لاهل الخبرة فى التعديل

**disha_2020** · 16-04-2010 07:37 PM

يا جماعه انا عاوز اعرف ايه ده وعباره عن ايه وبيزود فى الاداء و الكلام ده اسمه
throttle body kit
دى صورته اللى يعرف ياريت يفيدنى

**MMamdouh** · 17-04-2010 02:10 AM

دى كيت بتلغى المنافولد الاصلى و بيركب مكانة ارع مواسير كبار زى اللى فى الصورة و كل ماسورة فيها مكان لرشاش و جواها بوابة... و فى بعض السايتات بيتقال عليها individual throttle body kit

انا شايف ان دى مش مفيدة الا فى عربية حتبقى شغلتها السباقات فقط لان صوت الموتور حيبقى عالى جدا جدا و طبعا زى ما انت شايف مفيش فلتر هوا خالص فا مع الاستخدام اليومى العربية حتبقى مزعجة و المكنة حتتبهدل من الاتربة و خلافة

MMamdouh

**a_tharwat** · 21-04-2010 06:33 PM

أصل عادي عندهم ان يبقى عندك عربية مخصصة للسباق بتروح بيها اخر الاسبوع لاي تراك و تديها وبعد كده تركنها لحد الاسبوع اللي بعده. نفسي والله حاجة زي كده عندنا, حتلاقي كل الشباب اتلموا من على النواصي وسابوا بنات الناس في حالها.

**MMamdouh** · 21-04-2010 06:41 PM

و للعلم فى بلد زى دبى مثلا انت ممكن تعمل حاجة اسمها "حيازة" للعربية... يعنى العربية تبقى ملكك و تعمل اللى انت عايزة بيها بس متسوقهاش على الطريق العام

يعنى ممكن تعمل حيازة لعربية دراج و تبقى قانونا ملكك و محدش له عندك حاجة (لا رسم تنمية مرتبط بسعة لترية ولا تامين اجبارى ولا الكلام دة) و يبقى عليك تشيلها على عربية نقل من بيتك للتراك و العكس

MMamdouh