حلو وبعد مبقينا بلد المليون مطب , مش نلحق قبل مبيقو 2 مليون وتلاقى حد بتعزو لقدر الله جراله حاجه بسبب خزوق الشارع
عرض للطباعة
حلو وبعد مبقينا بلد المليون مطب , مش نلحق قبل مبيقو 2 مليون وتلاقى حد بتعزو لقدر الله جراله حاجه بسبب خزوق الشارع
يعني بجد لو رحت مشوار للحي اشتكيله من اسفلت فيه حفره عند البيت و شارع تاني مليان عواميد نور بس مطفيه علي طول و بقي ملجأ لكل الافعال المخله للاداب و حراميه و شباب صابع بايظ
هل هيكون في استجابه ولا ايه؟
و الكلام ده من غير وسايط
اروح لوحدي؟؟
والله انا الموضوع ده بوظلي جنط قبل كده بسبب حفره اختبار السواقه اللي بيحطوها في الطرق السريعه دي
واللي مضايقني اكتر الاحباط والسلبيه اللي بقي مليا الدنيا حتي من الناس اللي هنا في المنتدي
والله انا بقالي شهر نفسي اكلم المحافظه بس كل ما اسأل حد على نمرتهم يحبطني لحد ما بقيت بني آدم سلبي زيهم
كنت عايز ابلغ عن كوبري الجامعه !! ايوه كوبري الجامعه خروجة الغلابه واللي عايزين يشمو هواء نضيف !! مفيهوش نور بقاله اكتر من شهر
والله لو شفت المسؤول عن الاناره مش هقولك انا ممكن اعمل فيه ايه دا غير الحفره اللي في اوله من ناحية المنيل والطوبه اللي طالعه في آخره من ناحية الجيزه
وفي حاجه كمان انا كنت رايح المنصوره وطول الطريق عمال اتزاول بيفط المطبات وافرمل الاقي المطب اتشال وطبعاً السواقين حافظين المطبات ومش بيفرملو وكان ممكن يخبطوني وييجي المطب الحقيقي من غير ولا يافطه !!! وطبعاً مفيش نور !! والطريق فاضي وابقى ماشي 130 وفجأه اشوف مطب على بعد النور ما هو منور واكبس فرامل والبس المطب والله كان معايا حاجات اتكسرت في الشنطه ومكانش ينفع امشي بالراحه لاني كنت الفجر ومستعجل
فعلا احنا اللى سلبيين لو كل واحد أشتكى من ال50 مليون مش هقول ال 80 على الأقل هيبصو لشكوى 10 مليون منهم وبكده يبقى فى أمل بس منبقاش سلبيين السلبيه هى سبب كل اللى أحنا فيه وانا كان ليا تجربه مع وزاره الداخليه ومكدبش عليكم كنت بعمل الشكوى وأنا عندى شك لكن لقيت الناس فعلا بتتصل بيا وبيردو عليا فى شكوتى وأزاله سببها
الشكوى كانت بخصوص أشاره روكسى اللى بتصور حتى والأشاره خضراء وتم رفع المخالفه عنى
يبقى لو أشتكينا وأحنا معنا الحق أكيد حقنا هيرجعلنا ولسه فى ناس محترمه كتير موجوده وبتراعى ضميرها فى شغلها
عمار يا مصر :E_braces[1]:
و ده للأسف بسبب العمال اللي المفروض يعملوا الشارع و بيكبروا دماغهم و يمشوا
المفروض يا جماعة نشتكي لما يكون كتير بيشتكوا و يكونوا مصممين العملية هتتعدل لكن واحد ولا اتنين و لا كأن في حاجة
يا ريت نبطل السلبية ديه ونخلينا ايجابيين شوية
الطريق من نادى هليوبليس لحد كلية البنات كان فيه عيون الكلب اللى بتتحط فى الارض عشان الناس تهدى فى الحتة المعروفة اللى هناك و فجاة لقيت الطريق زى الحرير و متسفلت تمام و ما فيهوش عين فار حتى
تحيا مصر
انا فعلا شايف ان الطرق بدأت تتعدل عن الاولو الطرق بدأت تتظبط
بس برده ميمنعش ان لسه في اماكن كتير محتاجة لو كل واحد فينا قدم شكوته ان شاء الله البلد كلها هتتصلح شوارعها
أنا مع الإقتراح بإن يكون في رقم للإبلاغ عن أي مشكله في الطريق
خاصة إن معظم الحفر والمطبات الصغيره ممكن معالجتها في وقت قليل أوي
ومش معنى إن الغالب مش شايفين شغلهم يبقى الكل مش شايفين شغلهم، أكيد في ناس عنهم ضمير وعاوزين يشتغلوا ولو حد بلغهم بمشكله هايحاولوا يصلحوها.