اقتباس المشاركة الأصلية كتبت بواسطة amrelsaqqa مشاهدة المشاركة
يا جماعة استهدوا بالله ده شيطان

انا ما قريتش الردود كلها وماعرفش انتوا مختلفين في ايه
بس واضح ان النقاش على التيار المستمر والمتردد


يا جماعة بكل بساطة كهربة البيت دى

بتبقى تيار متردد الشدة والاتجاه مع الزمن يعنى يعلى ويوطى ويقلب السالب موجب و الموجب سالب مع الزمن و يتكرر الموضوع ده بصفة دورية
وده له اشكال كتير اهمها الموجة الجيبية ( sinusoidal )





التيار ده بيبقى جاهز انه يشغل معظم الاجهزة الكهربية على طول على جهد 220



فيه اجهزة بقى الكترونية صغيرة او نوع تانى من الاجهزة محتاجة تيار ثابت او مستمر dc التيار ده يا اما ييجى من بطارية



يا ما ناخد التيار المتردد ac وندخله على مجموعة دواير تحوله للdc


اول حاجة هييجى محول خفض يخفض الجهد مثلا لـ 12 مع بقاءه ac

بعد كدة تيجى الدايرة بتاعت التوحيد اوالتقويم rectification

ودى الدايرة وبيسموها بردج




خرج الدايرة دى بيبقى عامل كدة





تمام

كدة التيار ده ثابت الاتجاه ( لان مفيش جزء سالب )
بس لسه متردد الشدة

وده بنعتبره dc بس ده مينفعش لانه متذبذب ومينفعش مع الاجهزة الالكترونية بالذات

بعد كدة لازم تيجى عملية التنعيم smoothing بمكثف يشحن ويفرغ في الفراغات اللى في الصورة بحيث الاقواس المقلوبة تتساوى شوية

ويبقى الخرج عامل كدة



برضه لسه
عشان يبقى regulated dc لازم يبقى ثابت تماما

نقوم نوصله على regulator او zener لحد ما يبقى عامل كدة



ودى صورة الدايرة كاملة




لو كلكوا اتفقتوا معايا في الكلام ده

يبقى مفيش اي خلاف انما ده كان سوء تفاهم بسيط

وياريت تفتكروا اننا اخوة قبل كل حاجة :):) :)
بارك الله فيك على تفهمك الصح

علميا وعمليا وأجتماعيا

وأتفق معك تماما فى كلامك العلمى هذا فى تلك الجزئيه

أما عملية الفرق بين آله كهربيه
تنتج تيار مستمر
وآله تنتج تيار متغير

بمعنى أدق

ماهو الفرق بين التيار المستمر والتيار المتغير

فدى قصه تانيه

وأنا واثق أنك تدرك مقصودى تماما