان التشخيص يكون مظبوط
وحاجه كمان و انا على الأول لسه طالع باسمع زى صوت كركرة تحت .. صاحب العربيه كان قاللى خلى حد يربط المصفحة اللى تحت جامد عشان هى مصدر الصوت ... و غيرت و برضو مفيش فايده لسه الصوت موجود و مزعج
اغلب الاصوات بتكون من المصفحة لو مش متثبتة كويس لكن لابد من رفعها والتاكد منها
اخر حاجه بقى .. سعر مساعدين الشنطه كام لاكسارا 1 و يكونوا حاجه كويسه مش تركى !
للاسف غير متوفرة حاليا لكن لما بيتوفروا بيبقوا استيراد في حدود 150 جنية الاثنين
و منتظر رد سيادتك و شكراً مقدماًَ

**Romeo26222** · 08-05-2010 12:45 PM

المشاركة الأصلية كتبت بواسطة sasoha

انا عربيتي ax 1100 بس انا بسوق مش بفهم حاجة في الميكانيكة و عندي صوت دب بسيط في المطبات حد قلي ان فية مقص عايز يتغير ممكن اعرف مكونات العفشة و اجزائها و امتي اعمل لها صيانة او اجددها و تكلفتها كام عايزة اعرف ثمن تجديد العفشة و عند مين بليز

لابد من الكشف وتجربة السيارة لأن الوصف مش كافي وموضوع مكونات العفشة دي مش هينفع تتكتب لانها كتيرة
بالنسبة امتي تعملي صيانة عفشة دا بيعتمد علش استخدامك وسواقتك للعربية لكن طبعا مع كل صيانة دورية (كل 10000 كم) بيتكشف عليها..

**ahmadmounir** · 08-05-2010 03:51 PM

الف شكر يا بش مهندس
و طمنتنى على الموتور

**kokolata** · 13-05-2010 09:10 PM

المشاركة الأصلية كتبت بواسطة romeo26222

أولا/ زيت ال 3000 غلط يتحط في عربيتك ولازم تغيرة بزيت 5w40 ويفضل توتال كوترتز 9000
ثانيا/ مشكلة ضغط الزيت الواطي له كذا سبب لكن السبب الرئيسي هو نوعية فلتر الزيت اللي بتكون مش اصلية بتسبب كتم مسار الزيت..ويفضل تغيير الفلتر بفلتر اوريجنال..

طيب يابشمهندس انا للاسف لسه مغير الزيت بزيت موبيل الـ 10000 المفروض اعمل ايه دلوقتى- انا معايا اكسارا 2 موديل 2002

**Romeo26222** · 13-05-2010 10:22 PM

المشاركة الأصلية كتبت بواسطة kokolata

طيب يابشمهندس انا للاسف لسه مغير الزيت بزيت موبيل الـ 10000 المفروض اعمل ايه دلوقتى- انا معايا اكسارا 2 موديل 2002

مفيش مشكلة في الموبيل كمل بية لكن لو استمرت مشكلة ضغط الزيت الواطي لازم تجيب العربية للوكيل للكشف..

**kokolata** · 13-05-2010 10:26 PM

وعندى مشكلتين تانين
اول مشكله ان عداد السرعة ساعات بيعلق يعنى مرة واحدة وانا ماشى بلاقى المؤشر نزل للصفر.
ثانى مشكله التكييف ساعات وهوا شغال بلاقيه فصل والهواء اللى طالع بقى سخن وفى ريحة زى كمكمه وساعات لما بزود بنزين بحس بهواء ساقع ولو جربت اثناء حدوث المشكله اركن وابطل العربيه من غير مافصل التكييف بسمع صوت زى تزييق ماكنه من ناحية الموتور.

**kokolata** · 13-05-2010 10:32 PM

اخى الكريم شكرا لسيادتكم على الافادة وسرعة الرد

**kokolata** · 14-05-2010 08:43 PM

اخى الكريم انا كان عندى مشكلتين تانين
اول مشكله ان عداد السرعة ساعات بيعلق يعنى مرة واحدة وانا ماشى بلاقى المؤشر نزل للصفر.
ثانى مشكله التكييف ساعات وهوا شغال بلاقيه فصل والهواء اللى طالع بقى سخن وفى ريحة زى كمكمه وساعات لما بزود بنزين بحس بهواء ساقع ولو جربت اثناء حدوث المشكله اركن وابطل العربيه من غير مافصل التكييف بسمع صوت زى تزييق ماكنه من ناحية الموتور.