الموضوع: وداعا لصوت الكستبانات

امبارح كنت بعمل حمله صيانه روحت للميكانيكي بتاعي كنت عاوز اغير جوان التاكيهات الموتور اللي عندي 2000 ايكوتيك سألت علي الجوان قالي خلصان روحت خليت الميكانيكي يفكه وعمله بسيليكون عضم وقبل مايعمله جبتله 4 لتر بنزين 90 غسل الجوان والغطاء ب2 لتر بنزين (بالكمبروسور) جاتلي فكره وانا عنده انا من ساعت ما جبت العربيه وانا عندي صوت التاكيهات بيبقي عالي الصبح لمده ربع ساعه ويروح روحت قولت للميكانيكي يغسلي الوش بال 2 لتر الباقيين غسلنا الوش من جوه (وش الموتور)عمودين الكامات وكله وغيرت زيت وفلتر علي طول من غير ما ادور العربيه وبعدين دورت الحمد لله صوت الموتور انعم من الفابريكا
الخلاصه :-للقضاء علي صوت الكستبانات :-
1- تفك وش التاكيهات
2- تغسل الوش من جوه ب 2 لتر بنزين مضغوط وتركز علي المنطقه اللي فيها الكستبات اللي صوتها عالي عندك وممكن تستعمل wd 40 وبعدين ترش البنزين
3- تسيب العربيه تنشف من البنزين لمده نص ساعه
4- تراجع علي الجوان بتاعك وتقفل
5-تصفي كل الزيت والفلتر اللي في الموتور وتحط زيت وفلتر جديد )انا كنت بستعمل موبيل وان وغيرته حطيت توتال كوارتز 3000 )
6- تتأكد من مستوي الزيت الصحيح

المشاركة الأصلية كتبت بواسطة hellboy

شكرا يااسلام باشا بس اسهل من كده انك قبل ماتغير الزيت تحط فلوش اويل وتسيبه 5 دقايق والموتور داير وبعدين تنزله وتغير زيت وفلتر هينظف كل حاجه في دوره الزيت بما فيها الاوساخ اللي جوه الكستبانات .

ودا بيعمل كام يا كبير

المشاركة الأصلية كتبت بواسطة lancerevolution

ودا بيعمل كام يا كبير

ب15 جنيه يامعلم

المشاركة الأصلية كتبت بواسطة islambana

ب15 جنيه يامعلم

إشطة سأشتريه عند تغير الزيت للمحرك المرة القادمة

انا كان معايا الفلاش اويل وبعد ماعملت الحكايه دي مارضيتش ادور العربيه ابدا وخليت الفلاش للغيار الجاي
بس الطريقه دي مناسبه لما تكون الحاله مستعصيه وماينفعش معاها الفلاش وانا عملتها لما لقيت نفسي فاكك الوش وهغير زيت بالمره

تمام ياطناني باشا بس انت عندك 8 كستبانات لكن انا عندي 16 كستبان يعني معايا اسبوع فك وتركيب