رحلة لبور سعيد

**mohamed551** · 17-01-2008 09:34 PM

قبل السفر والمفاجات فرق الاسعار لم يعد مغرى والماركات العالمية غالية جدااا والتجارى ميت جدااا وياريت تا جلوا لشهر فبراير يكون الاوكازيون بدا على انا عاشق لجو بور سعيد وبحرها والممشى الساحلى والكورنيش ووجبات الكاستن اللى ما لهاش حل و عموما انا با سافر دوريا كل شهرين اما اكسسوارات السيارات تقريبا نفس الاسعار مع القاهرة

**اسلام المصرى** · 18-01-2008 08:53 PM

المشاركة الأصلية كتبت بواسطة إسلام شاهين

ههههههههههههههههههههه إنت جنبي أنا كتكوت دنا اللي جنبك برغوت !!!!!!!!!!!

البيات برضه ماينفعش معايا أنا كمان خالص

يا عم كريم يا شاب القلب كلفت نفسك كويس زي ما إسلام المصري قالك ومتقلقش هندفيك كويس وبعدين يا عم كريم ده إنت أصغر مني إيه حكاية البرد ده معاك روق كده بس وفكر وإن شاء الله تيجي معانا .

طيب يا جماعه يبقى الكلام النهائي :-
1- التجمع للقاهريين من 9 - 10 صباح يوم السبت الموافق 26/1/2008 في الربوة .
2- التحرك تمام العاشرة تماما تماما بدون أعذار .
3- أنا عن نفسي رايح بعربيتي وحسب العدد هنشوف هنروح بكام عربية واللي هيجي بعربيته ومش هيسافر بيها يبقى كويس يركنها في الربوة .
4- بالنسبة للإخوة من خارج القاهرة اللي هيقابلونا هناك التجمع أمام الكنيسة التي تقع أمام الشارع التجاري ( معروف جدا طبعا ) في حوالي 12 ظهرا إن شاء الله بعد الوصول بسلامة الله ثم أداء صلاة الظهر .
5- بعد التجمع بقه مش عارف إنتوا ناويين على إيه ( نخلص اللبس الأول - ولا العربيات وإكسسوارتها الأول - ولا كل واحد وراحته ؟ )

كده تمام , ان شاء الله أكون متواجد فى الميعاد المحدد , ان شاء الله الجو يكون حلو و مايكونش فيه شبوره الصبح!
أعتقد ركن العربية فى الربوة فترة طويلة , مش أمان قوى , ولا رأيك أيه؟
لما نعرف مين هيحضر بالظبط ممكن نعمل برنامج و نشوف كل واحد عايز يعمل أيه , أنا من رأى نلف كلنا مع بعض بلاش حكاية كل واحد و راحته!
ان شاء الله أنا طالع بعربيتى و هيكون معايا محمد خلف , أنا مش عايز أتأخر فى الرجوع علشان تانى يوم شغل.

**Hossam_Hassan** · 18-01-2008 10:14 PM

لو تحبوا تعالوا اركنوا العربيات فى الفندق عندى (فى المطار) و تاخدوا طريق الأسماعيلية من هناك

**اسلام المصرى** · 18-01-2008 11:04 PM

المشاركة الأصلية كتبت بواسطة Hossam_Hassan

لو تحبوا تعالوا اركنوا العربيات فى الفندق عندى (فى المطار) و تاخدوا طريق الأسماعيلية من هناك

جزاك الله خيرا يا حسام :) شكرا جزيلا.
ان شاء الله أنت معانا :) ولا أيه :(

**إسلام شاهين** · 18-01-2008 11:15 PM

حسام يا عم إسلام بيتقل علينا مش عارف ليه .

