المشاركة الأصلية كتبت بواسطة mohamedezat
عن تجارب فى شقتى وشقه اخويا وشقه والدى قبل وفاته الافضل انك تتفرغ للموضوع بنفسك وتتعامل مع كل صنايعى على حده ومع احترامى لجميع المهندسين والمقاولين بس بجد اشرافك انت على الموضوع اسلم شىء
بمعنى انك هاتوفر فى الفلوس جامد جدا وخصوصا لما تشرف على شراء المستلزمات بنفسك بمعنى انك هاتعرف المون المطلوبه وتنزل تشتريها بنفسك وفى نفس الوقت تتابع الشغل وهو بيتعمل سواء محاره او كهرباء او سباكه او سيراميك او نجاره
ومش شرط كله يتعمل فى وقت واحد او فى فتره معينه بالعكس طالما انك مش مستجعل يبقا براحتك اوى وكل لما تلاقى نفسك فاضى اسبوع هتلاقى نفسك خلصت حاجه ومش هاتحس بالمصاريف وهاتتعمل بضمير نظرا لوجودك مع الصنايعيه
ولازم تشرف يا اشرف باشا بنفسك
وعلى فكره اغلب المقاولين بيكونوا فى الاساس كهربائى او ممحر او سباك وبعلقاته مع الصنايعيه بياخودها مقاوله