الموضوع: عندى سؤال عجيب عن حاجه عرفتها النهارده

المشاركة الأصلية كتبت بواسطة samirayad

الكلمه دى
كلمه دارجه لدى الصنايعيه

وحرفت وأطلق عليها هذا الأسم الغريب

لأن الجزء المسئول عن ضبط خلوص التاكيه

شبه الكستبان اللى بيحطه الخياط أو الترزى ( قرطاس حديد صغير )
فى صباع السبابه الشمال
علشان الأبره متشكوش فى صباعه وهو بيركب زراير للقمصان والعبايات والبناطيل بالذات

تخيل
طول عمري اسمع كلمة كوستبان دي في الكلام الدراج موش في العربيات وكان نفسي اعرف معناها
شكراً للمعلومة المزدوجة دي
انا لو كان الميكانيكي قال لي كوستبان دي كنت هأتصرف معاه تصرف موش كويس؟
صحيح العلم نور والواحد لسه ياما هيتعلم

ده؟؟؟؟؟؟يعنى هل كده فى غلط على المكنه ولا عادى مفهاش حاجه

طبعا غلط كبير ياأخى
عدم الأهتمام بمعالجة عيب حساس مثل هذا

لأن العيب بيسحب وراه عيب

أفلا يقولون
بداية الغيث قطره

وأيضا ممكن تكون بتتناقش مع صديق
وحصل كلمه هايفه ....
ولو مطلعش واحد عاقل أو واحد من الأثنين كان أكثر تسامحا
يبقى ياداهيه دوقى

وهنا بأه فايدة تدارك المطبات قبل عبورها

وبمعنى آخر

لو أنت جاى على مطب جميل ومحترم مسرعا بالسياره

ومعملتش حسابك
وأكلت المطب وطرت بالعربيه ( ده الحاله اللى ممكن تطير فيها السياره بمناسبة مواضيع الطيران اللى منتشره اليومين دول )
مش ممكن تبوظ أشياء هامه فى العفشه
زى مساعدين تضرب أو مقصات تتكسر وغيره

_____________________
وأقرب شىء ممكن يحدث مع أهمال تغيير قطع تالفه مثل الكوستبانات
هو تلف عمود الكامه شخصيا