طيب هو كده كام عربية طالعه إن شاء الله وكام واحد جاي علشان مانروحش بعربيات فاضية ؟

**Hisham_ElFeky** · 18-01-2008 11:32 PM

اسلام باشا جامدة الطلعة دي بس انا مفحووووت في معرض الكتاب وصعب عليا اطلع الطلعة دي لو شفت جنوط للهوندا عنذ بتوع الاستيراد لازم تقولي وربنا يباركلو في اكبة السمك ومتنساش البقلويظ

**aymanaly2003** · 19-01-2008 05:21 PM

انا ان شاء الله حكون فى بور سعيد يوم السبت 26 / 1 علشان اشتري عربية معوقين لاني عندي مشكلة بقدمي الايمن و محتار بين اللانوس كاملة و الاكسنت و حتكون فرصة لطيفة ان اقابلكم هناك و ان ساعدتموني في الاختيار فلكم الشكر

**eng_mkhalaf** · 19-01-2008 07:41 PM

ان شاء الله أنا طالع بعربيتى و هيكون معايا محمد خلف

تمام قوى كدة اتظبطت

أنا مش عايز أتأخر فى الرجوع علشان تانى يوم شغل

+10000000000000

Hossam_Hassan

خليك جدع وتعالى - علشان خطرى

انا ان شاء الله حكون فى بور سعيد يوم السبت 26 / 1 علشان اشتري عربية معوقين لاني عندي مشكلة بقدمي الايمن و محتار بين اللانوس كاملة و الاكسنت و حتكون فرصة لطيفة ان

اقابلكم هناك و ان ساعدتموني في الاختيار فلكم الشكر

يا باشا نايل موتورز كلها تحت أمر سيادتك

عايزين بقى نشوف حل لركنة العربيات - علشان مش عارف الربوة امان ولا أية

**اسلام المصرى** · 19-01-2008 07:57 PM

المشاركة الأصلية كتبت بواسطة إسلام شاهين

حسام يا عم إسلام بيتقل علينا مش عارف ليه .

طيب هو كده كام عربية طالعه إن شاء الله وكام واحد جاي علشان مانروحش بعربيات فاضية ؟

أعتقد حسام لو يقدر يجى مش هيتأخر علينا. الرجل أكيد برده عايز يشم نفسه و يغير جو :)
أعتقد حتى الأن أنت و أنا.

المشاركة الأصلية كتبت بواسطة Hisham_ElFeky

اسلام باشا جامدة الطلعة دي بس انا مفحووووت في معرض الكتاب وصعب عليا اطلع الطلعة دي لو شفت جنوط للهوندا عنذ بتوع الاستيراد لازم تقولي وربنا يباركلو في اكبة السمك ومتنساش البقلويظ

طالما عندك شغل يبقى برأة :)
غالى و الطلب رخيص يا H ان شاء الله هيكون معايا الكاميرا لو شفنا جنوط حلوة هصورهملك :)
ما هو البقلويظ

المشاركة الأصلية كتبت بواسطة aymanaly2003

انا ان شاء الله حكون فى بور سعيد يوم السبت 26 / 1 علشان اشتري عربية معوقين لاني عندي مشكلة بقدمي الايمن و محتار بين اللانوس كاملة و الاكسنت و حتكون فرصة لطيفة ان اقابلكم هناك و ان ساعدتموني في الاختيار فلكم الشكر

أحنا تحت أمرك :) ان شاء الله تكون فرصة طيبة للتعارف يا أخ أيمن :)

**Hossam_Hassan** · 20-01-2008 04:18 AM

والله يا أخوانى ظروف مرض جدتى ملخبطة حياتى كلها و مبقتش أقدر ألتزم بأى ميعاد، عن نفسى عاوز اروح بس ربنا مايوريكم الكعب الداير اللى باخده كل يوم من المقطم للمطار للمهندسين للمقطم + قلة النوم و التوتر و القلق و الأنتظار، كل ده مخلينى مش قادر اركز فى أى حاجة غير الدوامة دى.

معلش ان شاء الله الظروف تتحسن و نتقابل فى المقابلة الجاية.

الموضوع: رحلة لبور سعيد

LinkBack

أدوات الموضوع

عرض

-

-

-

-

-

-

-

المواضيع المتشابهه

❤❤❤❤ عيـــد ميــلاد سعيد كلنا نهني اخونا الاستاذ syd عيد سعيد ❤❤❤❤

رجعت من رحلة العمرة (بل رحلة العمر)

طريق من القاهرة لبور سعيد

رحلة شهر عسل

قبل كل رحلة !!!

الكلمات الدلالية لهذا الموضوع

المفضلات

المفضلات

ضوابط المشاركة