الحقونى اتقلبت بلاكسيل انهاردة

**MEZAONLY** · 05-04-2010 02:38 AM

كنت ماى زى الفل 80 المهم العجلة المين قدام فرقعت ولقيت العربية اتقلبت بيا على الجزيرة مرتين انا وبنت خالى وولادها احنا كلنا سولام الحمد لله على كل حاجة حبة كدمات نشكرربنا
المهم علشان مطولش عليكوا الخسائر كالتالى السقف باى باى الكبوت باى الرفرفيين قدام بازو ومتنين لغاية الردياتير باى كلة مكسر انا عاوز تكلفة الحجات دى
1 كبوت استيراد
2 رفرفين امامى
3 ربع عربية امامى يشمل الشنب والكشافات والردياتير واكصدام والشبكة
4 سقف كامل
والسمكرى هيستعدل الباقى المهم عاوز مكان فية الحاجات دى استعمال نضيفة ورخيصة
بجد اسف بس اعذرونى اول مرة فى حياتى وانا مبسوط انى سليم دى معجزة من عند ربنا
المهم ياريت كلة يساعدنى
واسف انى طولت اعذرونى اسف مرة كمان

**pido132** · 05-04-2010 03:08 AM

المهم الف حمد لله على سلامتك
وكويس انها جت فى الحديد وان محدش اتاذى
اما عن الحاجات المطلوب تسعيرها فانا مقدرش افيدك
والف حمد لله على السلامه

**hugan** · 05-04-2010 03:17 AM

قدر ولطف المهم انكم بخير انت تنزل عزبه شلبي في المطريه ها تلاقي كل اللي انت عايزه استيراد والمعروض كتير جدا لاني بمر من هناك كتير ويا ريت تاخد معاك السمكري ويكون انت واثق فيه وتسال في اكتر من محل وتجيب با فضل سعر

**MEZAONLY** · 05-04-2010 03:21 AM

ربنا يخليكوا انا عاوز اعرف اسعار القطع معل هتعبكوااااااااااااااااااا ااا

**anaskhal** · 05-04-2010 03:23 AM

الف حمد لله على سلامتك انت والاسرة وربنا يعوضك خير.
روح عزبة شلبى بعد المطرية ناحية مسطرد انا كنت لسه هناك عندهم كمية عربيات اكسيل مقطعة استيراد لدرجة انى زهقت من كترها.
وربنا هيوفقك باذن الله.