ياااه 550 امبير
سبحان الله وده في تكة واحدة
امال بقى المواتير الـ v8 والمواتير الكبيرة اوى تعمل ايه !!
انا زمان كنت بقول على سلك البطارية ده انه تخين اوى اكتر من اللازم
بس دلوقتى حاسس انه يدوبك يقضى المهمة المطلوبة منه
عرض للطباعة
بالظبط كدهاقتباس:
بس دلوقتى حاسس انه يدوبك يقضى المهمة المطلوبة منه
فالتيار العالى الشده هذا فى البدايه هو السبب فى السمك اللى بتشوفه فى كابلات البطاريه
ومعروف يا عمرو باشا فى هندسة الكهرباء
مايسمى بال high starting torque
ودى أول زقه لازم يأخدها أى محرك كهربى ( مثل مارش السياره وبالذات من النوع ثابت التيار )
والخوف كله على تلف الكابلات من الأمبير العالى فى البدايه بالذات
_________________________________
تقدر تشبه ده بالنقله الأولى للفتيس ( علشان تزق العربيه من السكون للحركه ..........أول نتعه يعنى )
وبعد أول نتعه أو نخعه ........بتبقى محتاج عزم بسيط ( زى التانى والتالت وهكذا )
ده تشبيه بسيط للمقارنه بين الحالتين
1- زق عمود كرنك ساكن ونايم .........بعزم كبير مطلوب من المارش ( يعنى أمبير كبير جدا )
2- زق عربيه واقفه ومتكلبشه فى مكانها بأستعمال النقله الأولى على الفتيس
طيب .. إيه نوع المقاومة اللي أنزل أشتريها دلوقت وتنزل الفولت بتاع الباور سبلاي من 17 إلى 14 ..
يعني بافتراض إني في النخيلي دلوقت .. أروح أقول للبياع إيه ؟
واستخدام المقاومة دي على المدى الطويل هايئذي الباور في حاجة وللا المقاومة دي بتشتت الجهد وتخليه ينزل من 17 لـ14 ..
أصل موضوع تطويل السلك ده غير دقيق ومش ميال له وحابب إن الشحن يكون مثالي .
كدة انت محتاج مقاومة يبقى عليها 3 فولت ( 17-14)
وقيمتها هتعتمد على قيمة التيار
لو التيار 3 امبير
v= i r او الجهد = التيار * المقاومة
يعنى المقاومة = الجهد / التيار = 3/3 = 1 اوم
بعد كدة تحسب محتاج كام وات عشان ما تيجبش مقاومة ضعيفة تتحرق
الوات = التيار * التيار * المقاومة = 3 * 3 * 1 = 9 وات
يعنى هتجيب مقاومة 1 اوم و تكون اكتر من 9 وات
ده لو التيار 3 امبير
بس كل ما التيار يزيد الموضوع بيبقى اصعب لأن هتحتاج مقاومات لها وات اعلى
تعالى مثلا نشوف لو التيار 10 امبير
المقاومة = الجهد / التيار = 3/10 = 0.3 اوم بس ممكن متلاقيش مقاومة 0.3 بس لو لقيت يبقى كويس
لو ما لقيتش ساعتها ممكن تجيب 6 مقاومات 1.5 اوم وتوصلهم توازى
كدة حسبنا القيم نحسب بقى الوات في حالة الـ 10 امبير
لو مقاومة واحدة 0.3 يبقى الوات بتاعها 10*10*0.3 = 30 وات
لو 6 مقاومات 1.5 توازى يبقى كل واحدة هتاخد سدس التيار يبقى الوات =
10/6 * 10/6 * 1.5 = تقريبا 5 وات لكل واحدة او 30 وات مجموعهم كلهم
تمام يا بشمهندس وتمام جدا التشبيهات
و فيه كمان تشبيه من عندى لما بتشغل مروحة السقف بتبقى بتتحرك ببطء جدا في الاول على ما تجمع و بعدين بمجرد ما تتحرك بتبدأ تتحرك اسرع لحد ما توصل للسرعة القصوى
وفعلا بتكون محتاجة عزم اكبر في البداية عشان كدة بيبقى متوصل مكثف سعته كبيرة على التوازى مع موتور المروحة عشان يعمل شحنة ابتدائية كبيرة يشغل بيها الموتور ولما المكثف ده بيبوظ بنلاقى صعوبة في تشغيلها ولازم حد يساعدها ويزقها عشان تدور وتشتغل
ما هى هتبقى 6 مقاومات كل واحدة 1.5 اوم
التوصيل على التوازى بيقلل المقاومة ولو قيمتهم متساوية بتقسم على عددهم
يعنى التوصيل على التوازى بيقلل المقاومة مش بيزودها بس بيزود الوات
يعنى مثلا لو مقاومتين 10 اوم 6 وات توازى يبقى المحصلة 5 اوم 12 وات
ولو 6 مقاومات كل واحدة 1.5 اوم و 5 وات يبقى المحصلة 0.25 يعنى تقريبا 0.3 اوم و 30 وات اللى انت محتاجهم
الفكرة انك بتجمع المقاومات بطريقة معينة بحيث توصل للقيمة اللى انت عايزها لو القيمة دى مش متوفرة بس زي ما قلتلك لو لقيت 0.3 على طول وبنفس الوات المطلوب يبقى خلاص
في فكرة تانية انك تجيب مقاومة متغيرة بس دى لازم تتأكد من الوات بتاعها برضه
تمام
وزي ما قلتلك لو وصلنا للـ 10 امبير وجيت تجيب مقاومة يبقى مقاومة واحدة اسهل
بس اكتر من مقاومة ممكن يبقى هو الحل المتوفر ومفيش قدامك غيره
بس عموما ابدأ بالشغل على الـ 3 امبير