اللي بيفهم في ميكانيكا أوبل فيكترا 97

**fekriano** · 03-04-2010 11:06 PM

أنا كنت اشتريتها من فترة كده و الحمد لله مبسوط بيها
من كام يوم كده لمبت ال abs نورت و أنا بكبس فرامل حتى الفرامل ساعتها هربت و بعدها حسيت دواست الفرامل بقت أخف بس لسه بتفرمل و ديه اول مشكله
تاني مشكله :
و انا بحط بنزين بعد ما دورت سمعت صوت الموتور عالي جدا و صوت غريب و انا بلف الدريكسيون و فوجئت ان الدريكسيون بقى عادي مش باور وبعد الكشف اكتشفت ان علبت الدريكسيون بايظة و زيت الباور كله في الأرض المهم جبت واحده استيراد و الموضوع بقى تمام بس النهارده و الجو نار قلت أشغل التكييف و انا مشغل التكييف ببص كده لقيت عداد السرعه بينزل و بيطلع بس مش بانتظام و لمبه كده غريبه في التابلوه نورت (هي علبة و عليها كهرباء كده )و العربيه لقيتها بتكركر و كأن في زلزال بس ده و انا واقف وأنا ماشي محستش بأي حاجه غير العداد اللي اتحرك مش بانتظام و بعد كده فضل في الصفر مبيتحركش مش عارف ليه حسيت في لحظه و أنا سايق نفس الإحساس اللي بيجيلك و الويندوز بيقع
لو حد يقدر يفسرلي اللي بيحصل ده عشان أنا مش قادر أفهم حاجه و موضوع ال abs ده شكله ملوش حل على فكرة و العربيه مع الكبس الجامد مع السرعه بتعوم ده من ايه يا جماعه

**fekriano** · 03-04-2010 11:22 PM

محدش يعرف الدينامو يعملو كام ؟؟؟ لو حبيت أشتريه أصلي حاسس ان في مشكه فيه طب بلية الدينامو بكام ؟؟؟؟

**فادى محمد** · 03-04-2010 11:34 PM

روح لعبد الله اوبل اللي في المريوطيه

**tananybasha** · 04-04-2010 12:55 AM

دى لمبة فحص الموتور
و اللى عندك ايدل او ماف

**Mustafa_Farouk** · 04-04-2010 11:14 AM

السلام عليكم

كل سنة وكل الناس طيبين، أنا أعرف مهندس شغال في عربيات اوبل، لو حبب تعرف رقم موبايلو، إبعتي على الخاص عشان أبعتهولك.

**cayman69300** · 04-04-2010 02:40 PM

اولا : الف مبروك على العربية
ثانيا : اهلا بيك معانا فى قسم معاناه العربيات
ثالثا : عبد الله اوبل بيقفل يوم الاحد و اكيد بكرة برضوا
رابعا : فى موضوع باسم " عنوان عبد الله اوبل علشان محدش يسال علية " هتلاقى فية كل البيانات
و السلام عليكم و رحمه الله و بركاته