الموضوع: مشكلة حيرت كل ميكانيكية مصر فى السيينا - مش عارف اعمل ايه تانى

معايا سيينا 2000 1600
يارب بس حد يفهمنى من الشرح اللى هقوله ده

العربية بتبطل منى كل ما اهدى السرعة.. يعنى ايه؟؟؟
يعنى دايما لما بهدى العربية وانا جى من على سرعة عالية واهدى الاقيها فجأة بطلت وانا على سرعة 30كم/س مثلا

وبتبطل اكتر فى الزحمة.. كل ما اطلع خطوتين لقدام.. بتبطل قبل ما تقف خالص كمان

اللى بيحصل انى بلاقى عداد الRBM مرة واحدة يروح نازل للصفر وويطلع تانى مرة واحدة.. مرة او اتنين وفى مرة من دول بينزل للصفر اكتر فا تبطل العربية

المهم انا بدورها تانى بتدور عادى يائما بجيب التانى وارمى او لو واقفة بدورها بالمفتاح عادى

حلول الميكانيكية كانت كالتالى...
1- الكاتينة مش مظبوطة.. ممكن ترس من الاتنين يكون مأخر او مقدم.. وحاولوا فيها كذا مرة ومفيش فايدة
2- العربية بتسخن فا بتبطل... ظبطنا الرادياتير وكل الترموستات وجوان وش سليندر وكل حاجة ليها علاقة بالسخونة ودلوقتى الحرارة مش بتعدى الربع... وبرده مافيش فايدة
3- الانجكشن مش نظيف... فتحناه ونظفناه وبقى بيبرق... التبطيل قل بس ما اختفاش وبيحصل بس بعد ما بمشى بيها شوية، ساعة مثلا
4- سلك الاكسيلاتير مش مظبوط... غيرناه اصلا وظبطنا الجديد ومفيش فايدة

انا زهقت بصراحة وصرفت على العيب ده كتير بدون فايدة وعند ناس شاطرة وبيفهموا فى السيينا اوى

كمان العربية بتسحب بنزين بغباوة.. الصفيحة 40لتر اخرها معايا 200كم.. مع ان المواصفات القياسية ليها فى الزحمة تعمل اكتر من 400كم

اللى هيفيدنى فى الحوار ده هديلة عشرين جنيه