يا جماعة الفسيخ طلع فيه نووى و سلاح بيولوجى كمان و خشوا على اللنك ده بس خلوا بالكم من الاشعاع
طبيب: الفسيخ الفاسد سلاح بيولوجي !
عرض للطباعة
يا جماعة الفسيخ طلع فيه نووى و سلاح بيولوجى كمان و خشوا على اللنك ده بس خلوا بالكم من الاشعاع
طبيب: الفسيخ الفاسد سلاح بيولوجي !
ياقوت لو عوزت هابلغك فورا ما تقلقش
بس بصراحة انا بحبها على ابوها كدة مش متخيلها بالطحينة خالص
احبها حادقة كدة والخل والليمون مغرقينها وزيت قليل
والفلفل الاحمر يبهدل الواحد
اصعب حاجة اننا مضرين ننزل الشغل بكرة
حتى الديتول مش محوق مع الريحة الشنيعة دي
نور
هابعتلك ربع برطمان كدة على عنوان الشركة بال tnt عشان تعرفي الفرق بين الاصلي والمضروب
ملوحة طبعا مش فسيخ
الفسيخ ده حاجة شنيعة وسيئة جدا ولو هاكله مش هايكون في شم النسيم ابدا
بس خايف ال tnt يرفضو استلام الشحنة او يعملة عليها مبلغ كبير على اساس نقل مواد خطرة :-)
هاهاهاها
ربع برطمان !! :shyy: ماشي على سبيل التجربة
طول عمرك كريم يا كريم :shine[1]:
المشكله ان فعلا يا نور لازم الحاجه دي تتجاب وصايه يا اما متتكلش اصلا
عموما انا عنيا والله لو عايزه بجد
بس المشكله ان اقل صفيحه اتنين اوتلاته كيلو ودي بالنسبه للملوحه يعبتروا وليمتين تلاته :)
ومش هنساكي في العيش الشمسي وهبعتلك الي يكفيكي قد 15 يوم كده ههههههههههههه
بس انا عارف مش هتقبليها لسبب
ان لازم اول مره تاكليها تكون متقطعه ومتقدمالك جاهزه وتاكلي وتسطعمي وبس متكونش اول مره ليكي وانتي بتتعاملي معاها من الصفيحه بتاعتها كده
انتي ممكن ترميها اصلا :)
وعلي فكره يا كريم الحاجات دي مفيش شركة شحن بتقبلها اصلا
لانها هتعوز عربية خاصه علشان توديها المكان الي رايحاله
ان كان عليا يا جماعه الي عايز حاجه هبعتهاله مع سواق من سواقين البيجو هنا ويبقي حد يستلمها من الموقف بقي ههههههههههه
بس محدش قالي حد يعرف العيش الشمسي؟؟؟؟؟
A.Yakout
هذه الكلمات ستغير نمط حياة الكثيرين فاقرأوها بتمعن
الفسيخ
انا هخليكم تكرهوا الفسيخ
عارفين ليه سموه فسيخ
اقولكم
بيجيبوا البورى ويرموه في الشمس حتى ينتفخ من بكتريا التعفن ويظل ينتفخ حتى يتشقق ويتفسخ (فسيخ)من عند البطن ثم يوضع في ملح ويقوم الملح بعملية تجفيفة وتمليحه الخ الخ ثم يؤكل بنكهة العفن
يع :puke:
الملوحه
اخطر شئ ممكن يتناوله ابن ادم
مشكلة الملوحة في حفظها في صفائح محكمة الغلق مما يسمح لنوع من البكتريا اللاهوائية (لا هوائية يعني بتعيش في وسط خالى من الهواء والاوكسجين =الصفيحة) هذا النوع اسمه Clostridium botulinum ويسبب مرض اسمه Botulism وسببه ان هذه البكتريا تفرز مواد سامه تسبب الشلل الذي يبدأ بشلل عضلات الوجه ثم الاطراف العلوية ثم عضلات التنفس ثم هوبا بالسلامة :crazy4: >:stuart:
الرنجة
اكثر امانا من اي نوع ولكنها اسوأهم طعما
"الحلو" ميكملش
بالنسبة لي
انا لا ممكن اكل الفسيخ البراني او الملوحه ابدن مستحيل
انا بجيب البوري او الدنيس الطازج واحطه في الملح مباشرة وهو طازج بعد تنظيفة صحيح مش هتلاقي فيه ريحة العفن (المحببة للكثيرين) ولكنه راااائع ومضمون بالذات الدنيس لما يتملح لحد ما يبقى لون لحمه احمر .. فظيع فظيع
اما الرنجة انا احب فيها البطروخ فقط لما يتعمل بالزيت والخل واللمون امممم :droolingenthusiast:
انا بقى لا بطيق التلاتة و لا ريحتهم و بقيت بكره شم النسيم علشانهم :_Alshmokh08[1]:
ميرسي يا نابستر هم الصعايدة كدة اهل كرم
بيقولي صفيحة يا كريم :star1: مش ربع برطمان :shyy: :majd(4):
انا لسه عايزة اجرب يا نابستر
ولسه بسأل واحدة قريبتي الملوحة دي عاملة ازاي
قالت لي انها عندها ملوحة جايلها من اسيوووووووط من عندكم يعني وهاتجيبهالي بكرة ان شاء الله اجربها
العيش الشمسي مش ده اللي بيتعمل على الحصو ؟؟؟
الموضوع رحته بقت وحشة :(
ايه يا جماعة الاكل دا , انتوا بشر تانية و لا ايه :) !!
أنا قضيتها رنجة من باب الأمان يعنى
كان يوم جميل والعيال اتفسحوا وانبسطوا
كل سنة وانتم طيبين وربنا يجعل أيامكم كلها أعياد ،
ويعيده علينا وكلكم بألف خير ..