الموضوع: استفسار بخصوص شركات المقاولات

المشاركة الأصلية كتبت بواسطة sara2001

انا ما اقدرش افتي واقول ان الرسومات دي مش حتتنفذ بالمساحات اللي مكتوبه عليها ولا لأ
بس كل اللي اقدر اؤكده لحضرتك ان الرسومات الموضح فيها المساحات بدقه بتاخدها بعد التعاقد وبعد ما تقدم طلب بكده ومش قبل التعاقد ومش عارفه ده في كل الشركات ولا لأ

دا كده بيبقى تعنت منهم جامد جدا انهم ميدوش الرسومات قبل التعاقد دا كده عامل زى اللى بيشترى شقة سماعى بالظبط . والمفروض انهم يوضحوا كل حاجة قبل البيع عشان لما اشترى تكون كل نقطة واضحة ومتبقاش فيه اى حاجة مستخبية
من الورق الدعائي ومن المساحه المكتوبه في التعاقد يعني واحده اشترت فيلا دورين كل دور 105 متر وقالو انه بعد الخدمات المساحه الفعليه 85 متر وعند الإستلام طلعت مساحة الدور الفعليه 66 متر بس[/quote]
وفعلا من مساحة 105 الى 66 دا كده يبقى نصب جامد جدا

المشاركة الأصلية كتبت بواسطة ابو الوليد المصرى

كمان كثير من البائعين بيكتب في العقد المساحة تحت العجز والزيادة والكلمة دي غلط غلط غلط انت مش بتشتري فدان رز علشان يتكتب في العقد تحت العجز والزيادة ...المنافع بتبقي 15-20% من مساحة الشقة.

طيب لما الاقى الكلمة دى مكتوبة فى العقد ايه التعديل المناسب اللى المفروض يتكتب

المشاركة الأصلية كتبت بواسطة sara2001

يعني يقيسها بعد ما يستلم وهو حظه؟؟؟ هي دي المشكله ساعة الإستلام خلاص المساحه مش مطابقه يعمل ايه بعد ما انتظر سنتين او اكتر في لغاية ما استلم يتقبل الأمر الواقع وخلاص

الرسومات الرسمية ممكن تفي بالغرض.