الموضوع: 127 مستعملة و لا ماروتي قسط ؟؟؟؟

الموضوع محير برضو
الماروتي جديدة سحبها احسن و تكلفة تشغيلها ققل من 127\
بس ال 127 احسن في تكلفة شارئها و سعر اعادة البيع و وحشة في صيانتها الموضوع محير فعلا

المشاركة الأصلية كتبت بواسطة m!na

هاشم باشا... ازيك.. أنا على طول بقرا مشاركتك في الفولكس على فكرة :)

بس مع احترامي ليك... الماروتي لو كانت ضعيفة مظنش كانت هتستحمل واحد وزنه 140 كيلو... وبيحرت في العربية حرت...

من ناحية تانية.. الجديد جديد... وال 127 عربية كويسة وكل حاجة.. بس خلاص.. راحت عليها... أنا فاكر إنها كانت بـمعدل كل أسبوع بتروح للميكانيكي ... مع إننا كنا محافظين عليها جدا جدا... وكانت أول يد من الزيرو...

الماروتي... سهلة وبسيطة جدا.. وهي كمان كاربراتير مش انجكشن ... يعني أي ميكانيكي هيقدر يفتي فيها...

ده غير إنها موفرة جدا في البنزين أكتر من ال 127 كمان.. عشان احدث وده برده عن تجربة...

الله يسلمك ياباشا
انا معاك فى كلامك والزيرو زيرو بس الكلام ده مش مع الماروتى
لان الماروتى الميزه الوحيده اللى فيها هى انها زيرو
لكن غير كده تكسب ال127
وبعدين انا واحد صاحبى معاه ماروتى وجايبها زيرو
وركب معاه زميل فى العمل وكان وزنه تقيل شويه
والله المساعد اتكسر وساعتها قال مش هركب حد معايا تانى
ده غير ان العربيه شكلها العام ضعيف
حتى الكاوتش بتاعها تحس انه كاوتش فيسبا مش عربيه
مع احترامى الشديد لكل ملاك الماروتى
طالما الموضوع قسط يبقى يااشترى عربيه تستاهل يابلاش
فى نفس الوقت اللى مجرد المقدم بتاعها هو تقريبا سعر ال127
وفى الاخر طبعا ده مجرد راى
والاختلاف فى الرأى لايفسد للود قضيه
وتقبل تحياتى