عايز اعدل تويوتا كورولا 2008 ومحتاج( الخبراء فقط)

**gemy215** · 03-04-2010 02:55 AM

السلام عليكم ورحمه الله وبركاته
انا دلوقتي عايز اعدل تويوتا كورولا علشان ازود الهورس باور طبعا بعيد عن تركيب تيربو او كدا
فا الي جه ف بالي مبدأئيا بوجيهات سبلت فاير بالسلوك بتاعته وفلتر ك اند ان ويكسهاوست سيستم كامل هيدر يعني
فا كنت عايز اعرف اسعار الحاجات دي واد ايه بترفع هورس باور وهل فيه حاجه تانيه ممكن اعملها
وفين احسن حد يعملي الحاجات دي وكمان هل العربيه تستخمل الحاجات دي ولا فيه حاجه ممكن تأثر تأثير سلبي علي العربيه
مستني ردودكم يا كبار النايل موتورز

**gemy215** · 03-04-2010 07:16 PM

ايه ياجماعه فين الردود
وكمان كان فيه حاجه تانيه بستفسر فيها هل ممكن الحاجات الي قلت عليها فوق دي تأثر علي العربيه من ناحيه الكمبيوتر بتاعها يعني الكمبيوتر ممكن ميقراش انو داخل هو كتير وبيحرق كتير والتاكيهات مثلا تعمل ديلاي ولا حاجه ولا كدا
ولا ايه النظام
وهل فيه حاجه في الكمبيوتر بتاع العربيه اقدر اعدلها علشان تتماشي مع التعديلات المكيانيكيه دي ويديني كافائه اكتر؟؟ومستني الردود بفارغ الصبر

**gemy215** · 05-04-2010 01:32 AM

ايه دا ياجماعه
فين الناس محدش موجود خالص ولا ايه؟؟؟؟
عايز ابدأ شغل في العربيه!!

**MMamdouh** · 06-04-2010 12:07 PM

لو عملت بحث فى القسم حتلاقى اجابات كل اسئلتك

MMamdouh

**sameh127** · 20-04-2010 11:28 PM

علشان تحس بفرق كلى و جزئي فى الأداء يبقى حاجة من الإثنين
يإيما تركب شاحن (او تربو )
ويإيما تحط مكنة اكبر من اللى موجودة
بقية الإكسسوارات و الفلتر الرياضي و خلافة من بوجيهات و علبة شكمان و الى اخرة حتعمل فروق بسيطة اما الفروق اللى حتبقى صح هى زى ما قلتلك فوق و حتبقى تدعيلي

**eng.octooo** · 20-04-2010 11:56 PM

بص البوجيهات والاسلاك مش هاتحسسك بفرق ملحوظ اوى ..بس فية فرق

الفلاتر لو كانت اصلية واتعملها ماسورة بحيث انها تاخد الهواء البارد مباشرة

وتركب هيدرز رياضية

والجنوط تجيب جنوط اخف واعرض علشان الثبات والتسارع
(بس اعمل حسابك فى قرائة العدادات والعفشة ...حاول تظبطهم مع بعض)

ولو عاوز اداء رياضى بجد وفرق رهيييب (نسبيا لانك مش هاتركب تيربو وكدة ) بس هاتحس بفرق جامد ...اعمل Weight reduction
بالعربي...تخفيض الوزن
ودى عن طريق بانك بتشيل كل حاجة مالهاش لازمة بالميكانيكا زى

المكيف
الراديو والكاسيت
السماعات
الكراسى الخلفية (الكنبة)
الاستبن ( فى الحالة دى بتجيب كاوتش مخصوص بحيث انة لما بيفرقع ..تقدر تمشى علية 60 ك لحد ما تصلحة)
وشوية حاجات فى الكبوت من طرمبات على اسلاك على مواسير بس مش فاكرهم بالظبط
تغيير قطع فى التابلوة
طارة سبور بوزن اخف
كراسى ريكارو اصلية خفيفة جدااا
تشيل الكبوت والشنطة وتعملهم كاربون فايبر
وكل ماتعمل حاجات اكتر كاربون فايبر كل ماتكون اخف

لو عندك اكصدامات صاج ...بدلهم بفاير اخف

بتلاقى وزن العربية نقص حوالى من 150 : 500 ك على حسب الحاجات الى بتتشال ( فية ناس بتشيل الزجاج خالص وبتحط مكانة اللواح اكريلك تقريبا ا)

وبتزود عزم العربية وسرعة التجميع جامد جدااااا

ولو فية حاجة هاتعملها فى كمبيوتر العربية بتبقى انك بتفتح التوب سبيد
يعنى لو عربيتك مقفولة عند 160 ك متر وهيا تجيب اكتر من كدة
بينزل سوفت وير جديد لكمبيوتر العربية بيخليها تجيجب ال 220 مثلا

وحاجات كتيييير بس الى ينفذ

انا اسف على الغلطات الاملائية ...لانى باكتب من التليفون

**bateka555** · 22-04-2010 01:33 PM

ولو فية حاجة هاتعملها فى كمبيوتر العربية بتبقى انك بتفتح التوب سبيد
يعنى لو عربيتك مقفولة عند 160 ك متر وهيا تجيب اكتر من كدة
بينزل سوفت وير جديد لكمبيوتر العربية بيخليها تجيجب ال 220 مثلا

طيب فين أعمل السوفت وير

**eng.octooo** · 22-04-2010 02:32 PM

طيب فين أعمل السوفت وير

ممكن فى التوكيل ..بس مش عارف اية موضوعهم مع الضمان

وان شاء الله الاعضاء يقولوا ممكن نعمل كدة فيين ؟؟؟

الموضوع: عايز اعدل تويوتا كورولا 2008 ومحتاج( الخبراء فقط)

LinkBack

أدوات الموضوع

عرض

-

-

-

-

المواضيع المتشابهه

معروض عليا تويوتا ايكو 2000 ومحتاج راي الخبراء

تويوتا كورولا 2008 للبيع

برجاء تسعير تويوتا كورولا 2008

عايز أشتري تويوتا كورولا 2006/2007 عايز أفادة

بيان اسعار تويوتا كورولا 2008

الكلمات الدلالية لهذا الموضوع

المفضلات

المفضلات

ضوابط المشاركة