تعبت خلاص حد يفهمنى

**egypto** · 13-10-2008 02:59 PM

السلام عليكم
عندى مشكلة تعبانى جدا فى عربية جالانت مو91 2000ccسحبها ضعيف جدا وبتسحب على مهلها مهما دوست بنزين وناس كتير قالو ديسك واسطوانة غيرتهم ونفس المشكلة قالو كربرتير وبردو غيرتة بواحد استعمال خارج وهيا هيا جبتلها انتركولر وبوجهات وكبلات رياضية غيرت الابلتين والكوندنسر اعمل اية تاااااااااااااااانى وصوت المتور بيعلى بعد120 اوى واخر سرعتها 140 او150 تبقى كدة خلاص بتموت والنبى حد يفهمنى ويقولى فى اية مع العلم ان المتور استندرد.

**ahmedfouad** · 13-10-2008 03:19 PM

العربية بتسخن منك؟
معدل استهلاك البنزين ايه؟
عايز بعد ال 150 ايه؟
عايز اساعدك

**egypto** · 13-10-2008 03:53 PM

المروحة شغالة صيف شتا وحرارتها على النص ولو طفيت المروحة فى الجو البرد دة تسخن واستهلاك البنزين حوالى 30 كيلو بياخدو ربع تنك تنكها 45 انا راضى ب 140 بس يكون المتور مرتاح

**turkia** · 13-10-2008 11:47 PM

ممكن يكون الموتور خفيف شويه واحمد ربنا ومتتكاش على العربيه

**egypto** · 14-10-2008 12:27 AM

مش فاهم يعنى اية خفيف؟؟؟

**shoudy2005** · 14-10-2008 12:55 AM

يعنى الكبس معظمه بيخرج من السلندر الى تهويه المرفق عن طريق خرطوم الفايظ بس الأول قولى هى العربيه بتاكل زيت او فى اى دخان من الشكمان و شيك على فلتر الهواء

**ahmedsrs** · 14-10-2008 12:57 AM

المتور الخفيف بيجرى عادى ويديك سرعة بس مفيش فيه عزم خفيف يعنى كبس الموتور كله بيهرب يعنى فيه طاقة مهدرة هل الموتور بياكل زيت ومن احد اسباب ضعف الموتور برده وزيادة حرارته تلف الشكمان اكشف عليه وشوف

**egypto** · 17-10-2008 02:01 AM

العربية ما بتاكلش زيت وانا حاسس ان المتور كويس لانة فى رنة ومحدش يضحك عليا فى الكلمة دة فى صوت عامل زى ما يكون اسد بيتكرع ههههههه بجد والله صوت تحس انة يدل على القوة

**waled369** · 17-10-2008 02:11 AM

انته بتقول غيرت الديسك و الاسطوانة في الفيتيس يعني قصدك تقول انها مانيوال ؟
انا باسألك السؤال ده لأنك بتقول انها استعمال خارج و العربية دي كانت عندي بالكويت و تعتبر غول في الجري بس الغريب انك بتقول انها مانيوال لأني مشفتش منها مانيوال خالص يا ريت تأكد لي المعلومة مرة تانية
مانيوال و لا لأ ؟