اقتباس المشاركة الأصلية كتبت بواسطة أشرف فتحى مشاهدة المشاركة
السلام عليكم.......

أحبائى وإخوانى النايل موتورزاويه...

بعد إستشاره الأهل والأصدقاء من داخل نايل موتورز وخارجها.....بخصوص تشطيب شقه سكنيه مساحتها مش كبيره حوالى 100 متر.....أطرح هذا الموضوع للمناقشه والافكار من إخوانى للإستفاده من تجاربكم وخبراتكم فى الموضوع ده..!!

الحاله الحاليه للشقه...على الطوب الاحمر وراكب بها الابواب والشبابيك ومتوصل فيها الاسلاك الكهربيه ومواسير الميه والصرف....

المطلوب ايه بقى؟!!

دلوقتى الشقه محتاجه محاره وكرانيش سقف ومصيص وسيراميك وتشطيب الكهربا والسباكه ...بس!

برضو ايه المطلوب؟!

ببساطه كده أنا معنديش اى خبره فى الموضوع ده واللى فهمته ان الحاجات دى لو متعملتش صح من الاول يبقى الدنيا مش هتكون مظبوطه خالص...

دلوقتى تقترحوا عليا ايه من الحلول الاتيه....

--أدور على صنايعيه كويسين فى كل حاجه على حده...بمعنى أشوف مثلا واحد من بتوع المحاره يجى يعمل المحاره والسقف والكرانيش وبعدين نقاش يشتغل وبعدين بتاع سيراميك وكده واتعامل مع كل واحد على حده وطبعا ده هيبقى مكلف ومش هيبقوا كلهم كويسين....وأكيد هتعرض للإشتغالات ورخامه وعطله الصنايعيه......
طب لو كده تنصحونى بايه وأخلى بالى من أيه؟؟

--ولا أشوف مقاول تشطيب زى ما بيقولوا عليه يسلمنى الشقه من بابها على المفتاح زى ما بيقولوا؟

ناس قالتلى بلاش عشان ممكن يكروت ومش هتعرف الخامات اللى استخدمها شكلها ايه وسمعت عن تجربه صاحب الشقه إضطر يعيد السباكه والسيراميك من الاول....

طب لو ده الحل .....

بيكون كده التكلفه قريبه من تكلفه الصنايعيه المستقلين ولا أكتر ولا أقل؟

وبرضو أخلى بالى من أيه وتنصحونى بأيه؟


-- طب انا أفتكر ان مكتبنا كان بيتشطب فى فرع من الفروع وكان مهندس ماسك الموضوع ده من الألف للياء مش عارف يعتبر مهندس ديكور ولا مدنى ولا أيه بالضبط...لكن عامل رعب للعمال واللى كان مش كويس ساعه الاستلام غيره بمعرفته ....

هل فى مكاتب أو مهندسين بتقوم بالعمليه دى زى أخونا ده وتكلفته هتفرق كتير عن الحلين السابقين؟

وبرضو لو كده تنصحونى بأيه وأخلى بالى من أيه؟!


فى النهايه عشان أنا طولت قوى .......

ياريت اللى عنده معلومه ميبخلش بيها فى الموضوع ده وياريت لو معانا حد فى نايل موتورز ليه علاقه بالمجال ده يفيدنى بخبرته او يدلنى على الخطوات الصح ..!

كمان لو حد يعرف حد بيقوم بالمهمه دى وثقه وأمين ياريت يدلنى عليه....!

الاعلانات موجوده على النت وبالتقسيط كمان لكن ناس مأعرفش حد فيهم ومش ضامن شغلهم وتوقيتاتهم....

منتظر مشاركتكم ...


تحياتى وكل سنه وحضراتكم طيبين....

أشرف فتحى

اول حاجه حضرتك تعملها قبل المحاره والتشطيب توزيع الفرش في الشقه (في كل فراغ على حدي) لازم تتخيل المكان ده كافي ولا لأ حتى الحمامات والمطبخ لأن ممكن تحتاج تعدل حاجات معماريا او تنقل باب للجنب شويه او تعمل المطبخ مفتوح
وبعد كده تشوف توزيع الكهرباء مناسب للفرش ده ولا لأ ومناسب لمتطلباتك في الكهرباء يعني اماكن الفيش مثلا في غرف النوم معموله وراء الكومود ولا لأ وهل في مفتاح يفتح الإضاءه بجانب السرير وعند مخرج الغرفه ايضا
هل في مخرج ايريال وتليفون وdsl هل في برايز قوي كافيه في المطبخ ..... الموضوع ده مهم جدا لأنه صعب تعديله بعد المحاره
لو كل ده مضبوط تبدأ في المحاره ومراحل التشطيب العاديه