اه والله جوعوني انا كمان
منكم لله
كرهتكم خلاص
عموما انا الفسيخ كنت ناوي استلمه النهارده بالليل علشان جاتلي مكالمه قالتلي ان البضاعه وصلت الملاحات
دلوقتي بفكر جديااااااااااااا
اني اقفل المحل واروح اجيبها بدل ما استني لاخر اليوم
عرض للطباعة
مرة جالي فسيخ هدية من جارة ليا اصلا من بلد في بحري هم صناع الفسيخ
يعني مليون في المية احسن فسيخ في مصر
ومقدرتش حتى على ريحته بشع بشع بشع واعتذرت لها وقلت حرام يترمي محدش عندنا قدر ياكله ورجعته اما الملوحة مش عارفاها اساسا
الرنجة معقولة وكويسة وانا بعملها في طاسة تيفال وبتتفتح كدة وتتنضف من الشوك والجلد وممكن لتخفيف الملوحة تتعمل بالطحينة وبصل
وصفة جميلة للرنجة جت بالصدفة بس رائعة
شوى الرنجة على الفحم الهادى جدا بيخليها روعة بجد
جربو ومش حتندمو وادعولى
كل سنة وانتم طيبين
تحياتى لكم وللجميع
حرام عليكم الناس الي بتقول الملوحه وحشه
وناس تقول ريحتها :)
حد في الدنيا ميحبش الملوحه !!!!!!! ؟؟؟؟؟؟؟؟؟؟؟؟
لما بعد ما تتنضف وتتقشروتبقي قطع لحم بس (لحمها مستوي من جوه كده ولونه احمر امممممممممممم)
تتحط كده تلات دقايق في زيت زيتون علي النار وبعد كده تنزل بقي في طبق فاضي
وتنزل عليها الطحينه (الي اتجهزت من قبل كده بالملح بتاعها) ويتحط فوق الطحينه الليمون ونقطتين خل وزيت الزيتون وتتغطي وتتساب بقي ساعتين تلاته
ويتجهز علي هذا الاساس كل الاطباق الباقيه (علي اساس كل فرد طبق)
وعند التقديم شوية شطه صغيرين علي الوش يدوا اللون الاحمر علي الوش كده
وبالف هنا وجمبها البصل الاخضر متقطع كده شرايح بالطول رفيع
حد بزمتكم يقول علي الاكل ده وحش؟؟؟؟؟؟؟
جربوا طيب الطريقه دي وهتدعولي
حرام عليكم ده انا لسا متغدي مليش 10 دقايق وريقي جري وحاسس اني شامم ريحة الملوحه :(
A.Yakout
اصراحه والدي الي معلمني لانه فعلا برنس لما يقف في المطبخ
بس اهم حاجه تظبط المكونات يعني متزودش ليمون اوي او زيت اوي
وقبلها تكون ظابط الطحينه بس بملح خفيف لان اصلا لسا هينزل فيها الملح الي في السمك نفسه
وممكن لو معندكش زيت زيتون تحط زيت ذره هيبقي حلو جدا برضه
وبتسيب بقي ده كله ساعتين كده بحيث الطحينه تاخد من طعم السمك نفسه شويه
وتكون ناقع البصل بعد ما تنضفه وتقطعه في ميه عليها نقطتين خل ولمونه
ومتنساش طبعا بعد ده كله اي حاجه فيها صودا علشان تهضم المعجنه دي :)
A.Yakout
جوعتوني انا هروح بكره اشتري رنجة انا لاقيتها موجودة في السوبر ماركة بالصدفة واسمها ب الايطالي رنجة بردو بس ملوحة وفسيخ مفيش !
ماهو ده عيب البلاد المتخلفه دي
امال فين التقدم والحريات اللي بينادوا بيها يا راجل
احنا حنبعتلك صفيحه فسيخ من عندنا
وشوف حد تكون قرفان منه نبعتها باسمه
لو الحكومه مسكتها علي انها كيماويات مشعه وامراض خبيثه يبقي اديك خلصت منه
لو عدت من الجمارك
روحله وقوله انك بعتتهاله علشان تصالحه وجاي تطمن عليه وتاخد نصيبك برضه
ههههههههههههههههههههههههه ه
الملوحة دي عاملة ازاي
يعني ايه الفرق بينها وبين الفسيخ
وهل ممكن تكون فاسدة زي الفسيخ
الملوحه كانت بتجيلي من الصعيد
بتيجي في صفيحه مقفوله كويس جدا تكاد تكون متبرشمه
وعليه الميه والشطه والملح
وظروف مينفعش يعيش فيها كائن فضائي مش مجرد شويه سموم وبكتيريا
بس هي اسم علي مسمي
ملوحتها شديده جدااااااااااااااااااااااا ااا
ولحمها جامد عن لحم الفسيخ ومليانه شوك
وعاوزه حد يكون غاويها علشان ياكلها مش اي حد