الموضوع: انا تعبت خلاص (لوجان و لا لانوس )

سامحني احقاقا للحق , انا باعتبر اللانوس عربية قدمت و مفروض توسع للعربيات الجديدة فعلا , ( اللوجان والساجا) و ان كماليات اللوجان احسن , و ان مفترض في منصور انه كان ينزل اللانوس بسعر اقل من كده شوية , لكن فيه نقط مش مظبوطة في كلامك , وفيه نقط مثلا ما تقبلتش فيها التعديلات في حالة اللانوس مع انك اقترحت تعديلات في حالة اللوجان , انا مش ضد اللوجان بالمرة , لكن احنا هنا هدفنا اننا نفيد اللي بيسأل و بالتالي بندي له خلاصة خبرتنا مع العربية دي او العربية دي و هو يختار , مش نقنعه باختيار عربية معينة

العربية حتة حديدة فالواحد ما ينفعش يتعامل معاها بعواطفه , و لو تلاحظ في اللي اتحط هنا في نفس الموضوع , مقارنات اللانوس (اللي من 97) باللوجان الجديدة كتيرة جدا , ده بيصب في خانة احترام اللانوس على فكرة , وارد ان يكون منصور خد العربية بوظها زي ما عمل مع الأفيو , مش متأكد من المعلومة , لكن في النهاية ما ينفعش عربية بالسوء اللي بتقول عليه ده تعيش اصلا كل السنين دي و تفضل متصدرة قايمة المبيعات كمان

أشكرك على سعة صدرك
:)

المشاركة الأصلية كتبت بواسطة eng.geo

علي فكرة العيب اللي انت قلته في اللانوس ده مش عيب
العربية استهلاكها كويس
------------------------------
للي عايز يعرف , معايا موديل 99 بتعمل 180 كيلو في الصفيحة , و فيه نفس الموديل و بتعمل 200 , و مش عارف ظروف الجديد , كل ده جوة البلد

ولكن العيوب تعالي بقي
-ارتفاعها عن الارض بتحك في المطبات ولو محمل هتحك في الحصي بتاع الطريق ( هي طبعا مش للدرجادي بس ارتفاعها مش كويس )
------------------------------------------------------
بتحك في المطبات لو محمل بس , و مش كل العربيات على فكرة , عربيتي مثلا مش بتحك الا لو مطب عالي اوي و معمول غلط و محمل 3 ورا

-توكيل من اسوأ توكيلات مصر بل هو الاسوأ علي الاطلاق
------------------------------------------------------
انا طبعا دايو , و باقول توكيل الدايو مش وحش , توكيل شيفروليه , ما اعرفوش بس فعلا سمعته سيئة

-موتور ضعيف
------------------------------------------------------
الموتور مش ضعيف بالمرة لكن تسارعه مش عالي , 86 حصان عند 5800 rpm , عزم 133 نيوتن عند 3400 rpm , عزم اللوجان 130 نيوتن عند 3000 rpm على حد علمي , عزم العربيتين متقارب , مش فاكر اللوجان 90 او 94 حصان , فرق الحصان مش شاسع برده , و خد بالك انه في مقابل ده موتور معمر و اسأل في قسم الدايو موتور اللانوس ممكن يعيش قد ايه من غير لا عمرة ولا طقم شنبر

ولو شغلت التكييف ومحمل مش هتمش وممكن تقف منك علي مطلع كوبري ( بطة )
------------------------------------------------------
مبالغة , العربية مع التكييف (تسارعها) فقط بيبقى اقل من العادي , لكن انا مجمع بيها لحد 140 بالتكييف و ما جربتش ازود

-الكاسيت فيه مشكلة وهو انك لما بتشغل ال mp3 الاريال بيطلع مع انه المفروض يشتغل في الراديو بس
-------------------------------------------
دي ما اعرفهاش و ممكن نسأل فيها

-عداد الحرارة في بعض الدفعات به مشكلة والسبب هو صباع الحرارة ( هو ممكن تجيبه ب 30 جنيه بس برده ليه تنزل العربية فيها حاجة بايظة )
-في الموديل الجديد الفرش اللي حاطته منصور سئ جدا وخاماته سيئة علي عكس بتاعة ابو الفتوح
-----------------------------------------------
دول برده ما اعرفش عنهم حاجة بحكم ان الكلام على الشيفروليه , و ممكن مالك لشيفروليه لانوس يقول لنا

- فرامل في الضيااااااااااااااااااااع
----------------------------------------------
الفرامل وحشة بالنسبة للي سواقته عنيفة , يعني بيندفع و يفرمل مرة واحدة وهكذا , لكن اللي سواقته عادية ما عندوش مشاكل خالص

اللوجان
السخونية من الدواسات ده بسبب مواسير التكييف وتم علاجها بوضع العازل في التوكيل
(-عداد الحرارة في بعض الدفعات به مشكلة والسبب هو صباع الحرارة ( هو ممكن تجيبه ب 30 جنيه بس برده ليه تنزل العربية فيها حاجة بايظة ))

-----------------------------------------------------------
-من الاخر اللوجان احسن من اللانوس كتير جدا وبالذات من بعد ما منصور خدها
-كفاية ان التوكيل بتاع اللوجان ممكن لو في حاجة في العربية مش مظبوطة يقولولك سيبها عشان نظبطها علي العكس من منصور ممكن تقعدي تحلفي انها معيوبة وتكون فعلا فيها عيب بس هما عاملين فيها انها تمام وده تهيؤات
-----------------------------------------------------------
مش هاعارضك بخصوص توكيل منصور بالتأكيد